بسم الله الرحمن الرحيم
السلام عليكم
اخواني اقدم لكم هذه الابيات المتواضعه
واعذروني اذا فيه اخطا انا تراني ماعرف في قصيد الغزل كثير ولا اهتم فيه
بس شاعر اسند علي قصيدة ورديت عليه
بهذه الابيات وعسى ان تعجبكم
حي الجواب الي لفا يوم الاثنين = من الشاعر الي يشتكي من ضنينه
ارسل لي المكتوب يشكي من الزين = يقول روحي في هواها رهينه
القرم يشكي من هوى داعج العين= الي كما نور القمر في جبينه
يشكي من الفرقا وعذاب المحبين = والدرب يم صويحبه مغلقينه
الحب ماهو عيب يابن الكريمين = كم فارسن شاف القهرو الغبينه
ان كان ياتركي تبا الحل هالحين = ابعد عنه لوكان روحك حزينه
الحب حطه ياولد بين قوسين = وشطب عليه وخل زينه وشينه
من صد لاتسئل ولا تقول له وين = لو كان قلبك زايدن به ونينه
انهض كما حرن كفخ بالجناحين = طلعك بعيد وكلنا خابرينه
انصحك لاتتبع طريق المقفين = مايتبع الرجال ناس ن تهينه
تلقا بدلها من بنات السلاطين = نسل الحرار ومن جواهر ثمينه
لا تعشق الا معربه بين جدين=بنت الحصان وفي شرفها حصينه
انته من ارجالن على الطيب حرصين =اهل الكرم واهل العقول الرزينه
اصبرو لاتفرح عليك المعادين = ولا ينكشف سرك على حاسدينه
منذ /03-31-2009, 06:47 PM
.
ان كان ياتركي تبا الحل هالحين
.
العرض العادي
