اخواني اعضاء وزوارالمنتدى السلام عليكم ورحمة الله وبركاته
في يوم 12/10/ 1428هـ كان الحدث الأبرز لقبيلة عتيبه الهيلا خلال القرن الواحد والعشرين
وهو انطلاق مهرجان ملتقى قبيلة عتيبه الهيلا لمزايين الأبل وماصاحبه من فعليات لازالت عالقه
في الأذهان وقد كتبت قصيده في هذه المناسبه ونزلت في حينه في قسم ملتقي قبيلة عتيبه الهيلا
واليوم اعيدها في منتدى عزف القوافي احتفاءاً بهذه الذكرى الجميله عسى ان تحوز على رضاكم
الحفل الكبير
ايـه فالثانـي عشـر بالظبـط مـن شوّالـه=عـام واحـد واربعـه واثنـيـن ولْـهـن زودي
زودهن ثامن سنه ظمن الحساب كْماله=سجـلـوا تاريخـهـا بالهـجـري المـعـدودي
ايـه فـي هـاك النهـار الحـظ مــد حْبـالـه=وارتـوانـا مــن زلال الصـافـي القـرهـودي
انـكشـف ســـر الـنـفـود وردد الـزومـالـه=مرحـبـا بعتيـبـه الهـيـلا بــدون حـــدودي
وبسم من رسّى على كل الديار جْبالـه=العـزيـز الـواحــد المتـعـالـي المـعـبـودي
ابتـدا الحفـل الكبيـر وفيـه نــص رْسـالـه=انّ ربعـي للوطـن وقـت اللـزوم جْـنـودي
فـي ذرا حكـمٍ نعيـش ونستظـل ظـلالـه=كـل عـام ٍ للملـيـك نْـجـددده بعـهـودي
الـمـزايــن زان وقــتــه وابــتــدا مــوّالـــه=أنبعـث هيـل الـدلال وفـاح ريـح الـعـودي
عـنـد ربـعـي متعبـيـن الخـيـل والخيّـالـه=ربعي اللـي فالملاقـا فعلهـم مشهـودي
نذبـح الكبـش السميـن ونلطـم العيّـالـه=فــي نـهــارٍ يـكـثـر الـدخّــان والـبــارودي
وان وصفت الوضع اباأحفظ صورته لجيالـه=ويتمنـى كــل جـيـل ان الـزمـان يـعـودي
زيـنـهـايـازيـنـهـا تــوديـــهـــة الــوبّـــالـــه=عند سمحات الخدود ضحيّ يوم تْقـودي
والعصـيـر احـلـى شــويّ وفيّـتـه مـيّـالـه=نستلـذ ابهـا ليـا هـبّـت هـبـوب الـنـودي
كل شيخٍ صب حب الضيـف فـي فنجالـه=والغـلا بـيـن القبيـلـه كــل يــوم يــزودي
فالـخـيـام ام الفـخـامـه كـنّــي الـرحّـالـه=الـزيــاره والـتـعـارف غـايــة المـقـصـودي
ما حسبت حْسـاب ذا عمـه وهـذا خالـه=العيـال عيـال عـمـي والـجـدود جْــدودي
والفخرذخر القثامي يوم رابع ناله= من بداية حفلنا جوناالضيوف حشودي
كل شيخ ٍحافظينٍ قدره ومنزاله = والكرامه في ضيافة شيخنا العبودي
وارتكى للحمل حرٍ مايدس رياله = ارضعه سالم كرم حاتم وهو مولودي
بيّض الله وجه ابوبندر وطّيب فاله= سجّلوا موقف سعد راع الكرم والجودي
والشعر سامي شعورٍ فالسما نرقى له=لين نشرب من سحابٍ من وراه رْعـودي
وان شربنـا مـن سحـابـه ينتـثـر همّـالـه=سلسـبـيـلٍ للـكـبـود مـعـطــرٍ بــــورودي
والختام احلى كلامٍ بالجهود اسعـى لـه=عن ظروف المهرجان وعرضه المحمودي
ملتقـى الهيـلا يسـمّـى فالـنـوادر حـالـه=يشهد الله جـل شانـه والعبـاد شهـودي
[/poem]
منذ /10-01-2009, 12:03 PM
.
الحفل الكبير
.
.
![][ ظ„ظ„ظ…ط³ط¬ظ„ظٹظ† ظˆ ط§ظ„ظ…ظپط¹ظ„ظٹظ† ط¨ط§ظ„ظ…ظ†طھط¯ظ‰ طŒ ظ„طھط³ط¬ظٹظ„ ط§ط¶ط؛ط· ظ‡ظ†ظ€ط§ ][](http://www.hwages.net/pic/uploads/13324309491.jpg "][ ظ„ظ„ظ…ط³ط¬ظ„ظٹظ† ظˆ ط§ظ„ظ…ظپط¹ظ„ظٹظ† ط¨ط§ظ„ظ…ظ†طھط¯ظ‰ طŒ ظ„طھط³ط¬ظٹظ„ ط§ط¶ط؛ط· ظ‡ظ†ظ€ط§ ][")
العرض العادي
