صـــــمــــت الــغلابـــه

[احمد بن سارح]

كل عام وانتم بخير

لكم هذه لعلها تلامس شيئا لديكم

ياخي تعبت مـن القلـم والكتابـه=ومن كثرة الاوراق بينـي وبينـي

أملى من آهاتـي دفاتـر ولابـه=عين ٍ تفك احزانها غيـر عينـي

كلْ ليله الهاجس يسـري ركابـه=ويلف بي الدنيـا ويملـى يدينـي

أجمع من العالم جـروح وكآبـه=وآهات واوجاع وهمـوم وأنينـي

وآخذ من المظلوم نكهـة عذابـه=وخشوع ليل وتمتمـة سجدتينـي

يهديني اليتمـان جـور القرابـه=وسهم ٍمن يديهم بصـدره مكينـي

حتى ندا الهيمـان يملـي جوابـه=ومن المفارق دمعتيـن وحنينـي

أتعب من اتعابي تضيق الرحابـه=آنـوخ ركابـي وامسّـح جبينـي

وليا اشرقت شمسي كسرت الرتابه=وانفض يديني والأسـى يعترينـي

وانزّل حمولي بلطـف وغرابـه=على كتـاب ٍماعجـز يحتوينـي

واهديلها عنوان(صمـت الغلابـه)=واطرز البيضا(بنبـرة حزينـي)

واشكل الروعـه بـذوق ونجابـه=وآزفهـا ليعـون مـن يحترينـي

واتفاجأ اني عايش ٍوسـط غابـه=وغيري من اللا شي ساكن عريني

يهملني العالم وانا اللـي سرابـه=وحيد ورياح الظمير اتحديني؟؟؟؟؟

لكـن بهالدنيـا تشـوف الغرابـه=من ياصل القمه رفعـه العوينـي

ماهمني لو صـار وقتـي نهابـه=متشبـثٍ بالله وآحــب ديـنـي

يكفي ضميري لو رضا بالكتابـه=ودعوة رضـا لله مـن والدينـي

تحيتي

[حُسام العتيبي]

تمكن عجيب ماشاء الله تبارك الله

صور في قمة الروعة

سبك ولا أروع


صح لسانك يارائع

[سامي الريمان]

الله عليك يا احمد


لله درك شاعر نادر جداً

صح لسانك ......... (())

[شذى الروح]

مُنَاجَاة الْكَلِم يَغَار مِنْهَا حَتَّى الْوَرْد بِنَدَاه
صَح لِسَانَك وَسُلِّمَت أَنَامِلُك
ل حُضُوْرِك عَزْف لَحْنُه كَلِمَاتِك
لَك احترام وَأَكْثَر

[محمد بن عبود]

أهلا بالإختلاف الشعري


شاعر بمعنى الكلمة يا احمد



واتفاجأ اني عايش ٍوسـط غابـه
وغيري من اللا شي ساكن عريني



يهملني العالم وانا اللـي سرابـه
وحيد ورياح الظمير اتحديني؟؟؟؟؟



لكـن بهالدنيـا تشـوف الغرابـه
من ياصل القمه رفعـه العوينـي



ماهمني لو صـار وقتـي نهابـه
متشبـثٍ بالله وآحــب ديـنـي






يكفي ضميري لو رضا بالكتابه
ودعوة رضا لله من والدينـي



هُنا شعر من نوع آخر

شعر أجمل وارقى

حفظك الله

[متيمــــــه]

وأنت بخير وصحة



من العنوان .. تذكرة عبور لـِ شعر مختلف


إستوقفني أكثر من بيت .. إن لم تكن جُملة الأبيات كلها : )


رائعـة .. يارائع

صح لساانك



وسلَم قلبك


دمت

[احلام العمر]

وكانت قصيدة اجمل صمت للغلابه..

صح للسانك..
وتحياتي..

[البواردي]

صح السانك شاعر مبدع