سلطان العطاوي
03-03-2008, 10:50 PM
السجة الي تجيب اسمك على بالي = مرباع قلبي عسى ربي يحييها
ترسمك مقفي ، وكنك جالس قبالي = وأنساك وأسهر مع طيوفك وأسليها
في روضة ٍ يعتريها برق وخيالي = هتانها لا هطل كنّه يراضيها
ما أحلى من أثمارها إلا ريقك الحالي = ولا أجمل من ورودها إلا كف جانيها
ومع قولة الليل : فـ آمان الله الوالي = سلّم صباحك ، وفزت له خباريها
ومن دلةٍ من دلالك ذقت فنجالي = هيل ابتسامتك هو اللي محليها
أفنت معالم تناهيدي وغربالي = الله يرضى على الدلّة وراعيها
وما بين روح إتكاليتك وإهمالي = وبين إنبثاق المشاعر يا معنيّها
غطّى جديلك ، جبينك وأرهق حبالي = وقمت أتشرّه على روحي وأجازيها
قلت أجمع اللي نثرته دق وجلالي = وأذكر مسار أول الهجرة وتاليها
وأثري بجمعه جمعت مبعثر آمالي = اللي من العام توعدني بـ آمانيها
يا أعذب من العذب ، يا مملوح ، يا حالي = يا مُولع النار في قلبي ومطفيها
شكّلت لي لوحةٍ ما خيّبت فالي = بريشة ٍ ترسم الزلّة وتمحيها
كريم واستاهلك وأشقى وتشقى لي = والعين ما تعشق إلا عين غاليها
والواقع اللي يجيبك تجلس قبالي = يكفي ويغني عن السجة ومافيها
والسجة الي تجيب اسمك على بالي = ما هي طموحي لكن الله يحييها
ترسمك مقفي ، وكنك جالس قبالي = وأنساك وأسهر مع طيوفك وأسليها
في روضة ٍ يعتريها برق وخيالي = هتانها لا هطل كنّه يراضيها
ما أحلى من أثمارها إلا ريقك الحالي = ولا أجمل من ورودها إلا كف جانيها
ومع قولة الليل : فـ آمان الله الوالي = سلّم صباحك ، وفزت له خباريها
ومن دلةٍ من دلالك ذقت فنجالي = هيل ابتسامتك هو اللي محليها
أفنت معالم تناهيدي وغربالي = الله يرضى على الدلّة وراعيها
وما بين روح إتكاليتك وإهمالي = وبين إنبثاق المشاعر يا معنيّها
غطّى جديلك ، جبينك وأرهق حبالي = وقمت أتشرّه على روحي وأجازيها
قلت أجمع اللي نثرته دق وجلالي = وأذكر مسار أول الهجرة وتاليها
وأثري بجمعه جمعت مبعثر آمالي = اللي من العام توعدني بـ آمانيها
يا أعذب من العذب ، يا مملوح ، يا حالي = يا مُولع النار في قلبي ومطفيها
شكّلت لي لوحةٍ ما خيّبت فالي = بريشة ٍ ترسم الزلّة وتمحيها
كريم واستاهلك وأشقى وتشقى لي = والعين ما تعشق إلا عين غاليها
والواقع اللي يجيبك تجلس قبالي = يكفي ويغني عن السجة ومافيها
والسجة الي تجيب اسمك على بالي = ما هي طموحي لكن الله يحييها