صدفني بنت وسط السوق وتقول ارسل الايميل= وابى اضيفك على ماسنجري مع باقي الشله
ولو تبغى على الياهو ولو تبغى على الهوتميل = ابكتب بك وتكتب لي ونقضي وقتنا فله
وعندي (كام) لو ودك تناظر طرفي الكحيل= واوريك الخفايا اللي تداو الجرح والعله
أببحر بك على مركب غرامي في ضفاف النيل = أباك تكفكف دموعن لها عامين منهله
ترى عمر الفتى محدود واسهر مع نجوم الليل= وخلك رجل رومنسي كلام الحب فاطلَه
الا يابنت لحظه وقفي لا تكثرين القيل = صحيح انك مليحه فاتنه بالحيل ماشالله
هذاه النت ابو شاشه غزو من دولة اسرائيل= بدون سلاح لكنه يسوي فالعقل خله
تراك مضيعه دربك خسيتي يادمار الجيل= انا رجلن على الفطره على الاسلام والمله
ماالد النظره الا للسما يم الجدي وسهيل = واشوم عن الدروب العوج طبعن فيَ وجبلَه
احب الدين واهل الدين والقران والترتيل = وقلبي مفعمن بالصدق والايمان يحتله
واحب آسوي الكيف المصفى زعفران وهيل= واحب البن والمسمار والفنجال والدله
واحب آخاوي القرم الشجاع الصارم الحلحيل= كريم الوجه وافي فالخصايل يدمح الزله
ترى مانيب مهبولن يخاوي زمرة الهبيل= ومهبول العقل حاشى يوافق دلنا دله
بأسم منزل القران والتوراة والانجيل = الهن تعبده خلقه على طول الدهر كله
الا يالله تصلحنا وتصلح من بقلبه ميل = وتغفر ذنب عبدن كل ليل وصبح يشتله
وتنجينا من دْروب الزلل والفسق والتضليل = دهاليز الظلام اللي بها الاخلاق منحله
إن كان تونس وجع فالراس خذ حبّه = حبة بنادول لين الله يفرجها
مار البلا في مريضن ما عرف طبّه = عنده جروح الهوى وازرى يعالجها
منذ /12-14-2009, 01:57 AM
.
صدفني بنت وسط السوق ؟؟؟؟؟؟
.
العرض العادي
