(( نجد )) لشاعر خالد العتيبي

[وليف المراجل]

قصيدة نجد لشاعر الكبير : خالد محمد العتيبي

جعل السحاب اللي حرق كبده البرق


............ومن حر مايونس تشاهق رعوده


ينقاد لامنه نحر وجهة الشـــــرق


...........وارزم مع الضلمى وستل حدوده


ويثري ثرى الديره من الضلع للعرق


..........ويبيح ماكنه ويذكر ســــدوده


حتى يزين الكيف للعفر والـــزرق


.........و يطيب راع الــــذود لادك ذوده


دار لها فالحب فرق عن الــفــرق


........فيها غلا المغلي ونايـــف جدوده


اذكرجراهدها ليا ناحت الـــورق


........وان هب تال عصير هفهاف نــوده


نجد الوفا والعز والجود والطـرق


.......ذروة سنام الدار مدهل فهـــوده


من بعدها وين انت يامنادي الغرق


......لا يا وجود القلب واخــر وجــــــوده


كم صوّت المرقاب يبنادمـــي ارق


.....سجاج والسجاج جرحـــه يقـــــوده


وانا قتيل العشق واللي طعـن درق


......كيف اتهم كفه وانا اول شهــــوده

[سعد الخماش]

شاعر جميل الدعجاني ..

صح لسانه وتسلم يمناك ..

[نايف القثامي]

وليف المراجل مشكوووووووووووووووووووووووووور
قصيدة رائعة لشاعر شامخ ومبدع بتعبيره
صح لسان خالد الدعجاني

ولاهنت وليف





تحياتي لك

عساف المهااااار

[وليف المراجل]

وافي الخماش

عساف المهاااار

لاهنتو على المرور يالنشاما

[فرح دنيتك]

..

قصيدة رآئعة لـ شآعر كبير

صح لسآنه وسلمت يمينك وليف ع النقل الجميل

لاهنت

عوآفي

[هـيّـاف الـصـقّـر]

جعل السحاب اللي حرق كبده البرق


............ومن حر مايونس تشاهق رعوده

بلاغة .. فصاحة .. دقة وجزالة وصف ..

خالد الدعجاني ..

ظاهرة نادرة ..

صح لسانه ..

ولا هنت عالنقل ياوليف ..

أعذب التحايا .

[وليف المراجل]

مشكوره أختي على المرور

[وليف المراجل]

يسعدني مرورك أخوي هياف