1/2/1430هـ
نظرا لكثرة شعراء وشاعرات الخليج العربي !! حتى اننا
نسمع بعوائل جميع افرادها بجنسيهم شعراء :
نوادر ألشعار صعبين الارقام = يمكن (ثنين) او قل (ثلاثه) بالأمّه
بس اغلب الباقين من صنع الاعلام = ولاّ بدون اعلام ما أحد(ن) يضمّه
بعض القصايد كنّها اضغاث الاحلام = من راس راعيها اليا راس كمّه
تلقى بعضهم خايب(ن) ماله اعظـام = لانافع(ن) نفسـه ولا فيـه هِمّـه
وشاعر موسوس ياخذ اشهور وايـام = ماينسـدح والنـوم ماهـوب يمّـه
وفيهم مريض(ن) ممتلي راسه أوهـام = ما ينعرف له كـل طـاري يخمّـه
وشعّار نت ولا يشيلـون الاقـلام = دايم يزمّ (الـلآب) بقعى تزمّـه
ويوجد من الشعـار طيّـب ومقـدام = قــدّ الكلام ويحتميـه ويتـمّـه
هذا وانا شاعر وفي خشمي اعرام = وما الدّ عيني غير في أعلات قمّـه
ما ارتاح لين آقف عليهـا بالاقـدام = ولا أهيم غير ارجع محقـق مهمّـه
شاعر يهيم وكل شاعـر لـه إهيـام = ومن لا يهيم إيموت من زود همّـه
وأنا من الشعار شاعـر ليـا قـام = من فضل ربي هانت اكبـر مطمّـه
وافضل سلام الشعر خليته إختام = ختام مسك ويلحق إبراي ذمّه
منذ /01-28-2009, 12:18 PM
.
(مباشرة)) كالعادة....ما يعرف الا هي!!!>>بس حبيب ومحترم للامانة
.
العرض العادي
