ويل الزمن يابنت

[بدر ناصر المورقي]

السلام عليكم ادريون اعضاء وزوار هذا الصرح النايف وقبل القرائه والنعم في كل المخاليق وارجو ان تنال الاستحسان

ويل الزمن يابنت ياويل ويله = ان كان علا شان من ينفخ الكير
يابنت ماني من جموعٍ ذليله = صغيرنا للقمه اسرع من الطير
وكبيرنا فوق النوايف مقيله= وشبابنا بالحرب ضرب الاعاصير
عتبان لا جا الضد يغلي غليله= نزوم زوماتٍ على الضد تدمير
حنا القمم والمجد حنا سبيله= حنا الظفر في يوم صفق الشواطير
اهل الهمم والمرهفات الصقيله = واهل الرمك ستر العذارى الغنادير
نبع الشيم واهل الجذور النبيله= منا رضع من نوّر الكون تنوير
المصطفى الخاتم رسول الفضيله= حقٍ من التاريخ ماهي أساطير
عقبان وطّت هامة المستحيله= سقم القهر تاج الفخر والمناعير
نسل القروم امعدّلة كل ميله=إسدٍ ترد الضيم مضيوم وصغير
فى حلوق صكّات الزمن حنظليله= والله خلقنا للمعاسير تيسير
جمال لحتجنا نشيل الثقيله= وفهود لحتاج الامر فر ومغير
وجبال لحتجنا ثبات وصميله= حكمه ليا احتاج الامر حسن تدبير
وبروق لاحتجنا مقابيس عيله= ورعود لاحتجنا مراسيل تحذير
مانجزع ان جتنا السيوف السليله= حتى ايش لو صكت علينا الطوابير
نبطش بهم بطش السنين المهيله= بطش الشغاميم الحرار المغاوير
هجاد فوق المسرجات الاصيله= وليا كسرنا لا تدور مجابير
كم شيخ قومٍ عايلٍ فوق خيله= وقايد له قرومٍ ولاعينوا خير
وليا نجا يرجع وفاضي شليله= لاربع و سيوفٍ ولاحصان وبعير
عدونا يابنت منهد حيله = هدّنه الحدب الحداد البواتير
ولا سادت ايام الجفاف البخيله= نفيض جود ومانسوق المعاذير
نعطي السمان ومانمد الهزيله= نجزل عطانا مانعد المخاسير
مثل كرم واحسان وبل المخيله= يقلب صحاري جرد عشب و نواوير
ودوا نفوسٍ من دهرها عليله= وحمّاية اللي مالقاله من مجير
يسعدبنا والهم عنه نزيله= ونبرد على قلبٍ شكى نار تعزير
ومهما كتبت ابيات تبقى قليله= ومهما ذكرت بيلحق القول تقصير
لكن عزاي بذكر علمٍ حصيله= حنا الزحازيح الحرار المناعير
والنعم فى كل القبايل جزيله= ومنى لهم اسمى معزه وتقدير

بدر ناصر المورقي

[حُسام العتيبي]

صح لسانك

ولاهنت

كبير يالمورقي


والنعم والله




تحياتي

[دموع قلم]

بدر ناصر المورقي


صح لسانك

واعتلا شانك


والنعم في عتيبه


يعطيك الف عافيه


دمت بود

[سلطان العطاوي]

ابو ناصـــر



انا اشهــد انه ينتنومس فيك


كـــــــفو لا عدمت حضـــورك ولا قصـــيدتك

وجعلك والله تبطي حي

[سامي الريمان]

ابو ناصر


الله لايهينك


صح لسانك الله يعطيك الف عافيه

ومهما قلنا ماراح نوفي عتيبه


جزل

ووجود بيننا شرف لنا



لاهنت


تحياتي

[راكان العتيبي]

المورقي

وافي طال عمرك

صح لسانك قصيده جزله من شاعر جزل


وماقصرت طال عمرك

أخوك

راكان العتيبي

[هـيّـاف الـصـقّـر]

بدر المورقي .,

صح لسانك مدد بلا عدد ...

وافي ...

وجزله من شاعر جزل ..

لا هنت يالقرم ...

[فرح دنيتك]

..

بدر ناصر المورقي

صح لسانك

ولاهنت

عسآك ع القوة

تحيآتي