مرثيه في (دخيل الله بن مارق بن عون ) رحمه الله

[سلطان بن دحيم]

اليكم هذه الابيات مرثيه فابن العم / دخيل الله بن مارق بن عون رحمه الله واسكنه فسيح جناته.

الا يالله رضينا بالمقدر والمقدر صار = تحت دبرتك نمشي ما لنا حيل(ن) ولا حيله
والا يالله عسى ابو عناد ما يقرب لهيب النار = ابى ادعي له عسى من يستمع لدعاي يدعي له
والا يالله عسى له منزل(ن) في جنة الابرار = طلبتك في جنان الخلد وسع له مداخيله
والا يالله تصبر واحد(ن) من صدمته منهار = ودمعه ما يخفُا لو يمشنه مناديله
والا يا عاذلي خل العيون تهل دمع(ن) حار = ما دام الدمع حيلة من زمانه ذابح(ن) حيله
ما دام اني فقدت اخو و ولد عم ورفيق(ن) بار = ابى ابطي ما لقيت اللي يعوض عنه من جيله
وانا وشلون ابى ادله دام اله في ناظري تذكار = وانا وش عاد اسوي لا وطيت اخر مداهيله
مثل ما قاله القرقاح والدنيا فلكها دار = ولا يفرق نهار اللي شكى الاحزان عن ليله
وعلى الله كل شي وما كتب رب الخلايق صار = وحق اللي خذاه الله بالغفران ندعي له

[الـ@ـآيـل]

رحمه الله رحمة واسعه واسكنه فسيح جناته ..

لاهنت يابن دحيم ..وصح لسانك يالقرم دائما وافي ..

...

[سامي الريمان]

الله يرحمه ويسكنه الجنه

ويطول في عمرك يبو دحيم

صح لسانك شاعر عملاق ومبدع دائما

شكرا لك

[هـيّـاف الـصـقّـر]

الله يرحمه ويرحم أموات المسلمين ..

ويكتب أجرك ..

مبدع ياسلطان

صح لسانك

مدد .. بلا .. عدد

...
..
.

[زياد بن شويط]

الله يعطيك العافيه أخوي / سلطان أبن دحيم
الله يرحمه ويغمد روحه الجنه ويوسع في قبره ويجعل حسابه حسابآ يسيرى
ويكون من من يشفع لهم نبينا محمد صلى الله عليه وسلم ومن العتقاء من النار
سبحانك أنت أرحم الراحمين أدعوك يألهي لاتحرمه الجنه ونعيمها وحرم عليه
النار وعذابها ونور قبره .
أخوي سلطان أجبر الله عزاكم وألهمكم الصبر (أنا الله وأنا أليه راجعون)

أخوك / زياد العطاوي

[راعي مرعوبه]

انا لله وانا اليه رااجعوون عظم الله اجررك يا بو دحيم وبيض الله وجهك على القصيده

[راكان العتيبي]

رحمة الله واسكنة فسيح جناتة

صح لسانك ياسلطان

اخوك

راكان العتيبي

[وليف المراجل]

الله يرحمه


صح لسانك يأبو دحيم