نــــامـــي

[احمد بن سارح]

لمن لايحب السهر مثلي رغم انه يلازمني مثل ضلي

طفّي شموع السهر ماحب انا أسهر=والحزن قدّام عيني يغمز بعينه
بكره ورايه نكَد والوقْت متأخِّر=وكتاب صبْحي قريته من عناوينه
الحب نام وتوسَّد ضيقة الدفتر=ماعاد به حرف يسمع لو تصحينه
مابي سحابه ليا مـ استمطرت تمطر=تروي ظماك وتَحَدَّر في شرايينه
جفِّيت من جرحك اللي لوصغر يكبر=والَّنو الاول بصدري ما عَرِف وينه
لولاي اخاف الملام وطعنة الخنْجر=والناس تظلم فؤادي فيك وتدينه
ماكنت باقي اجمِّع داخلي واخْسر=وماكان ساقي على النيران تلقينه
وماصرت دمعه عجَز عن ظمّها مَحْجر=ولاصرت شاعر نحيبه في دواوينه
همسك ينرفز ولمسك مرعبٍ أقْشَر=يدفن بجلْدي ولا يرحم سكاكينه
نامي ولاتشتكي لي صدق ما أقدر=استاسر الشوق عنك واربط ايدينه
أنا يبي لي مدينه باهلها واكثر=أشكي عليها محبٍ تاهت سنينه
ماعاد تِغْري ليالي وجهها أحمر=عمّ السواد المعنى وامتلت عنيه
العذر لو هو قصيده كنت انا بـ اعذر=واكتب لك الجرح مطلع لين تمحينه
بس الحقيقه تخوِّف .أكبر. و. أكبر=ميِّت واذا في يدِكْ بالله تحيينه

اخوكم
احمد بن سارح

[محمد عويض الثبيتي]

بس الحقيقه تخوِّف .أكبـر. و. أكبـرميِّـت واذا فـي يـدِكْ بالله تحييـنـه

الله .................... الله


لله درك............هكذا الشعر و إلا فلا


صح لسانك مدد .......... شاعر كبير ومتمكن

تقبل مروري

[حُسام العتيبي]

يا سلام

بصراحه السهر اصبح عاده فينا رغم مضاره

وصح لسانك ع القصيده الجزله

لا هنت

[شذى الجوري]

صح لسانك
رائعة
جوريات

[جابر هلال]

الـحـب نــام وتـوسَّــد ضـيـقـة الـدفـتـر
ماعـاد بـه حـرف يسمـع لـو تصحيـنـه


يكفي هذا البيت


صح لسانك ياشاعر

[سامي الريمان]

أنيق ومبدع دائما يا أحمد

سلمت وصح لسانك

[غرور الورد]

بـــــــــــــــــاذخه هنا الابيات .. شاعرنا ..

رغم اني من عشاق السهر برضى او بغير رضى ..
هنا ابيات لامستني كثير ..


تسلم شاعرنا ..

[احمد بن سارح]

المشاركة الأصلية كتبت بواسطة محمد عويض الثبيتي بس الحقيقه تخوِّف .أكبـر. و. أكبـرميِّـت واذا فـي يـدِكْ بالله تحييـنـه الله .................... الله لله درك............هكذا الشعر و إلا فلا صح لسانك مدد .......... شاعر كبير ومتمكن تقبل مروري

اهلا يامحمد

صح بدنك واشكرك على المرور والاطراء

ودي