خالد العازمي
02-02-2008, 08:10 AM
صبآحكم سعادة :)
مقتطفات تواصليه من الأرشيف :
أنقلش :
قالت: ( آي لوف يو ) قلت: (ابتس ) ما أعرف إنقليزي=قالت: انت انسـان فاشـل قلـت: كـلاًُ مـن كلامـه
اضحكت ثم استدارت قالت: أصـلاً ( يـو كريـزي)=قلت: يعنـي مـن كلامـك تقصديـن مـع السلامـه؟
قالت: الواضح عليك إنـك ولـد ماأنتـه بـ(إ يـزي)=أنـت تستهبـل علـي؟ وقلـت: عدَيـهـا غشـامـة
الدلـع ماهـو لمثلـي دام هـو عـنـدك غـريـزي=والخطـاء لا مـا أقبلـه مادمـت لبَـاس العمـامـه
دنَقـت والدمـع وسـط عيونهـا قالـت: عـزيـزي!=كنت أحـب أمـزح معـك , ثـم أردفتهـا بإبتسامـه
قلت: (نورمال) دام (يو ماي لايف) أعرف الأنقليـزي=بـس حبَيـت أستفـز دمــوع عيـنـك واللثـامـه
والله إنـي مـن عرفتـك والمشاعـر معـك (بيـزي)=لايزعـلـك الـكـلام ولاعـلـى مثـلـك مـلامـة
ههه
لا لا تنادوني ولو كنـت موجـود=خربتوا أسمي لاتنـادون بإسمـي
ماعاد أجيب الا ندى ليّـن العـود=اللي نحل من كثر ماأغليه جسمـي
ياويل قلبي يـوم نـادى يا(خلّـود)=صار الشقى والنوح والجرح قسمي
أسمع نداه ودونه الـدرب مسـدود=ظامي على شوفي ولا طال وسمي
متى الظروف تزول وتذعذع النود=ويصير موعدنا على الصبح رسمي
عيّا عليّ الوقت والحـظ مقـرود=يابكرةٍ ماناقصك غيـر (وسمـي)
وسائط :
بيُض الله وجه من ساهـم بتفعيـل الوسائـط=لين جاني صوتها مع كلمتين(ن) تحت صـورة
صورتن صحت لها جرح(ن) من أول كان خايط=وأسكنت قلب(ن) معاليقه لها عـام مهجـورة
غيرها في شاشة الجوال مـاش أوراق حائـط=كل يوم أضمهـا وأبوسهـا عنـد الضـرورة
وأنت ياجوالي أركد يوم أضمـك لا تهايـط !!=لاتحسب إني عشقتك يوم أضمك لأجل صـورة
الاماكن :
حاولت أحبّك تالي الوقت لكن !!= عيّا يطيع القلب لأن السبب منك
وحاولت أهيّض خاطري بالأماكن= وأثر الأماكن كلها مادرت عنك
لوني غدى من جور الأيام داكن= لابو زمانٍ جابني لك ومكنك
صحيح كنت بداخل الروح ساكن= بس المشاعر كلها اليوم تلعنك
وان صار جرحك بأقصى الأضلاع راكن= الجرح عندي خير من عيشة الضنك
سقها ترى ماعاد فالوضع لكن= وترى الأماكن كلها تشتكي منك
شجاعه :
قررت أسافر وأترك الدّار وأقفي=مالي على بعض الظروف إستطاعه
الذنب مايستاهله غير كتفي= والخوف من جرح الكرامه شجاعه
اللي جرى من ضيقة الخلق يكفي=مكتوب يامكتوب سمعٍ وطاعه
حتى ولو يدني من البعد حتفي= وش لون أغيّر في سلوم الجماعه
طـش :
وش فيك يا أغلى من عشقت متحيّـر=قل مآتبي واليا أنعقـد نآظـري مـش
أدري بتسـألـنـي ورآي متـغـيّـر=وأنا ترى مثلك ما أعرف السبـب وش
يمكـن عشـآن الهـم جآنـي مسيّـر=وأخذ معه بآقي الهنـا والسعـد قـش
وألا عشـآن الحـظ ملعـون خـيّـر=سبّة عيونٍ تبـدي إعجـآب وتغـش
شف ضحكتي بإسـم التعآسـه تجيّـر=كذاب يآمن قلت لـي طنـش وعـش
يآليتنـي لا زلـت بـآقـي صغـيـر=هميّ خميـس وجمعـه ولعبتـي طـش
أرجـوك .. لاتسـآل ورآي متغـيّـر=مدآم أنا مثلك ما أعرف السبب وش .!!
أخيراً ولا أحد يشره هههه :
وين أبلقى بنت ناس وفل كامل بالجمال=لأجلها أرخص كل غالي وأجتهد فاللي تبي
عمرها عشرين عام ولا تعرف الا الحلال=صايمه ومصليه تمشي على نهج النبي
عايشة في عز اهلها ماتفكر فالريال=ماتسوي بي سوات الباقيات أبي وأبي
ناعمه ومدلعه وأحلامها عشق ودلال=تحتويني عن ضياع الوقت وتشيل تعبي
تكسر حروف الهجاء لاسولفت كله خبال=جعلني فدوة لماما ياأمي وبابا ياأبي
تشبه لدالي وفيها أحيان من ضحكة نوال= وشكلها لاعصبت تشبه لميساء مغربي
ماخذت من نانسي غير السماجه والهبال=من شيوخن مادخل في نسلهم عرق صلبي
وسلامتكم :)
مقتطفات تواصليه من الأرشيف :
أنقلش :
قالت: ( آي لوف يو ) قلت: (ابتس ) ما أعرف إنقليزي=قالت: انت انسـان فاشـل قلـت: كـلاًُ مـن كلامـه
اضحكت ثم استدارت قالت: أصـلاً ( يـو كريـزي)=قلت: يعنـي مـن كلامـك تقصديـن مـع السلامـه؟
قالت: الواضح عليك إنـك ولـد ماأنتـه بـ(إ يـزي)=أنـت تستهبـل علـي؟ وقلـت: عدَيـهـا غشـامـة
الدلـع ماهـو لمثلـي دام هـو عـنـدك غـريـزي=والخطـاء لا مـا أقبلـه مادمـت لبَـاس العمـامـه
دنَقـت والدمـع وسـط عيونهـا قالـت: عـزيـزي!=كنت أحـب أمـزح معـك , ثـم أردفتهـا بإبتسامـه
قلت: (نورمال) دام (يو ماي لايف) أعرف الأنقليـزي=بـس حبَيـت أستفـز دمــوع عيـنـك واللثـامـه
والله إنـي مـن عرفتـك والمشاعـر معـك (بيـزي)=لايزعـلـك الـكـلام ولاعـلـى مثـلـك مـلامـة
ههه
لا لا تنادوني ولو كنـت موجـود=خربتوا أسمي لاتنـادون بإسمـي
ماعاد أجيب الا ندى ليّـن العـود=اللي نحل من كثر ماأغليه جسمـي
ياويل قلبي يـوم نـادى يا(خلّـود)=صار الشقى والنوح والجرح قسمي
أسمع نداه ودونه الـدرب مسـدود=ظامي على شوفي ولا طال وسمي
متى الظروف تزول وتذعذع النود=ويصير موعدنا على الصبح رسمي
عيّا عليّ الوقت والحـظ مقـرود=يابكرةٍ ماناقصك غيـر (وسمـي)
وسائط :
بيُض الله وجه من ساهـم بتفعيـل الوسائـط=لين جاني صوتها مع كلمتين(ن) تحت صـورة
صورتن صحت لها جرح(ن) من أول كان خايط=وأسكنت قلب(ن) معاليقه لها عـام مهجـورة
غيرها في شاشة الجوال مـاش أوراق حائـط=كل يوم أضمهـا وأبوسهـا عنـد الضـرورة
وأنت ياجوالي أركد يوم أضمـك لا تهايـط !!=لاتحسب إني عشقتك يوم أضمك لأجل صـورة
الاماكن :
حاولت أحبّك تالي الوقت لكن !!= عيّا يطيع القلب لأن السبب منك
وحاولت أهيّض خاطري بالأماكن= وأثر الأماكن كلها مادرت عنك
لوني غدى من جور الأيام داكن= لابو زمانٍ جابني لك ومكنك
صحيح كنت بداخل الروح ساكن= بس المشاعر كلها اليوم تلعنك
وان صار جرحك بأقصى الأضلاع راكن= الجرح عندي خير من عيشة الضنك
سقها ترى ماعاد فالوضع لكن= وترى الأماكن كلها تشتكي منك
شجاعه :
قررت أسافر وأترك الدّار وأقفي=مالي على بعض الظروف إستطاعه
الذنب مايستاهله غير كتفي= والخوف من جرح الكرامه شجاعه
اللي جرى من ضيقة الخلق يكفي=مكتوب يامكتوب سمعٍ وطاعه
حتى ولو يدني من البعد حتفي= وش لون أغيّر في سلوم الجماعه
طـش :
وش فيك يا أغلى من عشقت متحيّـر=قل مآتبي واليا أنعقـد نآظـري مـش
أدري بتسـألـنـي ورآي متـغـيّـر=وأنا ترى مثلك ما أعرف السبـب وش
يمكـن عشـآن الهـم جآنـي مسيّـر=وأخذ معه بآقي الهنـا والسعـد قـش
وألا عشـآن الحـظ ملعـون خـيّـر=سبّة عيونٍ تبـدي إعجـآب وتغـش
شف ضحكتي بإسـم التعآسـه تجيّـر=كذاب يآمن قلت لـي طنـش وعـش
يآليتنـي لا زلـت بـآقـي صغـيـر=هميّ خميـس وجمعـه ولعبتـي طـش
أرجـوك .. لاتسـآل ورآي متغـيّـر=مدآم أنا مثلك ما أعرف السبب وش .!!
أخيراً ولا أحد يشره هههه :
وين أبلقى بنت ناس وفل كامل بالجمال=لأجلها أرخص كل غالي وأجتهد فاللي تبي
عمرها عشرين عام ولا تعرف الا الحلال=صايمه ومصليه تمشي على نهج النبي
عايشة في عز اهلها ماتفكر فالريال=ماتسوي بي سوات الباقيات أبي وأبي
ناعمه ومدلعه وأحلامها عشق ودلال=تحتويني عن ضياع الوقت وتشيل تعبي
تكسر حروف الهجاء لاسولفت كله خبال=جعلني فدوة لماما ياأمي وبابا ياأبي
تشبه لدالي وفيها أحيان من ضحكة نوال= وشكلها لاعصبت تشبه لميساء مغربي
ماخذت من نانسي غير السماجه والهبال=من شيوخن مادخل في نسلهم عرق صلبي
وسلامتكم :)