الى ملك الانسانية
ملك احب الشعب واحبه الشعب
الملك الانسان عبدالله بن عبد العزيز
يا مسوي الكيف عده للملك عده = وخله بميناه تكفى لايفارقها
اللي عرفناه وقت اليسر والشده = ومدات جوده لنا ماحد ً يصدقها
كأنه يحرك قلوب الشعب في يده = اتعانقه با الوفاء واهوه يعانقها
يطول عمرك يارع العدل والمده = خالفت عميان الارياء في تشدقها
ومسحت دمع الحزين بكارثة جده = لولاك كان الغرق والحزن مغرقها
وأعددت للبايق اللي باقنا عده = من حكمتك لين تظهر لك حقايقها
ومن خان ياسيدي فا ادعس على خده = با الشرع لاعاد ترحمها وتعتقها
والسارق اللي سرقنا نعنبو جده = امانته كيف امام الناس يسرقها
الحق يظهر ولو هي طالة المده = والارض تشهد على الخاين مرافقها
لو كان بعض البشرينكر ولا وده = ويستر عيوبه من هروج ً يلفقها
من أمرك اتطيح روس هدها هده = اللي بنت في الزوايا اضخم فنادقها
انت الذي شال عدل الله في يده = اضرب بسيفك على الاشرار واحرقها
وانت الذي توقف الظالم على حده = وانت الذي هيبتك تلجم منافقها
لاعاد ترحم ولو هو كان من قده = شريعة الله فوق الارض طبقها
حارب مثل حرب لبو بكر في الرده = يوم الوجيه انكشف فيها تملقها
ياسيدي كل شياً واصلً حده = وامالنا كلها عندك نعلقها
الشعب ماله سواك اليا الزمن حده = وشعبك ذرى ديرتك للاح بارقها
اللي على امنه هنا واللي على حده = واللي امام العدو داخل خنادقها
يا نادر مايبيح الدهر من سده = تخرج صعيبات الارياء من عوايقها
وفضايلك ياطويل العمر ممتده = فالارض وصلت لمغربها ومشرقها
منذ /12-02-2009, 02:52 PM
.
.
العرض العادي
