الشهود أثنين شعري وفنجالي

[محمدالبرقاوي]

اخواني الأعزاء قصيده قبل السفر عسى ان تنال رضاكم

كل ماطارت مع الجو طيّاره = ذكّرتني بالسفر والتّرحالي
طبع قلبي واعرفه واعرف اسراره = لاطرى طاري سفر صابه هْبالي
ضلع بونشا يالنشاما وش اخباره = والله انه دوم يطري على بالي
ضلعٍ اسود بس كاسيته اشجاره = من طرف قاعه الى المرقب العالي
مشتبك خضره طلوعه ومحداره = ماتشوف مْن الجبل ربع مثقالي
زين في وقت الضحى فوحة ازهاره = الورود اللي لها الوان واشكالي
موقعٍ يسعد ضيوفه وزوّاره = كان مقصدهم وناسه وتجوالي
مامنعني عنه بعده ومشواره = جيته مْع اصحاب ثم جيته لْحالي
واذكر انّي كل ماجيته زْياره = يسفهلّ حجاجي وينشرح بالي
انبسط والراس مرخيت مقداره = حافظٍ نفسي عن القيل والقالي
مانسيت العود الازرق ومجماره = ولا منعت الهيل عن صفوة دْلالي
وافرح بجارٍ يسيّر على جاره = جاري الغالي وانا جاره الغالي
وان كتبت الشعر انقيه واختاره = واطرق بْيوتي على طرق موالي
السفر سجه وانا اوفيت معباره = والشهود أثنين شعري وفنجالي
يامدوّر راحة البال فاسفاره = دوك تجربة السفر والتّرحالي

[اسامه المطيري]

صح لسانك اخوي محمد وبيض الله وجهك

تقبل مروري

[هـيّـاف الـصـقّـر]

صح لسانك ...

يا بو حاتم ..


مدد .. بلا .. عدد

لا تأتي إلا بالجديد الجميل ..

لا عدمنا حضورك ..


أعذب التحايا ..

...
..
.

[وليف المراجل]

صح لسانك يأبو حاتم


شاعر .. كالعاده لاتأتي إلا بالابداع والجزاله

[راعي مرعوبه]

صح لسانك اخوي محمد البرقاوي شااعر ابيات جزله

[متيمــــــه]

محمد


صح لسااانك


وسلمت يمينك



ترجع بالسلامة ان شاءالله

[*تفوق الوصف*]

صح لسانك أخوي أبيات رائعه..

الله يعطيك العافيه..

[ابو لمياء]

تروح و تجي بالسلامة

يا محمد ..

و صح لسانك

مليون ولا يكفون

/