في احدى المناسبات التي تخص القبيله
وبدون مقدمات اترككم معها
دعاني الواجب لربعي ولابتي=واجبت مرسوله بدون صدود
مانيب لاغايب ولانيب متقي=في اللازمه هاذي علي عهود
آقف مواقف عزوتي واعتزيبها=وافخر بشيخان الفخر والجود
يامرحبا باشيوخنا في محلهم=في مجمع الشفعان عند حمود
يامرحبا ترحيبة ٍ جاء يقودها=من بيننا حبل الوفا الممدود
ياعيال من بالحق سلوا سيوفهم=نصر ٍ لدين الله مع ابن سعود
اولهم اللي مع سعود الاول=قادوا جيوشه في اليال السود
ياكم تسلسل عقبهم من فارس=اسود مع درب الأسود اسود
البيد بادت من حوافر مهارهم=يوم المطارد يكسبون القود
لاثارت الهيجاء من اللي يزورها=قبل العرب واسمه عليه شهود
هذا جزاء لوفان يلفي على العداء=في المعضله لحتك عود بعود
خيال عرقات الضهور اعتزابها=يوم الجمل والماقف المشهود
ومن يجهل اللي مابعد خط شاربه=ويقول لاغابوا فأنا موجود
شيخ ٍ واناصي شيخ واثبت مراجلي=وان زاد طيش الخصم عندي زود
فعله بضربات المهند وسطوته=منها يشوقه ضافي المرجود
ويوم الرشاويه تجمع حشودها=وجات الدعاوي بين نقص وزود
سلطان بن مشعان بأمره قبيلته=وردوا على عد القضاء المارود
قاد القبيله والقبيله مطيعته=في وقت ياحاوي ويامردود
ويوم تربه يشهد له اللي حضر بها=تحت سحاب الملح والبارود
الجيش الأوسط هو زعيمه وقايده=واحتل به قصر ٍ عليه حشود
ومن ماعرف من كان ثامن ثمانيه=اللي بذل في المعركه مجهود
اللي بقصر منيف صوب ولا انثنى=قاسي بعزمه قسوة البالود
مارده مصابه عن اللي بغايته=وخلا العلم يكفخ على العمود
ومن قاد قطمان المحازم وقضهم=في اليل الأظلم والعباد رقود
يشهد كرا لو يفصح النطق سدني=واجاب عني للولد والعود
هاذي لكم موروث وانتم هللها=ياخوان جوزاء كاسبين الفود
المجد من ماضي اليالي حليفكم=ماهوب توه في المهد مولود
ياعز راسي درع جنبي سنايدي=في الوقت لاجاء في الحبال عقود
يافزعة اللي جودنه حبايله=اليا نصاكم ماعنه منشود
ياريف من نيبان وقته تناهشه=من مامصيبه جايكم مطرود
يامطلقين عقودها لاتعقّدت=بوجيهكم ياكم تفك قيود
يانصرت اللي في اللقاء ينتخيبكم=ياشيوخنا ياسيفنا المجرود
سيرتها والحق يثبت جدارته=سيرتها والله وراء المقصود
ولاخير في من لايمجد جماعته=بالحق لايقرب من المنقود
لن البنادم مايخلد مدى الدهر=اخر مصيره للحد والدود
والله يعز الحكم واللي مثبته=حكامنا بعد الله المعبود
اخوان نوره جعل ربي يعزهم=حطوا لصكات الزمان حدود
داسوا على الفتنه وطفوا شرارها=وخلوا لنا كل الدروب سهود
الشرع منهجهم ونبراس حكمهم=وحظوظهم ترقى العلا سنود
انتم وحنا كلنا تحت رايهم=ولهم ولاء من عهد ابا وجدود
ويامرحبا باشيوخنا في محلهم=في مجمع الشفعان بأسم حمود
ولكم خالص تحياتي
منذ /05-18-2008, 04:10 PM
.
قصيده في احدى المناسبات(اخوان جوزاء)
.
العرض العادي
