بسم الله الرحمن الرحيم
من كذبة الفهم والتفكيروادغاله=من فقد الاحساس بالذات ومعانيها
من ثني الاعناق حتى يلعق نعاله=من ضعف الاقدام لاتحشم خطاويها
من عتمة اجسام تبحث عن ضيا الهاله=من حفنة اقزام تبغى ترفع يديها
من حفنة اقلام فيها الحبْر يرثى له=من تحت الاقدام واطيها وعاليها
هبت علينا الهبايب تحمل حثاله=كم يشبه الحاضر المسْود ماضيها
احدٍ تطاول على الشامخ ولاطاله=واحدٍرجوله على التغريب يحفيها
واحدٍعلى صوت ردع الشر وبلاله=جرّ المووايل من مبسم مغنيها
طاروا من جلودهم عاله على عاله=والناس شافت بعين الحق خافيها
كلٍ يقول الفخر لي واحمل رساله=من سيد الفكر جيت اليوم ابرويها
حتى متى والتخلّف يلوي حباله=في عنق الامه وعن هالعز يعميها؟!
الناس تبحث عن المريخ واهواله=وانتوا على سكة الهادي وراويها!!
البيت شقُّوا ستاره وانزعوا شاله=عرُّوا المرايا عن اللي بات يخفيها
عمّه عطاه الدروس بليله لحاله=يبغى نهار الصخب للناس يعطيها
مايستر اللي رمى غتْرتْه وعقاله=تفصيلةٍ من بلاد الغير شاريها
من طاول المجد بـــ ايد الذل ماناله=الدهر للخلق طول العمريحكيها
لونايم العمر رقّاهم على جباله=للحق صحوه من العالي توطيها
تبّت يدين العميل وتبت اعماله=اهل العقايد محال الجهل يغريها
حنّا هل الدين واهل الحق وابطاله=ما ننخدع في رموزّ جيت تمليها
نتبع كلام النبي وصحبه وآله=خل الروايات تبقى عند راعيها
هذا وطن كل ذره تسكن رماله=تحظن دموعٍ بكت من خوف باريها
هذا وطن ماتثنّى هامة رجاله=الا على (اللهُّ أكبر) يوم توحيها
هذا وطن لو شبابه حط في باله=مانامت عيون من يخدش مباديها
تفنى سنينك وهو ماغير احواله=ثابت ثبوت الكرامه في مبانيها
الموت دونك ولو تفلت من حباله=دونك حبال القوي وعدل واليها
منذ /02-07-2012, 09:43 PM
.
كـــــذبــة الفــهـم....!!!!
.
العرض العادي
