الرحـــال
02-07-2008, 04:11 AM
أصيب ثامر بن فلاح بن شامان الشمري إصابة ادخلته المستشفى
وكان في دورة عسكريه مسؤلها المقدم تريحيب العازمي واثناء وجوده في المستشفى
كانت قد اوشكت الدوره على الانتهاء وطلب والده من المقدم تريحيب
تمكينه من التخرج مع خوياه ،، وكان له ما اراد ،، وبهذه المناسبه أتى ابو ثامر
بهذه القصيده وسلمها الى تريحيب
سـلام منـي للمقـدم تريحـيـب=اعداد ما خط القلـم بيـد كتـاب
وعداد ما غنوا هل الفطر الشيـب=بأرضٍ خليه ما بها غير الاعشاب
وأعداد ما ذعذع نسيـم الهباهيـب=وأعداد ما سجيت رجلي للاقراب
ما هي غريبه منك يا كاسب الطيب=حلياك من نجـمٍ تبيـن ولا غـاب
شريف ما يدخل على ساسك العيب=من يفعل الحسنا بالاجواد ماخاب
لقيت بالعتبـان خمسـة عذاريـب=الطيب والنخوه وتقدير الاجنـاب
دون الخوي يا طون حر اللواهيب=وان حدت الدنيا يفكون الانشـاب
وجاء الرد من : تريحيب بن سويلم العازمي العتيبي
حي الكتاب اللي من الشمري جيب=اقولهـا بالصـدق مانـي بكـذاب
يا مرحبا عـد النجـوم المراقيـب=ترحيب مشتاقٍ ليا شاف الاحبـاب
بكتاب ابن شامان رجل المواجيـب=فيه الجواهر بين صايغ وحسـاب
بنيت له بأقصى ضميري دواليـب=هذا الرصيد اللي كنزته وراء الباب
من شأن ثامر يرخصن المطاليـب=خوينا الطيب له الحـق غصـاب
خوينا ننصاب مثلـه ليـا صيـب=نمرض معه ونطيب مثله ليا طاب
يا عل ما يفتق على مثلـه الجيـب=والله يجيره من صواديف الاسباب
__________________
وكان في دورة عسكريه مسؤلها المقدم تريحيب العازمي واثناء وجوده في المستشفى
كانت قد اوشكت الدوره على الانتهاء وطلب والده من المقدم تريحيب
تمكينه من التخرج مع خوياه ،، وكان له ما اراد ،، وبهذه المناسبه أتى ابو ثامر
بهذه القصيده وسلمها الى تريحيب
سـلام منـي للمقـدم تريحـيـب=اعداد ما خط القلـم بيـد كتـاب
وعداد ما غنوا هل الفطر الشيـب=بأرضٍ خليه ما بها غير الاعشاب
وأعداد ما ذعذع نسيـم الهباهيـب=وأعداد ما سجيت رجلي للاقراب
ما هي غريبه منك يا كاسب الطيب=حلياك من نجـمٍ تبيـن ولا غـاب
شريف ما يدخل على ساسك العيب=من يفعل الحسنا بالاجواد ماخاب
لقيت بالعتبـان خمسـة عذاريـب=الطيب والنخوه وتقدير الاجنـاب
دون الخوي يا طون حر اللواهيب=وان حدت الدنيا يفكون الانشـاب
وجاء الرد من : تريحيب بن سويلم العازمي العتيبي
حي الكتاب اللي من الشمري جيب=اقولهـا بالصـدق مانـي بكـذاب
يا مرحبا عـد النجـوم المراقيـب=ترحيب مشتاقٍ ليا شاف الاحبـاب
بكتاب ابن شامان رجل المواجيـب=فيه الجواهر بين صايغ وحسـاب
بنيت له بأقصى ضميري دواليـب=هذا الرصيد اللي كنزته وراء الباب
من شأن ثامر يرخصن المطاليـب=خوينا الطيب له الحـق غصـاب
خوينا ننصاب مثلـه ليـا صيـب=نمرض معه ونطيب مثله ليا طاب
يا عل ما يفتق على مثلـه الجيـب=والله يجيره من صواديف الاسباب
__________________