اعزائي أردت أن أقدم لكم نبذه بسيطه عن صاحب المركز الأول في مسابقة شاعر هواجيس ,,,
التي فاز بها
الشاعر / جـابـر هـلال العـصـيـمـي ...
شاعر قادم للساحه بقوة قلبه كالحجر ولسانه كالسيف قارع كبار الشعراااء وأثبت جدارته بقوة شارك في مسابقه شاعر المعنى للعام المنصرم وأبهر اللجنه ,, ولكن لم يحالفه الحظ فالتأهل من بقية زملاءه الشعراااء ,,,
قارع كبار شعراء المحاورة فمنهم / حبيب العازمي + فلاح الحنان السبيعي + عواض الشهيب + سلطان المنصوري + بخيت السناني + سالم بن سحمان السبيعي .... وغيرهم لا تحضرني أسماءهم ,,,
كتب شعر النظم فابدع في صياغة المفردات وتطويع الكلمات ,,,
شارك في برنامج شاعر المليون لنسخته الثالثه في جولتها في مدينة جده وحصل على أجازة اللجنه وبأعجاب ,,,,
شارك أخيراً في مسابقة شاعر هواجيس التي تنضمه شبكتنا الموقرة والسباقة دائما لخدمة الشعر والشعرااء وحصل على المركز الأول ,,,
من شعرااء محافظة الطائف الذين يشار لهم بالبنان ,,,
لعلي أورد لكم مقتطفات من شعره في مجال النظم ,,,,
مليت من شعر الغزل والمعاناه = وعفت القلم وحروفه الأبجديه
احيان أقول الزين ماني بوياه = واحيان اقول الزين عندي هنْيه
تسريبي الدنيا على طيف ذكراه = وذكره يجدد كل الأحزان فيه
واليا سريت اني يبى الفيت ابلقاه= القى الديار اللي سكنها خليه
وله أيضا ,,,
ردي عل بدافي الصوت ردي= والا تراني بتركك ياريش العين
ماني مضيع سلم ابويه وجدي =ولاني بماشي خلف ناس مقفين
هذي سنه لا شفت زولي تصدي = وهروجك اعوج من ارقاب البعارين
أيضا من محاوراته التي جمعته مع الشاعر الكبير / حبيب العازمي
يقول حبيب عندما سمعت بشاعريته أردا أن يختبر شاعرنا جابر ولكن جابر واقف كالجبل
حيث قال حبيب :
ياجابر عسى الله يجبر الخاطر المكسور = وحنا نبى الطيب من الربع والديره
ليا جا عصيمي قلت هذا مثل مستور =ومستور باقي مير حنا نبى غيره
واجاب جابر /
ليا اقبل ظلام الليل ربي يجيب النور = وكل الدير من دونها قوم وذخيره
مادام الكهارب والعه ما طفى الماطور = نبى نكرم الجيران ونقدر الجيره
ثم أجاب حبيب /
تسير السريا والعلم فوقها منشور = وهذي تراها حكمة الله وتدبيرة
تسير الليال وكل واحد يجيه الدور = ومن ضيع الناقه يبي يضيع بعيره
وأجابه جابر /
علمنا علمنا مرتفع من زمن وعصور = ولا فيه رجال يقد م معاذيره
الا يا حبيب صلحو مشكله دارفو ر= عشان الذهب يسمح لنا اليوم تصديره
وأيضا من محاوراة شاعرنا مع الشاعر / بخيت السناني الجهني ,,,
حيث أن شاعرنا جابر كان له صولات وجولات مع الشاعر بخيت منذ سنوات خارج الطايف وبعدما ألتقى فيه في صيف هذا العام فالطايف ,,,
قام جابر بالترحيب في بداية الحفل وأستغل الفرصه الشاعر / بخيت الجهني ليعيد جولته من جديد مع شاعرنا
بدأ جابر قائلاً /
الا يا مرحبا في محل يرفع الراس = عتيبي قمت ارحب باسم ربعي عتيابه
ترى من لا يدوس الخطر بالفعل ينداس = هذا قول الرياجيل من عصر الصحابه
ثم رد بخيت /
بقيتو يا عتيبه عدد ما هب نسناس = والا يالغايب اللي مطول في غيابه
عتيبه فرحه برجعتك فرحه بعد ياس = مثل ما تفرح الارض بوبل السحابه
ثم قال جابر /
انا ماني بغايب كلن الوضع حساس = تكلم يالسناني واخذ جابه بجابه
ترى من لا بنى بنية الفله على ساس = مع الوقت المشلهب تبى تغدي خرابه
بخيت /
تقول الوضع حساس قلي جعل ماباس = عسى ماصاير مشكله بين القرابه
بنيتوها على ساس والارياق يباس = لكن الوقت محنى كما قوس الربابه
ثم قال جابر /
مادام المنتخب كل دوره ياخذ الكاس = كلام يشغل قلي وش نبابه
بنوك عالميه ولا تخضع للافلاس = لون الوقت ذالحين قام يحد نابه
ثم قال بخيت /
تقوله يالعصيمي لكن وش يقنع الناس = وترن المنتخب كل يوم يسد بابه
والمحاورات اطول من ذلك التي وردت ولكن أوردت مقتطفات منها ,,,,
بعض الصور للحفل الختامي لمسابقة هواجيس ,,,
وفيها شاعرنا المبدع / جابر العصيمي ,,,
صورته وهو يستلم الجائزه
بين الشعراء على يمينه الشاعر عواض الشهيب ومستور السفياني
شاعرنا أثناء الأمسيه
تمنايتنا بالتوفيق لشاعرنا المبدع / جابر العصيمي ,,,
وارجو العذر اذا بدر تقصير حول ما نقلته لكم ,,,
منذ /11-08-2008, 09:34 AM
.
![][ ظ„ظ„ظ…ط³ط¬ظ„ظٹظ† ظˆ ط§ظ„ظ…ظپط¹ظ„ظٹظ† ط¨ط§ظ„ظ…ظ†طھط¯ظ‰ طŒ ظ„طھط³ط¬ظٹظ„ ط§ط¶ط؛ط· ظ‡ظ†ظ€ط§ ][](http://www.hwages.net/pic/uploads/13324309491.jpg "][ ظ„ظ„ظ…ط³ط¬ظ„ظٹظ† ظˆ ط§ظ„ظ…ظپط¹ظ„ظٹظ† ط¨ط§ظ„ظ…ظ†طھط¯ظ‰ طŒ ظ„طھط³ط¬ظٹظ„ ط§ط¶ط؛ط· ظ‡ظ†ظ€ط§ ][")
.
العرض العادي
