الغلا والغي !

[سامي الريمان]

السلام عليكم ورحمة الله وبركاته


لــــــ التواصل

صباحك صباح الغي , يا ام الغلا والغي
يابنت الظلام اللي خلقتك من أبياتي
يامن تشغلين الطايف ان ناموا اهل الحي
بتعليل سياتك وتعليل سياتي
عليك السلام ان ضاق صدرك علي شوي
وعلي السلام ان ضاق صدري من اسكاتي
مع ان السكوت يعلم التافهيين بشي
ينسيهم إياه التطبع بمن ياتي
بشي (ن) قبيحة روحه ونبض قلبه سي
لكنه ينسيهم فعولي ووقفاتي
واخوي القديم اللي رمت به خيوط الضي
على ليلة الظلما وتيارها العاتي
تركتة وهو مبطي ليا قال لي يا ’خَيَ
لقاني , وانا اخو(ن) ماهو مسوي سواتي
عشانه رضى الرمضى علي ونزل فـ الفي
وانا الفي فييِ , مار ما اعد حسناتي
يوادع , طويت اللي جمعني بمثله طي
وانا خاسرن(ن) معرفتة وكاسب(ن) ذاتي
ولو ان الصديق اللي وفالي بقالي حي
عصمني بعد ربي عن اخر علاقاتي
يابنت الظلام استانسي ماغدالي شي
يبالله يعطيني على قد نياتي

sami_al.reman

[حُسام العتيبي]

محجوز::..............

[حُسام العتيبي]

صباحك صباح الغي , يا ام الغلا والغي
يابنت الظلام اللي خلقتك من أبياتي

يا سلام.

صح لسانك يا بو محمد..

قصيده جزله,واستمتعت بقراءتها جداً جداً جداً..

والله يعطيك العافيه.

[*تفوق الوصف*]

سااامي صح لسانك قصيده رااائعه..


الله يعطيك العافيه..

[متيمــــــه]

وعليكم السلام والرحمة والبركة



تعجبني كثيراً هذه القافيه : )


بـ العادة قافيه كهذه .. تُضيف للقصيدة

ولكن الإحساس هُنا .. هو ما أضاف للنص .. والقاف


رائعة وأكثر


سامي

مُميز كيفماء جئت


صح لساانك


دمت

[سعد الخماش]

الله يعطيك على قد نيتك ..!




..

[سلطان بن مشعل]

صباحك صباح الغي , يا ام الغلا والغي
يابنت الظلام اللي خلقتك من أبياتي



صح لسانك يابو محمد


لاكن هذا الشبل من ذاك الاسد

[سامي الريمان]

يامطوع

صح بدنك ولاهنت على مرورك المشرف

سلمت ياغالي