السلام عليكم ورحمة الله وبركاته ... أصافح ذائقتكم بهذه القصيده المتواضعه وأتمنى أن تنال أعجابكم فأقبلوها كما هي ...
لا ولٌعت بيني وبيـن الحـظ .. مانـي محتـزم=حسبي على الدنيـا بلاويهـا بعـرض أيامهـا
المعرفه والحرص لو تحميك مـن شـر النـدم=ما شفت لك ناسِ على الفايت تعـض أبهامهـا
والخير ندريبه يخـص .. والشـر أحيانـاَ يعـم=ولا هي بنفسي لا رضت ترضى تحن أخصامهـا
يا ذا السفيه اللي نطـق بالله لحظـه وانكتـم=مال المطيه لا أرثعت يا كـود لـزم خطامهـا
السن يضحك لي ووسط العين يضحك لي سهم=ناسِ تشوف انفوسهـا لا ابـو عزيـز هامهـا
المنطق أحلى من العسل والقلب منطوقه يسـم=أهل النوايـا الخافيـه ودك تحكـم اعدامهـا
وين النوايـا الصافيـه ويـن الفـؤاد المحتـرم=لا تطلب نفوسِ على درب الردى مـا دامهـا
أشوم عن هرج ِ يجي لا ذوق فيـه ولا طعـم=كله حيـا وأمـور تعنينـي لزمـت أزمامهـا
اطلقتها مثـل البـرد والعاقبـه جتنـي دهـم=ويا ليتها ما عودَت والشـر وسـط أكمامهـا
بلعتها ثـم حـدرتً لكـن عيـت تنهضـم=اللقمه اللي ذقتهـا والسـم وسـط أيدامهـا
والعبره اللي غصت بحلقـي ولا أجـر النسـم=أكنها لـو السمـاء شحـت علـيً أنسامهـا
ما هوب أنا اللي لا زعل ترضونه بحبـة خشـم=ما نـي براعيهـا ولا نفسـي تحـب أرغامهـا
عيب على ذرب الفعايل باللقـاء لـو ينهـزم=يصدها والنفس يا اهل العرف حـق أكرامهـا
اللي لنا يبقى لنا واللـي لكـم يبقـى لكـم=وزنه وفـت مكيالهـا لا تنقصـون جرامهـا
وحنا عرب نفهم عرب .. يوم العجم تفهم عجم=وكم سلعة مرت علـى مجنونهـا مـا سامهـا
وبعض العرب ما ينفعك لو يسرح بقطعـة بهـم=يا حيلـة الله كـم وجيـه يغشهـا هندامهـا
المشكله ماهي بطرس نجـر فوقـه كـم قلـم=لو هي على الطرس امتلا ما عاد تكفى أقلامهـا
المشكله وشلون تبغى الراي من نـاسِ غشـم=الفتوى اللي تبتغـى تعـرض علـى علامهـا
ماني مـدرًج ظلًـعَ قدامهـا جـرف وحـزم=ولا معدًل طبـع البشـر ولا طبيـب ألامهـا
ولا محرجٍ نفسي بأمـورِ مـن سببهـا ننثلـم=الله يستـر لا تجيـب الكـارثـه بأحلامـهـا
وأكبر قهر وأكبـر غبينـه والمضـره والألـم=لا صرت تبغى شي والدنيا وطتـك أحيامهـا
الطيبه الطيبه .. تطلـع بـك بـروس القمـم=أكسب من الدنيـا طناختهـا وخـل رمامهـا
لا يا زمن ماهي طريقه ترفـع خشـوم النقـم=واللي يصارع دنيتـه كـم ليلـةِ مـا نامهـا
خاب الرجا يا ذا الزمن عفناك ما هذا العشـم=خليت شايبهـا يهـون ولا يهـون غلامهـا
هذا الزمن هذا الزمن .. لا بعث ابوه ولا رحم=ناسٍ يقف معها وكـم نـاسٍ يحـش أقدامهـا
دنياً تراها ما تـدوم وشالـت أقـوام وأمـم=لو شفت لذتهـا وغـرت خاطـرك بأنعامهـا
وان جيت للحق وبغيت الصدق والعلم المهـم=دنيا الفنا عبـره ودورت وقـت كـل أيامهـا
والحمد لله والشكر قالـو يزيـد مـن النعـم=حمد الثنا حمد الرضـى وعينـي ومـا قدامهـا
وأنا أحمد المولى على فضله وخلقي مـن عـدم=اللي رزق روحـي تقـاة وعزهـا بأسلامهـا
وسلامة اللي يسمعوني عد مـا رفـرف علـم=ترجمت ما لـج بضميـري والسـلام ختامهـا
وسلامتكم
منذ /06-01-2008, 02:22 PM
.
.
.
العرض العادي
