يامن حفظت أسمك وصرت بك مشهور=بعدك عماس القلب ورضاك كيفي
لو غبت عنك أيام وسنين وشهور=ترى غيابي عنك ماهو بكيفي
أسعد الله مساكم .. وتقبل الله صيامكم وقيامكم ..
مشاركه عبارة عن رسالة للشاعر طلق العتيبي وردي عليها
عسى أن تحوز على إعجابكم
/
الشاعر طلق:
سلام سلماً مايساق ألا على رجلاً نبيه=خريج جامعة العلوم الطيبه وآدابها
متفوقاً فالمرجله من مدرسة جده وأبيه=ثابر عليها وأجتهد حتى نصيبة جابها
تدفعني الغيره منه تدفعني الغيره عليه=أحسب حساب أشياء وغيري مايحسب حسابها
دار الفلك حتى شكيت من الزمن ظلمه إليه=أثرني أبني والسنين مكشرات أنيابها
بنيت حلمي بأسكنه وأصبح سيعد الحظ فيه=ماعاد باقي غير أمزق غترتي وأهدابها
ماعاد باقي غير سيفٍ حافظه حفظ الجنيه=وإن ضاع مدري ظلمة الأيام كيف أبدا بها
ردي عليه :
يامرحبا ترحيبةٍ تقصر عن الرجل السفيه=يحظى بها الرجل الكريم وغير مايحظى بها
اللي يسنعها ليا كبرت وربعه تعتزيه=من عزوةٍ تاريخها خلّى الرجال تهابها
وأنا ليا منك شكيت السالفه ماقلت ليه=لابارك الله فالسيوف اللي تخون نصابها
دار الزمن ولا وقف ماغيّر الرأي الوجيه=النار ماتطفي يأبو تركي وأنا شبابها
خابرك رجلاً ماتبا الغلطه على العرض النزيه=مالك ومال الخلفه اللي ماعصت حلابها
يامن تهد الصقر وتعود عليه وتشتويه=لاتلتفت للشجره القصيا ولا لغرابها
وإن كان هي جت للتّشره هاك وأسمع مايليه=أبيك تسمّع كلمتي قدّام لأقفل بابها
الظفر يبقى فاللحم والطيب من دون الوجيه=والذّل ماعمّر بلد والخيل من ركابها
لاهنتوا على المتابعه
تحياتي
منذ /09-15-2008, 10:53 PM
.
.
.
العرض العادي
