اليكم هذه القصيده لعلها تنال اعجابكم
يا هاجس الشعر ابى اسجل معاناتـي=في بيض الاوراق حتى الناس تقراها
انا جريح الهواء من فايت(ن) فاتـي=وجروح قلبي عجزت احصل ادواهـا
حبيت لي ترفة(ن) راحت ولا جاتـي=اخذت عامين عايـش حلـو ذكراهـا
اخذت عاميـن صورتهـا بنظراتـي=واحـاول انسـى غلاهـا واتناساهـا
ونسيتها من فضـل رب السمواتـي=نسيتها عقب مـا نجحـت كواياهـا
وذقـت السعـاده بعدهـا والملذاتـي=وارتحت من حبها يـا كبـر بلواهـا
وارتحت من كثر روحاتـي وجياتـي=ولا عـاد افكـر بهـا والا اتمناهـا
وقررت ما احب وابى اسحب سفاراتي=من الهواء لجل نكبـه فـي سواهـا
وصدفه بمشفى الحرس قسم العياداتي=عند المواعيد جتني تقصـر خطاهـا
بنت(ن) من اسبابها ضيعت كلماتـي=مغيـر محبوبتـي تشبـه حلايـاهـا
تسأل ومن زينها لخبطـت اجاباتـي=اجابة(ن) جت مدري ويـش معناهـا
ومن يوم قفت وانا ارجـع علاقاتـي=مع الهواء غصب والسبـه محياهـا
وقفت ابى اظنـي ارتـب عباراتـي=واشوف لي فرصة(ن) واسعد بلقياها
لكن حال القدر مـن دون رغباتـي=الناس واجـد وانـا مانـي بوياهـا
واقفيت مجـروح اكـرر فالتنهاتـي=بنزل تحت فالعماره واطلـع اعلاهـا
واخذت ساعه مضيع كـل وجهاتـي=مدهوش عيني تعايـن مـن تعداهـا
وروحت والقلب في قسـم العياداتـي =اخذتـه اللـي كمـا اللولـو ثناياهـا
منذ /05-16-2009, 08:22 AM
.
قصه في ثوب قصيده
.
.
العرض العادي
