يسعد صباحك

[لطآم العتيبي]

صبآآآح الخير ..

متـــواضــعه لتـــواصل معكم ...

ولا نستغني عن ارائكم ونقدكم ........

ابكي وفيني للفرح بيت مهجور =واضحك وفيني للحزن ماكفاني
وامشي وساقي من عنى الدرب مكسور =وانا لك الله ميتً من زماني
يسعد صباحك ياغلا هم وسرور =يسعد صباحك يالحبيب الاناني
ترى الحكايه شاعرك فيك مسحور =اشتاق لك واستنفرته الاغاني
ولا الحقيقه غيبتك سبعة اشهور =اكبر من احلام الحكم لليماني
بير ودلو ومورده ضامي الزور =وحزن وفرح والي بقالي اماني
ابني وطيفك يهدم البيت والسور =وارجع اشيد في خفوقي مباني
واكتب على بيض الورق موجز اسطور =هذا الزمان اليوم ماهو زماني
لحضه تعال وخلنا نحكم الشور =من منطلق انسى الزعل لا تعاني
لحضه وخل نجومنا تسطع النور =واضحك وخل ايامنا زعفراني
الا متى وصدورنا كنها قبور =والا متى والحزن خامس خواني
اشتاق لك لا ولع النار مالبور =واحتاج لك من جمر شوق كواني
واقول في صدري بعد حارق الجور =هاذا عشان الدمع ولا عشاني
الي عطيته وافي الحب مغرور =هاتو من الملبور ملبور ثاني
اهم شي اني مع الناس مذكور =ولا الغلا والشوق والعمر فاني
هاذي الحقيقه وابيض الوجه معذور =وهاذي الصراحه كلها من لساني
وافرح وانا بفرح بعد سبعة اشهور =اليوم بطوي صفحتك لا تعاني
وان زاد بك شوقك من الشوق ماجور =الله يلعن والدين الاناني
ثنتين والخاطر من الكسر مجبور =والثالثه لا هنت قلبي عصاني
اصعب فراق اسهل من دموع مذعور =والطف فراق الي رحل بالتهاني
مثل ابتسامة طفل يلعب ومسرور =ومثل العشير الي رحل مابكاني
ماهو صحيح ان الغلا يذبحه جور =يبقى معك يالين يفنى الزماني

[سامي الريمان]

اهــم شــي انــي مـــع الـنــاس مـذكــور
ولا الــغــلا والــشــوق والـعـمــر فــانـــي

مختلف عن كل أبيات القصيدة

ولايلغي جمالها

صح لسانك

[الحسن العتيبي]

صح لسانك اخوي
لا هنت

[سلطان بن مشعل]

صح لسانك قصيدة جميله الله لايهينك

[حُسام العتيبي]

صح لسانك


قصيدة جباره بصراحة

لاهنت

[كلآسيكـ]

صح لسانك

[سعد سبعان]

صح لسانك قصيدة جميلة

[جابر هلال]

صح الله لسانك وبيض الله وجهك