جيب ومشلح

[المهدي بن تركي]

الاحبه من جديدي لكم
مع كل تقديري لهذا الموقع واهله


|

البارحه يوم ان نصف الليل طرٌف وانتحا = قامت هواجيسي تجيب امن القرٌيب والبعيد
دنيا تدور اسنينها تدوراتها مثل الرحا = العام كنه ها السنه ماعاد به شيا ً جديد
تلحني دنياي لح السيل لا اعطا مع نحا = ما اقدر على صدماتها لو جت اعظامي من حديد
اما يجيني همها با الليل والا بالضحا = واصبح ملازمني ملازمت البلاده للبليد
ودي بقلب ً سالي ًلاجل اني اطرب وامرحا = وابحث عن الشيخة واعزم اهل السذاجه با القصيد
واقول انا جدي وجدي كان يصلخ يذبحا = واخذ سوالف غير جدي لاجل جدي يستفيد
يانعنبو بعض العلوم اللي تجي ما تصلحا = لاقامت الاقزام تبحث عن بروز بلا رصيد
العود يبقى مازينه مادام يستره اللحا = لكن ابه عيدان مافيها لحا مثل الجريد
والله ثم والله ما امدح واحد ً مايمدحا = لو هو عطاني مال ميكروسوفت واموال الوليد
ياللي تبون الشهره ابجيب جديد ومشلحا = تريحوا لا تتعبون ومركز الشهره بعيد
لكن شوفوا شهرة ً سهله مثل شهرة جحا = لعل منكم واحد ً من ها النصيحه يستفيد
امن اولا ً مافيه شي ً غالي ً مثل اللحا = تكفل ارقاب وتطلق ارقاب ً وتفعل ماتريد
واليوم راحت ماتساوي شي والقدر انمحا = ياليتها مازينة وجه المشفٌح والمريد
راحت وجيه ً كان يملاها الوقار امن السحا = وكثرت وجيه اللي سواد الوجه عنهم مايحيد
يفيدها اللي ميت ًحظه وقلبه ما صحا = فيده اليا فادواارجال الطيب جعله مايفيد
بعض المسائل واضحه مافيه داعي نشرحا = هذا الوكيد اللي يريده من يبا العلم الوكيد

[متيمــــــه]

حياك الله من جديد

عوداً حميداً



.

قصيدة راااائعة بحق

نقول الله المستعان بس .!


صح لساانك


وسلمت يمينك ياارب



يعطيك العافيه

[عبدالله الوعيلي]

اسجـل إعجـآبي بالقصيـده هذي

صح الله لسآنك يآشــآعر ومآشآء الله على إمكآنيآتك الشعريه

تحيآتي

[شموخ إنسانه]

قصيدة راائعة ,,واكثر

صح لسااااانكـ لاهنت ,,


يعطيكـ العافية ,,

[جابر هلال]

نص أسطوري


لله درك


دنـيــا تـــدور اسنـيـنـهـا تـدوراتـهــا مــثــل الــرحــا
الـعـام كـنـه هــا السـنـه مـاعـاد بـــه شـيــا ً جـديــد

[سامي الريمان]

لايكفي الإطلاع ولا التعليق السريع


حجز حتى أستعيد الحرف : )

[حُسام العتيبي]

شاعر عملاق يابن تركي


كفو والله

صح لسانك إلى مالانهاية

[سعد سبعان]

شكرا لك

هكذا يكون الشعر

رسالة وقضية

شكرا لك