محاوره رائعه بين الشاعرين المبدعين محمد بن شديد وفهدالذيابي
فهدالذيابي
سلامي سلام اسلام يبرى من العيب
على اهل الوفا والطيب واهل الحميه
ولا يامحمد واردلك مشاريب
لكن العرب تنويك عشرين نيه
محمد بن شديد العاطفي
هلا مرحبا ياضيف بسم المعازيب
مع العود الازرق يتبع الشاذليه
اناوحمدالله فوق روس المراقيب
ولا اجازي الحسنه ليا جات سيه
فهدالذيابي
يدوم البقا وانتم رجال المواجيب
تقوله عتيبه لك سريه سريه
توقع توقع جيت السبع والذيب
وخلك على النيشان والبندقيه
محمد بن شديد العاطفي
هذا واجبن للضيف طيب بترتيب
نقدمله الترحيب والنار حيه
اناماعلي اخلاف لرحم ولا هيب
ورجلي على قطع الخرايم جريه
فهدالذيابي
انا عام الاول مرسللك مناديب
بضهر الجواد وفوق ظهر المطيه
ولا ياعميلي كب عنك المشاهيب
وتضحك على غيري ماتضحك عليه
محمد بن شديد العاطفي
تبون الحقيقه ماوصلنا مكاتيب
لكن غلطتك ياضيفنا مطبعيه
يقول المثل ماقد خسر باذر الطيب
يحصل جزاه الصبح ولا قفيه
فهدالذيابي
تطاير حصاها من توالي الهباهيب
وكلمتك هذه يالسنافي قويه
ليامن حصدة الزرع لاتنفخ الجيب
تريد الهديه مار مامن هديه
محمد بن شديد العطفي
ترانا الحرار وصيدنا بالمخاليب
وانا معك لكن وانت نيتك نيه
ادور جزاها عند من يعلم الغيب
مانبغا جزاك ولا نبيلك عطيه
فهدالذيابي
عساها فدا ياهيه عكف الاشانيب
لكن انتظرها يامحمد شويه
نشوف الحيا قدامنا واللواعيب
ياليت الليالي كلها موسميه
محمد بن شديد العاطفي
عسالله يستر يافهد ويش بتجيب
ولو فرد حمزه ثايرن في خويه
هوى الطايف الكايف ولابه لواهيب
ولكن سموم القيض نجد العذيه
لكم كل التقدير
منذ /04-14-2009, 01:10 AM
.
محاوره بين الشاعرين محمد بن شديدالعاطفي وفهد بن مثيب الذيابي
العرض العادي
