مـوج الأفكــار,,,

[ناصـر الوبيـر]

السلام عليكم ورحمة الله وبركاته

أخـواني أخواتي امسيكم واصبحكم بكل خير وموده

والله يديم المحبه بيننا

واشكر القائمين على هذا الصرح الشامخ

والله يدمهم لنا ولايحرمنا منهم

وبالنسبه للقصيده : فهي احدى قصائدي الجديده

وارجو ان تنال على اعجابكــم ,,,,

/


اقول وعمر القارين يطـول~~~~

/

/

الهم : يبحربي على موج الافكار=ويتركني بين امواج الافكار ويروح
واسامر الفكره. على الموج واحتار=واقولها ياصار فـالقول مصلوح
ياصاحبي/ والقلب شعله من النار=من حرها خلت عباراتي تفوح
اسولف بشيٍ وهو مابعد صار!!=واسوي نفسي فاهمه قبل لابوح!!
الصاحب اللي غاب ,, من ضيم الاقدار=علي حرام ان غيبته تتعب الروح
كنت احسب ان بعده : ميبني لو امتار =ويللأسف ,, بعده بنى فيني صروح
ياصاحبي/ واسمحلي ابوح الاسرار=لا والذي في عزته حافظ اللوح
ماكان في بالي يجي يوم ,, وانهار=ويصير كل ماكان مستور ,, مفضوح
واهوجس بصده تحت ضل الاشجار=واخلي دمعي بين الاعيان مسيوح
وخفي دموعي من مطاليق الانظار =واجلس وحيد وحالي جروح بجروح
حسبي على اللي ياحمد ,, يهجر الدار =ويخلي الولهان : بالشوق مذبوح
الدمع سال وسيلته سر , وجهار=ولاعاد به خافي ترى الوضع ,, مشروح
دام الزمن ماعيشبه فوق الاعمار=ومادامني ماعيش عمر النبي نوح!!
واتنفسه كل يوم / مع ريح الازهار=واشوف قبري بين القبور مفتوح
اباتصبر : وادري ان الصّبر نار=مادمني ميت بشوفه ومشفوح
الله يجازي ياحمد موج الافكار,=خلاني اسولف عن الهم وابوح

وسلامتكــم ,~~

/

/


أخوكم ~~

ن

ا

ص

ر


الوبيـــر

[شهودي]

ناصـر الوبيـر


صح لسانك وعتلآ شانــــك


ابيــات جميلة ومميزه


يعطيك العافيه اخوي


لاهنت ..

[سلطان العطاوي]

ناصر



صح لسانك

قصيده معظم ابياتها رائعه وفكرتها جميله.

.
.

الا انها يشوبها الثقل في بعض الابيات...


والبيت التالي الشطر الثاني منه مكسور وبشكل واضح:-
واتنفسه كل يوم / مع ريـح الازهـار
واشوف قبـري بيـن القبـور مفتـوح.
.
.

لكن صح لسانك والنقد لا يلغي شاعريتك

تحياتي

[ناصـر الوبيـر]

المشاركة الأصلية كتبت بواسطة شهودي ناصـر الوبيـر صح لسانك وعتلآ شانــــك ابيــات جميلة ومميزه يعطيك العافيه اخوي لاهنت ..

حياك الله ياشهودي

واشكرك على مرورك العذب

تحياتي وتقديري لك

[ناصـر الوبيـر]

ناصر

هلا

صح لسانك

صح بدنك ياغالي
قصيده معظم ابياتها رائعه وفكرتها جميله.

شهاده اعتز فيها
.
.

الا انها يشوبها الثقل في بعض الابيات...

ياليت تذكرلي الابيات

والبيت التالي الشطر الثاني منه مكسور وبشكل واضح:-
واتنفسه كل يوم / مع ريـح الازهـار
واشوف قبـري بيـن القبـور مفتـوح.

الاخ سلطان: اذا قرءت كلمة القبور باللام الشمسيه فهو مكسور

واذا قرءته باللام القمريه فهو اعدل من العدل

وانا اقول ال قبور بتشديد القاف وليس القبور باللام الشمسيه



لكن صح لسانك والنقد لا يلغي شاعريتك

صح بدنك يالغالي واشكرك على مرورك الشرح والراااائع

ولاتحرمنا من طلتك مودتي لك

[ديمه]

واسامر الفكره. علـى المـوج واحتـار
---------------------واقولهـا ياصـار فالقـول مصـلـوح
ياصاحبي/ والقلـب شعلـه مـن النـار
----------------------مـن حرهـا خلـت عباراتـي تفـوح
اسولف بشـيٍ وهـو مابعـد صـار!!
----------------------------واسوي نفسـي فاهمـه قبـل لابـوح!!



صح لساانك ولاهنت ناصر



قصيدة راائعه وجزله



تسلم يمينك

[راكان العتيبي]

ناصر الوبير


صح لسانك


ولاهنت على هذه القصيدة

أخوك

راكان العتيبي

[ناصـر الوبيـر]

المشاركة الأصلية كتبت بواسطة ديمه واسامر الفكره. علـى المـوج واحتـار ---------------------واقولهـا ياصـار فالقـول مصـلـوح ياصاحبي/ والقلـب شعلـه مـن النـار ----------------------مـن حرهـا خلـت عباراتـي تفـوح اسولف بشـيٍ وهـو مابعـد صـار!! ----------------------------واسوي نفسـي فاهمـه قبـل لابـوح!! صح لساانك ولاهنت ناصر قصيدة راائعه وجزله تسلم يمينك

الاخت: ديمه

اشكرك على مرورك العذب

والله يعطيك العافيه

ولاهنتي

تقبلي تحياتي وتقديري