أخواني أعضاء ورواد المنتدى الكرام
أسعد الله أوقاتكم بكل خير
أضع بين إيديكم هذه المساجلة بيني وبين الشاعر المبدع شجاع عمر الأكلبي:
صوت
سلام الله ياصلك سلامي=وتحية قبل مبدا في كلامي
وبعدها ياقلم سطر حروفي=مثايل مابوسط الجوف كامي
يقول اللي عيونه ساهراتي=ليامن نامت عيون الانامي
لهيب الشوق في قلبي توقد=مابين الصب نوبة والهيامي
أنا المشعوف في لذة فؤادة=وأنا المشتاق فيه الشوق حامي
غزالٍ شاقني علومه طرايف=يشادي للقمر بدر التمامي
عليه الله وأمان الله بجماله=من عيون الحسود ابن الحرامي
يدير الفكر طيفه لادعاني=كحلو الحلم لاقبل بالمنامي
ويأخذني ليا حد الثريا=وأقضي طول ليلي بأنسجامي
أنا الحاير وتايه في طريقة=يشوف الدرب قدامة ظلامي
أنا لأجله تحملت الأذية=سنين العشق حسرة وإنهزامي
غرامة سار مع شريان دمي=خطر منه يبيد لي عظامي
الا ليت المودة بالعدالة=وكلٍ يتلزم فيها ألتزامي
أنا وشلون أبسلا عن غناتي=ياحيث أن المولع مايلامي
هويته كاتمٍ سدي وأداري=من الواشين لايظهر غرامي
على وضح النقا ربي جمعنا=أنا والترف ممشوق القوامي
معاناتي أجسدها بقصيدي=ولاحدٍ عارفٍ عني علامي
زميل الحرف يالقرم النداوي=شجاع الأكلبي يابن الكرامي
قصدتك شكوتي ومنك الافادة=عسى ردك يخفف من الاّمي
وختامي مثل مطلع ماكتبته=سلامي مع تحية بالختامي
شعر: مناور بن هاجد
صدى
عـدد مـاهـل ودّان الغمـامـي=وعدد من زار بيت الله وصامـي
هـلا يامرحبـاً بـك يانديـمـي=هـلا يامنـاور الحـر القطامـي
من كويت الوفا طوّحـت صوتـك=ولج الصوت فـي داري قوامـي
ديار مدلهـة مـن هـج خايـف=وجـار الـدار لايمكـن يظامـي
ليامنـه نخانـا طـاب نـومـه=وحقـه عندنـا فـرخ السنامـي
وسمعت الصوت منك وطار نومي=ووردني هاجسـي ورد الحيامـي
وصوت العاشق لياجـر صوتـه=على العاشق مثل ضرب الحسامي
لحيث إن قد مضالي به تجـارب=تجارب من بدرب العشق هامـي
وبأسبابـه عزلـت النفـس دايـم=وأهدّي لوعتـي والقلـب دامـي
وحداني للخلا الخالـي غرامـي=ورقّاني مـن الضلعـان زامـي
وأجر الصوت وأسكـت وآتعبّـر=تعبّـار النمـا وقـت الفطـامـي
على خل ٍ شبكنـي فـي غرامـه=مثل من يشبك بطيـر الحمامـي
لـه وصـوف ٍ قليـل ٍ ماتعيّـن=عليه الوصف من وصف الأدامي
وأنا اللي قانص ٍ وأصبحت مرمي=أنا المرمي وشوق القلـب رامـي
رماني بطيب ساسه مـع جمالـه=ومجناهـا رفيعـيـن المقـامـي
ولولا الخوف من ربـي وصفتـه=أخـاف الله فـي يـوم القيامـي
ومشاعر لابتـه عنـدي عزيـزة=لي الحشمة وهم نـاس ٍ حشامـي
وصبرت ولا حصل مضنون عيني=وأشوفه دايـم ٍ بأحلـى حلامـي
ولالك يامنـاور كـود مـن لـه=تصاريف القدر حَسـن الأسامـي
إلـه ٍ مايخيّـب مــن لجـالـه=عسى يحقق مرامك مـع مرامـي
طريق العشق كـل ٍ قـد شقابـه=وتعبوبـه مدلـهـة الجهـامـي
وعسى من لام أبو هاجـد يولـي=وعلـى قلبـه تـوارده السهامـي
شعر:شجاع عمر الأكلبي
ودمتوا سالمين
منذ /06-12-2008, 03:21 PM
.
لهيب الشوق / بيني وبين الشاعر المبدع شجاع عمر الأكلبي
.
العرض العادي
