اكثر من عشـــــ 10 ـــــــر قصائد لشاعر بديوي الوقداني

[راكان العتيبي]

بسم الله الرحمن الرحيم

ماسيذكر في هذا الموضوع اخواني هو مستنبط من ديوان الشاعر بديوي الوقداني


جمع ودراسة وتحقيق

ابراهيم الخالدي


بدايه بالتعريف بالشاعر


اسمه



ولم يكن معروفا عن بديوي سوا اسمه وقبيلته الى ان طبع قبل سنوات قليله كتاب ((نزهة الفكر فيما مضى من الحوادث والعبر ))للمؤرخ المكي احمد الحضراوي وذكر المؤلف فيها اسم شاعرنا حتى جده السادس نقلا عنه شخصيا فيما يبدو وبالتالي فشاعرنا هو:

بديوي بن جبران بن جبر بن هندي بن جبر بن صالح بن محمد بن مسفر الوقداني السعدي نسبه الى بني سعد –العتيبي


موطنه

عاش الشاعر في منطقة الحجاز ولا يعرف عنه الارتحال سوى مابين مكه والطايف وهي مسافه لاتتجاوز المئة كيلو لذلك لانجد حضورا في شعره خارج هذه المناطق



مولده ووفاته

حسبما ذكر احمد الحضراوي الذي التقى بالشاعر ان شاعرنا ولد سنة 1244 هــ في وادي النمل بالطايف وتوفي سنة 1296 هــ



السمات الشعريه

1-الحكمه

2-روعة التصوير

2- البساطه

3- الاستفادة من القصه

4-التأثيرات اللغويه المتبادله بين الفصحى والعاميه

6-المسحه الدينيه والايمان العميق


نسبه


يرجع نسب الشاعر بديوي الوقداني الى فخذ وقدان من بني سعد وهو بطن حجازي من قبيلة عتيبه ويعتقد ان بني سعد من الاصول القليله في الجزيره العربيه التي ماتزال محتفضه باسمها الذي اعرفت به منذ العصر الجاهلي اذ انها على القول الاشهر امتداد لبني سعد بن بكر من هوازن أضئان النبي صلى الله عليه وسلم الذين رضع فيهم وعاش بينهم فقد قال الشريف محمد بن منصور ((رايت بنفسي عند بعض وقدان وثيقه قديمه لمزرعه من مزارع الزيابقة بوادي المعدن يعود تاريخ هذه الوثيقه على ما اتذكر الى القرن العاشر الهجري ينعت المالك بها بعد ذكر اسمه بالوقداني السعدي هذا يؤكد نسبتهم الى بني سعد

[راكان العتيبي]

ابيات قالها بديوي في التامل باحوال الدنيا وتقلبها وهي من قصائده المشهوره بين الناس



انفكت السبحه وضاع الخرز ضاع=وبغيت المه ياسليمان وازريت
صار الذهب قصدير والورد نعناع= انكرت ريحه مختلف يوم شميت
الباب طايح والمسامير خلاع=والحب فيه السوس والفار فالبيت
امسيت اكيل الراي بالمد والصاع= قست الامور وعفت لما توريت
لافاقد الحيله ولا قاصر البارع= ويالله يامولاي فيك استعزيت
الذيب رزقه في مبادية الارواع= وانا برزقي في زماني تعنيت
وانا مربى من زماني ومطواع= ربتني الايام حتى تربيت

[راكان العتيبي]

تقلب الايام
قصيده رغم قصرها النسبي جمع فيها بديوي بين عدة أغراض منها التحذير من تقلبات الزمان وتعديد ما مر بالحجاز من عهود ومدح الشريف عبد الله بن محمد بن عون والفخر بقبيلة الشاعر((عتيبه))وتعديد ما ثرها:



(
بديوي) يقول اشوف الايام تقتلب = كما يقتلب في البحر عود الاشباح

إذا ما رماها الموج في غاية الهوا = وجا في غزير مقتفيه ارياح

تفكرت في الدنيا كفى الله شرها = صفاها كدر...لو قدمن بافراح

غرورٍ فرورٍ... هاينه من يودها = لها قبل سكره والعقاب اذباح

ضحوكٍ لصاحبها سريع انقلابها = لها ضحك مثل الضاحك المزاح

وكم واحد طاوع هواها وغرته = كما غرّ من صيدة خفيف اجناح

نعد المراجل والليالي تعدنا = وحنا رعية غافله بمراح

موكل بها الجزار يذبح سمينها = ويا ويل يا جزارها الذباح

بعد كان حكم سرور بالعدل والعطا = والاحكام قومها على الصحاح

وجا حكم غالب طال حكمه وكم حكم = وبني السرايا يحسبه مرتاح

وجانا محمد علي باشاولا طغى = وشبعوا معه طلابه الأرباح

بقوم إلى ساروا...كما سارح الدبا = تخلي البلاد المرجعات اقباح

ليا اوحيت عند الصبح دقه طبولها = تقول الرعد في عرض بارق لاح

وابن عون حاكمنا وابن عون اميرنا = وابن عون مفتاح للغلق مفتاح

وابن عون ما خان الرعيه ولا ظلم = كثير العطا والعدل والسماح

وابن عون مثل النجم في مظلم الدجى = مصابيح مصباح الظلام مصباح

وحنا عصا الحكام من يوم جدنا = وحنا ((عتيبه)) للملوك سلاح

عتيبة جناح الصقر وثبيت عظامه = ولا يستوي طيرٍبغير جناح

رعوا بحد السيف اليماني وبالتفق = ومعها من العود الطويل رماح

وكم حلةٍ غاروا عليها مع الضحى = وراحت نهايب في يدين فلاح

وكم فارسٍ خلوه في دارس الثرى = ينوشه من العقبان كل اشناح

ويا رب ترحمنا ونحسن ختامنا = وتجعل لنا عند الذنوب سماح

[راكان العتيبي]

مادح الانذال
ابيات قالها بديوييحذر الشعراء من مدح من لا يستحقون المدح وذكر كمال انه قتاهت في مدح بني عون وهجاء منافسيهم على حسب ميوله:




يا مادح الانذال مدحك خساره = وراك ما تمدح هل الفضل والجود؟

اللي يشوفون المدايح تجاره = واعراضها ما حثها هلم منقود

لاتمدح اللي جا له المدح عاره = لا وارثه ابوه ولاجد معدود

جده وابوه بحلبون الوبارة = ويدورون التمر من مقلع العود

ضيعت مدحك في حصيني مغاره = زاده من الفيران والنمل والدود

لو جبت له منظوم طول المناره = ومسطره بالمسك واقلامه العود

إن الردي لو تضربه بالحجاره = والا مطارق شوك وسلاح محدود

جنبه متين ولا يخاف المعاره = ولا يعرف البيضا ولا يعرف السود

والحر دايم يحترك بالاشاره = يفز مثل الزند الي قدح بارود

رجال يسواله ثمانين حاره = ورجال مايسوى ولا عضم عجرود

[راكان العتيبي]

هبوب النصر


قصيده قالها مدح الشريف عبدالله بن محمد




هبت هبوب النصر والحظ قايـــــم = وشمسك بدت وشموس اعاديك غابت

يابدر من نورك تضيع النعايـــــــم = وسهيل والمرزم فـــ مبداك غــــارت

تزلزلت منك الجبال العضايــــــــم = والوحش منكم بالجبال اســتجــــارت

واهني قوم ((ي))ماعليها جرايـــم = وياويل قوم خالفت ماســتقــامــــــت

امشي على رايات راعي العزايــم =اللي لحكمه جــملة الــناس طاعـــت

((عبدالله))الي في يديه الحكايـــــم = نجمه علا ونجوم غـــيره تهــــاوت

سلطان مكه من ملوك ال هاشــــم = له هيبة منها الملوك استـــخافـــــت

وإن جا نهار فيه بايع وسايــــــــم = في ملتقى الصفين والخـــيل غارت

ينصى صدور الخيل يوم الهزايـم = والبيض والسمر العوالي تخــــاوت

من فوق جماح شديد القوايــــــــم = وخيل إذا ما طول الركـــض زادت

خيل جياد صافنات كرايـــــــــــم = لو هشها الراكب مع الريح طـــارت

أمهار تسبق طايرات الحمايــــــم = لو كان من ريح الجنوب استـــعارت

فرعون مات اللي من اول مزاعم = والله نصر موسى والافـــــلاك دارت

وعساك يا بن عون في العز دايـم = يا سيد السادات لو كان ســــــــــــادت

[راكان العتيبي]

قصيده مليئه بالحكم والمعاني قال عنها كمال ((من غرر الاشعار بل كل كلمه فيها دره ثمينه ))




دنياك هذي كلها هز قاووق = ماتعرف الصاحب من اللي معاديك

واكثر كلام الناس بالمكر والبوق =يهرج معك واليا تقَّفيت يرميك

المال دايم صاحبه مرتفع فوق=والقل خايب لو ترفعت يرخيك

عزي لمن دور لها عند مخلوق = اما بخــل ولامنن يوم يعطيك

اوصيك باالطيب ان كان لك ذوق = ارمه وراك ولازم انه يلاقيك

ياالعبد هون كل مطرود ملحوق = لا تشتحن لك ربٍ ماهو مخليك

اللي جعل لك روح جاعلك مرزوق = كما تكفل بك من الخلق كافيك

يعطي وباب الرزق ماهوب مغلوق = واليا طلبته وانت محتاج يعطيك

الرزق له حبسه وله وقت مطلوق=وان مت ظل عند قبرك يناديك

والموت جايك لو تقع جوف صندوق = دع عنك ما بك من حذر لا يعنيك

لا تشتغل بالمال ترى المال ممحوق = ما مالك إلا ما تمده أياديك

إن كان مالك يا فتى ضيق السوق = تراه عند الموت ماهوب منجيك

الجار والعاني لهم شرط وحقوق=والضيف واجب تكرمه يوم يلاقيك

وان كان تبي تاخذ المدح مطبوق = خلك مشمر دون ضيفك وعانيك

صون الامانه واظهر الهرج بصدوق = ولا تعاشر صاحب البوق يعديك

لا تصحب الخاين ولا تامن الّنوق = وان لاح برق الحيا عذّرت فيك

والدرب لا تامنه لوكنت مرفوق =الا بحدٍ في يمينك يباريك

اترك طريقة كل عاشق ومعشوق = ترمي بروحك باالشرك ثم يرميك

والكلب مايتبعك لو تلبسه طوق = ولا خلاخيل الذهب مايراعيك

وباالصبر تغلب صاحب العزم ياشوق = والعزم طيب مير حزات يرميك

وافرح ليامنك عن الشر مدروق =واحذر صديقك واحذر الي يواليك

هذا كلام الصدق ماهوب مسروق = وابيات ياقلبي بناها يسليك

من هاجس يطمي كما بحر صافوق = احذر على القلب الشقي يوم يطريك

يارب تجعلني من النار معتوق = واجعل ختامي طيبا يوم الاقيك

[راكان العتيبي]

اشوف واسمع والنضر مستخلي= واحوال تجري في طرف علم الاتراك

ولاعاد لانعرف حرام وحلي = والورد مخلوطة ثماريه تنباك.

الشام والمغرب وفارس ودلي = حلت بها بقعا وضني تعداك

وانا ليا ماشفتها قلت زلي = لاعاشق زينك ولا القلب يهواك

وفي هقوتي ماتخلفين المصلي = لوكان زينك تسلتينه بيمناك

يا شينة الاصحاب امرك مولي = تعبان طلابك ومن كان رباك

والله مابعنا الشجاعه بذلي = لكن هيبة صاحب الامر تبراك

ياسامت البنيان لايستخلي = وحافظ وحوش الصيد من وقع الاشراك

ما يصفي الماء لين يقدر يزلي = يقع يخرج له مجاهد وسفاك

والخاتمه مكتوبة في سجلي = مالك بعلم لايخصك ويعناك

[راكان العتيبي]

اشهر قصائد الشاعر على الاطلاق وهي جامعه بين اغراض ((الشكوى,تقلبات الايام,النصح,الحكمه,الفخر,))ومناسبتها كتبها الشاعر اساسا طلب الاستغاثه ويعتقد ان بعض ممدوحيه هم اشراف مكه





أيامنــا والليالــي كــم نعاتبهـا=شبنـا وشابت وعفنـا بعض الأحوالـي
تاعد مواعيــد والجاهـل مكذبهـا =واللي عرف حدهـا من همهـا سالـي
إن أقبلـت يوم ما تصفـى مشاربهـا=تقفـي وتقبـل وما دامـت على حالي
في كــل يوم تورينـا عجايبهـا =واليوم الأول تراه احسـن من التالـي
أيـام فـي غلبهـا وايـام نغلبهـا=وايام فيهـا ســوا والدهـر ميالـي
جربت الأيام مثلـي من يجربهـا =تجريب عاقل وذاق المــر والحالـي
نضحك مع الناس والدنيا نلاعبـها =نمشي مع الفي طوع حيـث ما مالـي
كم من علومٍ وكــم آدب نكسبهــا =والشعر مازون مثقــالٍ بمثقالــي
اعرف حروف الهجاء بالرمز واكتبها =عاقل ومجنون حاوى كـل الأشكالي
لكن حظــي ردي والروح متعبهـا =ما فادني حسن تاديبي مـع أمثالـي
إن جيت ابي حاجـةٍ عزت مطالبها =العفو ما واحدٍ فــي الناس يا والي
قومٍ الـى جيتهـم رفـت شواربهـا =بالضحك واقلوبها فيها الردا كالـي
وقومٍ الى جيتها صكـت حواجبهـا =وابدات لي البغض في مقفاي واقبالي
ما كنــي إلا حــال مغضبهــا =والكل في عشرتـه ماكر ودجالـي
يا حيف تخفي أموراً كنت حاسبهـا=واللي على بالهـم كلـه على بالـي
الجار جافـي وكـم قومٍ محاربهـا =والأهل وأصحابنا والدون والعالــي
والروح ويش عذرها في ترك واجبها=راح الحسب والنسب في جمع الأموالي
نفسي تبى العز والحاجات تغصبهـا =ترمي بها بيـن أجاويـد وانذالــي
المال يحــي رجالاً لا حيـاة ابها =كالسيل يحي الهشيـم الدمدم البالــي
عفت المنازل وروحـي يوم اجنبها=منها غنيمـه وعنها البعـد أولا لـي
لا خير في ديرةٍ يشقـى العزيز ابها =يمشي مع الناس في هـمٍ وإذلالـي
دارٍ بها الخــوف دومٍ ما يغايبهـا =والجوع فيها ومعها بعض الاحوالي
جوعى سراحينها شبعـى ثعالبهـا=الكلـب والهـر يقـدم كل ريبالـي
عز الفتى راس ماله من مكاسبهـا =يا مرتضي الهون لا عزٍّ ولا مالي
دللت بالروح لين ارخصت جانبهـا =وانا عتيبي عريب الجـد والخالـي
قومٍ تدوس الافاعـي مع عقاربهـا =ولها عزايم تهــد الشامـخ العالـي
خل المنازل وقل للبيــن يندبهــا=يبكي عليها بدمـع العيـن هطالـي
لا تعمـر الدار والقالات تخربهــا =بيع الردي بالخساره واشتر الغالـي
ما ضاقت الأرض وانسدت مذاهبها=فيها السعــه والمراجــل والتفتالِ
دارٍ بدار وجيــرانٍ نقاربهــا =وارضٍ بأرض وأطلالٍ بأطلالـي
والناس اجانيب لين إنك تصاحبهـا=تكون منهــم كما قالوا بالأمثالـي
الارض لله نمشــي فـي مناكبهـا =والله قدر لنـا أرزاق وآجالـــي
حث المطايـا وشرِّقهـا وغرِّبهــا =واقطع بها كل فـجٍّ دارسٍ خالــي
واطعن انحور الفيافـي في ترايبهـا=وابعد عن الهم تمسي خالي البالـي
من كل عمليـةٍ تقطــع براكبهـا =فدافد البيــد درهـامٍ وزرفالــي
تبعدك عـن دار قـومٍ ودار تقربها =واختر لنفسـك للمنزال منزالــي
لو مـتّ فـي ديرةٍ قفراً جوانبهــا =فيها لوطـى السباع الغبس مدهالي
اخير مـن ديرةٍ يجفـاك صاحبهـا =كم ذا الجفا والتجافـي والتعلالـي
دوس المخاطر ولا تخشى عواقبهـا=الموت واحد وبعد العـز يجلالـي
ان المنايــا إذا مـدت مخالبهــا =تدركك لو كنت في جو السما العالي
ما قرت الاسد في عالـي مراقبهـا=تسعى على الرزق ما حنت للاشبالي
والشمس في برجها والغيـم يحجبها=تقفي وتقبـل لها في العرش مجدالِ
رب السماوات يا محصي كواكبهـا =يا مجري السفن في لجات الأهوالي
ضاقت بنا الأرض واشتبت شبايبهـا =والغيث محبوس يا معبـود يا والي
يا الله من مزنــةٍ هبـت هبايبهـا =رعادها بات له في البحر زلزالي
ريح العوالي من المنشـا تجاذبهـا=جذب الدلى من جباء مطوية الجالي
ديمومةٍ سبلـت وأرخت ذوايبهــا =وانهل منها غزير الوبـل همالـي
تسقي دياراً شديد الوقـت حاربهـا =ما عاد فيها لبعض الناس منزالـي
يا جاهل اسمـع تماثيـلاً مرتبهـا =فيها معاني جميـع القيل والقالـي
مثـل المحابيـب زادت في قوالبها=في صرفها زايده عن قرش واريالي
يا ربي توبه وروحي لا تعذبهــا =يوم القيامه إذا ما ضاقت اعمالـي
وازكى صلاةٍ على المختار نوهبها=شفيعنا يوم حشرٍ فيه الأهوالــي

[راكان العتيبي]

تفكر بديوي الوقداني في زمانه وفي دنياه التي يعيش فيها والتي شبهها بالعجوز المتقلبة المزاج وفي الارزاق الشحيحة والاسعار الغالية ، وقال هذه القصيده الرائعة التي تصلح لكل زمان ومكان






آخر زمان وكل مـن عـاش خبـر=وبغيت اقول الميت ارجى من الحـي
ورد حبالـه فـي زمانـه وصـدر=ان كان اهو ضميـان ولا روى ري
ما عاش في هـذا الزمـان المغيـر=واحوالـه اللـي ماعرفنـا لهـا زي
دنيـا عجـوز وغيهـا مـا تغيـر=تضحك مع الجاهل وتعجب هل الغي
جار الزمـان وسـل نابـه وكشـر=واسعار طارت والمخاليق فـي لـي
وقام الامـام وسـل سيفـة وكبـر=واهتز من صنعاء ليـا بـاب منبـي
والشمس دارت وجهها واقتوى الحـر=ما عاد يمنع من لضا حرهـا الفـي
والطير الاصفر عاشر الطير الاخضر=بطيور ما نعرف لهـا وجـه وقفـي
والنار شبت والحطـب سـاع جمـر=واللي يدوس النار يصبر على الكـي
والنيل فاض وظنتـي يخـرب البـر=واهل البيوت الطارفـة مالهـا تـي
بعنوانها باخبرك عن كـل ماضمـر=شبت وشابت وابدلت عـود بصبـي
وراع النصيحة ضاع نصحه وعـذر=قال اسمعوا لكن مـا يسمـع الحـي
وريح العوالي قابلت ريح صرصـر=وكل مافيها جـرى شـوف عينـي
والنمل جالـه ريـش نسـر وعمـر=وان استمر الحبـل لابـد مـن لـي
والنمـر حنـب والحصينـي تنمـر=حاسب حساب الغاب من جملة الفـي
وان كان الافعى نابهـا مـا تكسـر=عضت وسار السم لاصق مع الـدي
وان كان عظم الداعيـة مـا تحيـر=اذا اظلمت ماعاد يبقـى لهـا ضـي
واللي حكم في سابق العصـر عبـر=تعبير يعقوب ابن اسحـاق يـا بنـي
الظلم ظلمـة وان دخـل دار دمـر=ودنياك ما دامت لحاتـم ولـد طـي
منها السلامـة راس مـال ومتجـر=والقول كنـي لازم الشمـس بايـدي
واختـم كلامـي بالنبـي المـنـور=صلى عليـه الله مـا سيـر الحـي

[راكان العتيبي]

قصيده طويله جمع فيها الشاعر بين اغراض الغزل والحكمه والنصح((مروبع))









أول استبـداي باسمـك ياحـنـون=ياكريـم مـا تخالـفـه الظـنـون
امرك المحفوظ في كـاف ونـون=وانت لي فـي كـل مغـواة دليـل
هيج اشواقي حمام فـي الغصـون=بات ساجع فـي بديعـات اللحـون
بيـن تغريـد وترجـيـع يـهـون=مادرى اني في الهوى مثلـه عليـل
ياحمـام الـدوح هيجـت الغـرام=ما سبب نوحك ومالك مـن مـرام
اعطني عهدك وخـذ منـي ذمـام=بيعني شوقك وخـذ شوقـي بديـل
ان فـي قلبـي جـروح ماتطيـب=مابـدت حتـى يداويهـا طبـيـب
من هواجس جات من فرق الحبيب=باح مكنونـي وصبـري مستحيـل
كلمـا هـب الصبـا قلبـي صبـا=من غزال في الحمـا فـاق الظبـا
ظبي جازي يرتعـي نبـت الربـا=يسلب العشـاق بالطـرف الكحيـل
مـال عنـي بالتجافـي والصـدود=مابقي غيـر الحسايـف والوجـود
كم رعيت النجـم والعالـم رقـود=والمحاجر دمعها الصافـي يسيـل
زارني طيفه كمـا طيـف النسيـم=جـدد الاشـواق والعهـد القـديـم
وانثنى فـي داجـي الليـل البهيـم=قلت زدنـي قـال يكفيـك القليـل
آه مـن هـم شـوى قلبـي بنـار=وان طلبـت الصبرماالقالـه قـرار
كيـف ابـا صبروالحشـا للهم دار=صار مالكني وانـا عنـده نزيـل
قمت مما حسنـي عنـد الهجـوع=يـوم كـل نـام ولعـت الشمـوع
والهواجس جاتني تمشـي جمـوع=مثل ورد النحل فـي وادي طفيـل
أو كما سيل تسايـل مـن مضيـق=يقلـع الحيطـان والسـد الوثـيـق
يأخـذ الاشجـار ويسـد الطريـق=زاد عن حده وضاق بـه المسيـل
طار نومي يوم نامـت كـل عيـن=بت ساهـر مـع نجـوم الفرقديـن
من هواجس من جفا من جور ديـن=ما بقا الا البعـد عنهـا والرحيـل
صوب ارض الشام أو ارض العراق=عـل يـوم فيـه ينحـل الوثـاق
كم نقاسـي والقسـا مـر المـذاق=ربما نلقـى عـن المنـزل بديـل
دع بـلاد الـذل وارحـل يالبيـب=واغترب فالكـل بالدنيـا غريـب
القضا مكتـوب والداعـي نصيـب=اركب الاخطـار والهـول المهيـل
وان جفتك الدار أو مـال الزمـان=لاتعيـش بــدار ذل أو هــوان
لو يظلـي نبتهـا مـن زعفـران=صاحب الاخطار واجعلهـا دليـل
شد عن ارض الاعـادي والحسـود=واطلـب العليـا وبالـغ بالجهـود
لو يكون العز فـي غـاب الاسـود=خير مـن دار تعيـش ابهـا ذليـل
كل مـن رام العـلا يرقـى لهـا=سلـم الاخطـار فــي اهوالـهـا
مـن تراخـى عزمتـه مانالـهـا=دونهـا يقصـر البـاع الطـويـل
اقطع البيـدا علـى عـوج النضـا=لو يكن تمشي على جمـر الغضـا
مـا يفـوت العمـر قـدام القضـا=دين عنـدك ليـن ياتيـك العميـل
عاشر الاحرار مـن اهـل الرتـب=تستفيـد العـقـل منـهـم والادب
حيث هم اهـل المـروة والنسـب=واترك الانذال مـا منهـم حصيـل
سل عن الجيـران قـدام النـزول=وان سمعت الناس تهـرج لاتقـول
تكتسـي ثـوب المعـزة والقبـول=والخلايـق يذكرونـك بالجمـيـل
كم كـلام راح فـي نقلـه نفـوس=وانت ماتاخذ علـى نقلـه فلـوس
لاتفتش كـل حـب فيـه سـوس=كم تخوض الناس في قـال وقيـل
صون عرضك من ملاغات السفيه=واترك الكذبـان سـودان الوجيـه
من حكى عنهم يعود الكـذب فيـه=كيف تاخذ هرج مـن بايـر هبيـل
اترك البيت الردي وانص الرجـال=خذ عريب البيت من عـم وخـال
يوم تنظـر فـي ولدهـا كالهـلال=وان مشى بالدرب ما يغوى الدليـل
خذ عزيز البز من زيـن القمـاش=والردي لو كان يعطونـك بـلاش
ما يفيدك كيف تاخـذ شـي مـاش=بيعـة المغبـون منهـا يستقـيـل
دور الطيـب لـو وغـال الثمـن=لو يكون القصد في صنعـا اليمـن
لا تغرك صقلـة الوجـه الحسـن=ابـذل المجهـود بالمـال الجزيـل
الذهـب مـا يخلطونـه بالنحـاس=غير بعض الناس ما عنـده قيـاس
خذ نصايح ما حواهـا بـو نـواس=مثل نظم الـدر واللولـو الأصيـل
وان ملكت المال لاتغـدي شحـوح=اطعم الجيعان واكسـي كـل روح
الدبـش والمـال لابـده يــروح=والثنا والمجـد جيـل بعـد جيـل
هم روحك واغتنم عصـر الشبـاب=ان لـلأيـام مـيـل وانـقــلاب
ونت فيها تنطـوي طـي الكتـاب=لاتغـرك صحـة العمـر الطويـل
اترك الدنيا ليـا جاتـك ضحـوك=لا تغـرك بالملاعـب والشكـوك
كم غرر فيها وكم غـرت ملـوك=ضحكها غرار ما اسرع مـا تميـل
والعدو لا تأمنـه لـو بعـد حيـن=لو حلف بالبيـت والركـن اليميـن
الحقد والبغـض فـي قلبـه دفيـن=وان ضحك بالوجه قلبه لك غليـل
خـل عنـك الكبـر فالله الكبـيـر=لا تحاقـر عـاجـز والا فقـيـر
واعلـم ان الأمــر لله الخبـيـر=يقصم الجبار ويعز الذليل
كم فقيرمات قدام الممات=موت بعض الناس خير من الحياة
ان بكن او مابكن النايحات= البكى خسران في بعض الهزيل

[راكان العتيبي]

قصيده قالها الشاعر في الغزل




يا الله في نـوّّ..... ليـا انْقـادي=نسْـم العوالـي يذْريـنّـه
وامشي ولا ادري وين انا غادي=في النار والا رايـح الجنـه
سيدي حبسني واوثق قيادي=وابوك يا حبس بـلا سنـه
ياحيد يا اللي منك انا بادي=ما زل فيك يالحيد من رنـه
علّك من المربـاع رعّـادي=يمطر عليك الصيف والكنّـه
تسقي فروع الضلع والوادي=حتى نشور البـدو يرعنّـه
يا نور علمنـي بميعـادي=وارقـى العلالـي درجهنّـه
يا خالط الريحان والكـادي=وبعيثران ان فاح لـه بنّـه
والله لولا خـوف الانقـادي=يا للي حمسني حمسة البنّه
لا نهبك واجلي دار بغـدادي=وارسل على واليك بالمنّـه

[راكان العتيبي]

قصيده جامعه للحكمه والنصيحه قالها الشاعر موجهها الى ابنه عبد العزيز





سرى بارق في سد بـارق يلـوح لـي=واناشاقنـي بـرقٍ يـنـوضْ سْـنـاه
عسـى الله يسقـي كـل دارٍ سنـيّـه=وكـل يجيـه الخيـر فـي مشـحـاه
عسى الصيف من نوّ العقـارب يعلّهـا=ثمـانٍ ســوا والاّ ثـمـان كـمـاه
بعد يبْسـتْ الدّيـره يخضـر جنابهـا=ويطـول الحيـا حتـى يزيـن حيـاه
تلين القلـوب القاسيـة عـن قساهـا=ومن بـاعْ غالـي مـا يـدوم غـلاه
أقولـه وانـا مـا فـي ضمـايـري=كـلامٍ علـى بـاب الكـلام معـنـاه
أنا بوصيك ياعبد العزيز ان سمعتنـي=تـرى الصقـر يسمـع مايقـول ابـاه
إذا مانصاك الضيف رحب وهـل بـه=ترى الرحب يقري الضيف دون اقـراه
وقدم له الميسـور وزيـن لـه النبـا=واعز العرب مـن هـو مليـح انبـاه
ولا تندرق عنها ليـا جاتـك ناصيـه=ولـو كـان عـودك ماعليـه الحـاه
ولا تعترضهـا ون تعـدت مجنـبـه=كمـا معتـرض سيـل يجـر انحـاه
وابا اوصيك صون الجار واصبر لزلته=ولوكـان تسمـع كـل يــوم ازراه
ترى الجار ستر الجار يحمي سرايـره=وعــزى لـجـارٍ مـايـظـل اذراه
وابااوصيك بنت اللاش والمنبت الردى=وبيـت الـردا خطـرٍ علـيـك ارداه
يجيك الولد مـن بنتهـم خايـب النبـا=كـمــا زرع ودن مـايــرد اذراه
حذارا اتعدى عـن بيـوت الشجاعـه=وبيـت الشجاعـه مـا يطيـح ابنـاه
وعز الرفاقه لـو تـرى منهـم الجفـا=عسى لك رفيـق ولـو يزيـد اجفـاه
رفيقك سلاح الضيق تلطـم بـه العـدا=ومـن قـل جيشـه يطمعـون اعـداه
وضيـم الرفاقـه عـلـةٍ مالـهـا دوا=يكـون الرجـا والصبـر هـو ا ادواه
تراهـا كمـا بنـت الزنـا شقلبـيـة=يقـع ينبنـي ســد وثـيـق ابـنـاه
وحذرك من حلـف اليميـن المضـره=تـلـزم بـحـبـل الله ولا تـنـسـاه
ترى الدنيا تقطع كـل عصبـه قويـه=ومـن يتقـى فالله مايخيـب رجــاه
ولا تكره اللي ينصحونك عـن الغـوا=تـرى كـل غـاوي ينشبـه اغــواه
ولاتاخذ الاشـوار مـن عنـد جاهـل=يقـع عاقـل تلقـى الزمـان اربــاه
وضـم اللـوازم كلهـا ثـم ضمـهـا=بحبـل مـن العـزم الوثيـق اقـواه
وصلو على المختار ماهبـت الصبا=وماحـج مـن فـج بعـيـد امــداه

[راكان العتيبي]

هذه القصيده كانت ردا من الشاعر بديوي على الشامتين به حينما اصاب رجله بطلقه من مسدسه اثناء تنضيفه ويبدو انها اصابته بالعرج





الاوله يالله يالي على الامه رقيبي=ياغافر الزلات تمحي الذنوب ألي عليه
تكتب لي الجنة ليمسيت في قبري وحيدي=.مالي مهرج غير دود القبور العامرية
وارجيلي اللي ما تعدا على الحي ألقريبي=ولا توانا يوم ربعي يقولون ألحميه
بعض العرب يفرح ليا قالوا بديوي صويبي=.وإنا احمد الله يوم جاني صوابي من يديه
يابادع القيفان رجلك ليا شالله تطيبي=لا يفرح الحساد ولا يرتجي منه الشفيه
يا سرع ما دن الرعد وظلا صبيبي=ونشوف من يغرق ومن كانت بيوته ذريه
في ما مضى ظليت أنا اسري وباري كل ذيبي=واليوم مثل ألي قعد لا شداد وال مطيه



اتمنا ان اكون قد وفقت في نقل هذه القصائد وارجو العفو ان وجد بعض الاخطاء اثناء الكتابه فانا انقل من كتاب سبق ونوهة عنه

خالص شكري

اخوكم

راكان العتيبي

[سعد العصيمي]

الاخ الغالي

راكان العتيبي


احسنت الاختيار في هذا الشاعر العملاق رحمه الله


فالشاعر بديوي الوقداني شاعر رائع

وقد سمعت ان له بيت شعر يدرس في الجامعات

وهو :

مرات في غلبها ومرات نغلبها // ومرات فيها سوى والوقت ميالي

على العموم انا اشكرك على هذا الموضوع وهذه الدرر الرائعه للشاعر بديوي الوقداني

اسأل الله ان يرحمه ويسكن عظامه الجنه


ولاهنت اخوي

تقبل تحيات اخوك،،

سعد العصيمي

[راكان العتيبي]

شكرا على مرورك ياسعد



ورحمة الله على بديوي الوقداني


اخوك

راكان العتيبي

[سامي الريمان]

راكان احسنت الاختيار



بديوي ((رحمه الله)) غني عن التعريف




مجهود تشكر عليه ياراكان




تحياتي

[ميموزاا]

قصيدة بديوي الوقداني اللي فيها :



لابلاك الله بعاقه
من مقاريد الرفاقه
لاتوريه الحماقه
لين ربك يقلعه



<< من اروع قصائده :)


الله يرحمه


.

.



راكان


يعطيك العافيه




تحياتي

[راكان العتيبي]

قصيدة بديوي الوقداني اللي فيها :



لابلاك الله بعاقه
من مقاريد الرفاقه
لاتوريه الحماقه
لين ربك يقلعه



<< من اروع قصائده :)


الله يرحمه


.

.



راكان


يعطيك العافيه




تحياتي




اما ان هذه الابيات ليست لشاعر بديوي


او انها احد محاوراته فقصائد الشاعر كلها محصوره ومعروفه ولكن محاوراته

قد لاتجمع كلها


اعدك ان ابحث عن هذه الابيات واتي بها كامله

اخوك

راكان العتيبي

[راكان العتيبي]

ميموزا


هذه الابيات من قصيدة الشاعر: صقر النصافي وهو يوصي ابنائه الثلا ثه




قـــال: مـــن وصــــى عــيــالــه= وده إلــــهــــم بــالــشــكــالـــه
خـــابـــر(ن)راعـــي الــــرزالــــه= بــالــمــجــالــس تــشــنـــعـــه
يـا ((إمـهـلـي)) شـوف أخـوانـك= شـانـهــم مــن صــوب شــانــك
عــنــدمــا يــزعـــل إلــســانــك= عــنــهـــم الــغــيـــظ أدفـــعـــه
وأنـــــت يـا((عــلــي))أفــتــكــر= خـــــل قـــولـــي لـــــك ذكـــــر
ربـــعـــه الــطـــيـــب شـــكــــر= والـــــــــــردي لاتـــتـــبــــعــــه
يــا((مــســلــم))وأنــا أبـــــــوك =الـــعــــرب لــــــو صــاحـــبـــوك
مــايــســـرك غـــيـــر أخــــــوك= كـــــــل مـــايـــأمـــر طــــعــــه
يـــاعـــيـــالــــي كــــلــــكـــــم =أفــطــنـــوا فــــــي حــالـــكـــم
الـــــتـــــنـــــازع ذلـــــــكـــــــم =والــتـــصـــافـــي مــنـــفـــعـــه
أجـــهـــدوا لـــلــــه بــطـــاعـــه= وأتـبــعــوا راعـــي الـشـفــاعــه
قــبـــل يــــوم فــيـــه ســاعـــة= عـــنــــد ربــــــي مـــرجـــعـــه
الـقــصــيــر أمــشـــوا بــحــقــه= لـــو بـــدت مــنــه الـمــشــقــه
وإن كــثـــر بــالــقــلــب دقـــــه =طــــــو بــيـــتـــك وأشــلـــعـــه
مـــــــــــادواه الإمــــــراحـــــــه= فـــي فـــراق الــســـوء راحــــه
لاتـــجــــازيــــه بـــقـــبـــاحــــه =يـــــــوم ربـــــــه صـــرقـــعــــه
والــخـــوي حــقـــه عـلــيــكــم =تـجـعــلــونــه مــــن حــديــكــم
كـــل شـغــلــه فـــي يـديــكــم= لـــيــــن يـــاصــــل مـــربـــعـــه
إن تــمــرجـــل كــيــفـــو بــــــه= وإن تـــــــردا عــــبــــرو بــــــــه
لـــو يـصــيــر لــكـــم عــقــوبــه = قــصـــة(ن)بـــالـــمـــبـــلـــعـــه
والــحــمـــق يـــخـــر مـــضـــره= يــلــحــق الــعــقــيــل شـــــره
ون طــــــرا راعــــيــــه مـــــــره= قـــــالــــــوا الله يـــقـــطـــعــــه
والــصــبــر عـــنـــد الـــبـــلاوي =خـيــر مــن كــثــر الـشــكــاوي
لــــو تــصــيــح ولــــو تـــــلاوي =مـــابــــغــــا الله يـــصـــنـــعــــه
وأحـــــذروا حـــقـــر الــفــقــيــر =دعــوتـــه يــمــكــن تــصــيــر.؟
أدخــــــــل الله وأســتـــجـــيـــر= قـــبــــل يــــــذرف مــدمـــعـــه
الـــتـــكــــبــــر لــــلــــرخـــــوم =يـحــســبــون إهــــم الــقـــروم
عــنــدمـــا يـــبـــدى الـــلـــزوم= عــشــرهــم نــصـــف أربـــعـــه
والـــعــــدو لــــــو زان بــــالــــه= أنــقــلـــوا مـــنـــه الــحــمــالــه
لـــو مــغـــط ألــكـــم حــبــالــه= بـغــظــكــم يــبــقـــى مـــعـــه
والــصــديـــق بـــكـــل حــــــال= عــنـــد حـــظـــرات الــمــجـــال
مــدحــكــم عـــنـــد الـــرجـــال= كــــــل مـــاجــــاه أشـــبـــعـــه
والــصــديــق إلــيـــا نــكــركـــم =مـــــــــا دواه الأ ظـــهــــركــــم
وإن خـضــعــتــولــه حــقــركـــم= صــرتـــوا عــنـــده مــضــفــعــه
والـــتـــمـــنـــي مـــايـــفـــيـــد= لـــــــو تــــزيــــده مـــايـــزيــــد
مــثــل بـــق طـــار مــــن إيــــد= بــالــهــوى مــــن يــجــمــعــه.
والــحــلــوف أبــغــيــر حــاجـــة= كــلــهــا ذنـــــب وســمــاجـــة
واجــــد الــلـــي بـالــلــجــاجــة= دوم حـــلـــفــــه يــمـــطـــعـــه
كـــــم صـــبـــي(ن) بــالــرخـــا= ظــنـــكـــم فـــيــــه الــصـــخـــا
وأن كــــربــــتــــوه أرتـــــخــــــا= كــــــــل عـــذر(ن)يـــاســـعـــه
جـــاز مــــن كــــل الــصــداقــه= والــمـــحـــبـــة والـــلـــبـــاقـــة
والـســبــب نـفــســه أرفــاقـــه= حـــتـــى الانــــــه تــضــلــعـــه
والــمــغـــفـــل يــحــســبــنـــه= دوم فــــي نــعــمـــة وجـــنـــة
مـــاخـــذ(ن) دنـــيـــاه ظـــنــــه= لـــيـــن بــقـــعـــا تــصــقــعـــه
ثــــم يــقــعــد مــــن مــنــامــه= مـلـحــق(ن) نـفــســه مــلامــه
عــقـــب مــاشـــاف الــنــدامــه =يـــــوم هــــــاك الــكــعــكــعــه
الـــرجـــال أبـــهــــم فــهـــيـــم= لايـــــضــــــام ولا يــــضــــيــــم
عــنــدمـــا يـــبـــدى حــلــيـــم= والـــحـــقــــوق مـــشــــرعــــة
راعــــي الــصــبـــر مــحــمـــود= لـــيـــن مــولــمــتـــه تـــعــــود
ثــــــم يــــنــــزل بـــالـــحـــدود= والـــمـــطـــمـــن يـــرفــــعــــه
والـــرجـــال إبـــهـــم ثــقـــيـــل =كــــــل عـــمــــره مــايــعــيـــل
وإن طــمـــع فــيـــه الـجــبــيــل= دون حـــــقـــــه يـــصـــفـــعـــه
أن بـــغـــيـــتـــه بـــالــــمــــروه= شــفـــت نـــــو الــخــيــر.؟نــوه
وأن بــغــيـــت الـــحـــق قـــــوة =طــزعـــيـــنـــك بــاأصـــبـــعـــه
وإن بـــــــــلاك الله بـــعــــاقــــه= مـــــن مــقــاريـــد الــرفـــاقـــه
لاتـــــوريــــــه الـــحـــمـــاقــــة= لــــيــــن ربـــــــك يــقــلـــعـــه
خـــــل شــوفــاتـــك بــعــيـــدة= عـــنـــد نــفــخــاتـــه وريــــــدة
ثـــــــم عــقــب(ن)لاتــعـــيـــده= الــســعـــه ثــــــم الــســـعـــه
كـــم صــبـــي(ن) كــــل يــــوم =يـعــتــزي مــــن غــيـــر قــــوم
وإن تــنــاطـــحـــت الــــقــــروم= مـــايـــدانـــي الــفــرقـــعـــه.!!
صــايـــر(ن) لــلــشــر ســـبـــه= لــيـــن يــلــقــا مــــن يـــدبـــه
ثـــــم يـــبــــرك لــلــمــســبــه= يــــوم جــــاه مــــن أشــبــعــه
والـســفــيــه إلــيـــا نــهــيــتــه= عـــن طــريــق(ن) مـابـغــيــتــه
لــــــو تــــجــــره مــاقــويـــتـــه= والــــنـــــدى مــايــســمـــعـــه
راح فــــــي درب(ن) يــــضــــره= وأنــــت شـــــورك مــايــســـره
والله أنــــــك لــــــو تــــجــــره.؟= مــايــبـــي غـــيـــر إســنــعـــه
والـــرجـــال أبـــهـــم كــــــذوب= مــايــهـــاب مـــــن الــعــيـــوب
لــــــو يـــفـــجـــر مـــايـــتـــوب= والـــــخــــــزا مـــايـــوجــــعــــه
والـــرجـــال أبـــهـــم صـــــدوق= فـــــي كـــلامــــه مــايـــتـــوق
يــفــتــهــم كـــــل الــحــقـــوق= والـــكــــريــــم أمـــســـنـــعـــه
والـــرجـــال أبـــهـــم كـــريــــم= لاخـــطـــر خــلــفـــت رزيــــــم
وأن طـرش.؟قــلــبــه ســلــيــم= كـــــــــل زاد(ن) يـــقـــنـــعــــه
والـــرجـــال أبـــهـــم بــخــيـــل= لاخـــطــــر مـــــــدة قـــلـــيـــل
وأن طــرش.؟مــالـــه مــثـــيـــل= يـــــشــــــره الله يــــنــــزعــــه
والــحــريــم أبــهـــم طــبــايـــع= فـيــهــن الـتـخـمــيــل ضــايـــع
لـــو بــهــم عــاصــي وطــايـــع= كــــــل الأكـــثــــر مـــنـــدعـــه
الــــنــــصــــاح أيـــبـــيـــنـــنـــه= والـــخـــمـــال إيــدمـــدمـــنـــه
وإن بـــغـــن دربـــــن يــجــنـــه= لــــو عــلــيــهــن مــســبــعــه.
ثـــم فـيــهــن مــــن حـبــيــبــه= رجــلــهــا تــشــهــر بـطــيــبــه
واهــنــي مــنــهــي نـصــيــبــه= لــــــو مــتـــاعـــه ســلـــوعـــه
وإن طـــرش وأبــطــى مــراحــه= أمـــنــــن قــلـــبـــه بــــراحــــه
مـايـطــيــع أهــــل الـقــبــاحــه= والـــجــــهــــل والـــلــــودعــــه
ثـــــم فــيــهـــن شــلــبــديـــه= تـــاكـــل الــطــلــيــان حـــيــــه
والــــــردي مـــاهــــي رديــــــه= مـــيــــر مــــاجــــا تــبــلـــعـــه
رجــلــهــا لــــو جــــاب واجــــد= عــنــدهــا مـــاهـــوب يـــاجـــد
أن سـكـت فـي الـفـقـر سـاجـد= وأن تـــكـــلــــم تـــســـبـــعـــه
ثـــم فـيــهــن مـــن تــحــوفــك= كــنــهـــا تـــفـــرح بــشــوفـــك
وأن تــبــيــن عــــرق جـــوفـــك =بـــيـــن إيــديــهـــا تــمــصــعــه
تـنــصــحــك وهــــي الـــعـــدوه= وأنــــت تـحـســبــهــا حــمـــوه
لاتــــظــــن أبــــهــــا مـــــــروه =حـــبــــل وصـلــك...تــقــطــعــه
لاتـــــقـــــول أن الــــعــــجــــوز= عـــــن طـبــايــعــهــا تـــجــــوز
عـــنـــد طــاريـــهـــن تـــفــــوز= تـــضـــحـــك أم الـــدعـــدعــــه
لـــو تـصــيــر أبــــزي ضــبــعــه= مــالــهــا بـالــعــمــر شــبــعــه
كـــــل مــخــلـــوق وطــبـــعـــه= ضــــايــــع مـــــــن طـــبـــعـــه
ثـــم فـيــهــن مــــن تـعــيــنــك= دايــــم(ن) يــدهـــا بــيــديــنــك
عــنــدهـــا مــامــثـــل زيـــنـــك= لـــــــو عـــلـــيـــك مـــرقـــعـــه
تــفــتــهــم حـــــق الـــرجــــال= عـــنـــد زوجــــــات الـــحــــلال
الـــدقــــاق مــــــع الــــجــــلال= كـــــل شـــــئ أبــمــوضــعـــه
ثـــم فـيــهــن مـــن تــحــلــوى =شـــرهـــا يـــبــــلاك بـــلــــوى
لـــيـــن بــلــحــجـــة تــعـــلـــوا= فـــــي ثـــيـــاب مــطــوعـــه.))
ثـــم فــيــهــن مــــن تــحــبــك =وأقــشــر مــاتــشــوف جــبـــك
وألـحـمــتــهــا لـــــو تــســبـــك= فـــــي جـــســـدك أمــربــعـــه
ان تــكــلــمـــت أفــضــحـــتـــك =وأن تــغــاظــيــت.؟أجــرمــتـــك
ون تـــســـاكـــت نــتـــفـــتـــك= نـــتـــف ريــــــش الــقــوبــعـــه
ثـــــم فــيــهـــن قــشــمــريــه= صـــايــــبــــه ومـــجـــادعـــيـــه
عــنـــد ضــحــكــات الــثــنــيــه= مـــــن يــجــيــهـــا تــلــقــعـــه
الـســفــيــه إلـــيـــا نــظــرهـــا= دايـــمـــن يــلــهـــث بــثــرهـــا
وأن بـــغـــاهــــا مـــاقـــدرهــــا= بـــــس يــلـــهـــث مــدلـــعـــه
ثــــم فــيــهــن مــــن وثـــيـــق= ســدهـــا ســــد(ن) غـــريـــق
مــالــنــا شــدهـــا الــطــريـــق= قــــولــــهــــا مــاتـــطـــلـــعـــه
ســـدهـــا مـــثــــل الأمـــانــــة= عـــنـــد رجـــــال(ن) تــكــانـــه
مــايــهــوجـــس بــالــخــيــانــه= رابــــــح(ن) مـــــــن ودعـــــــه
يـــاعـــيـــالـــي جـــعـــلـــكـــم =يـبــعــث أســمـــي فـعــلــكــم
الــنــصـــاح أطـــيــــب لـــكــــم= والـــــــردا بـــــــه خـــرفـــعــــه
الـضــعــيــف إلــيـــا نــصــاكـــم= لاتـــشـــحـــون بــعـــطـــاكـــم
فـــي رجـــا الله ثـــم رجــاكـــم =كـــــــل مــــاجــــا أقـــنـــعــــه
أفــهــمــوا قـــــول الــمــجـــرب= مـــابـــغـــا وثـــت(ن)يـــطـــرب
بـــاقـــي الــدنـــيـــا تـــخــــرب =مـــاحـــدن تــصــفـــي مـــعـــه
وألــــزم مــاعــلــى الــصــبـــي= طـــاعـــتــــه والــمـــذهـــبـــي
والــصـــلاة عـــلـــى الــنــبـــي= والأمــــــــــور أمـــشـــمـــعــــه

[متيمــــــه]

راكـان




روووعـه القصاائد :)



الله يرحمـه ويسكنه فسيح جنااته




يعطيك الف عااافيه

[ميموزاا]

راكان


مشكور .. والله يعطيك العافيه



كنت افكرها لبديوي الوقداني :)





تحياتي

[سامي الريمان]

السلام عليكم ورحمة الله وبركاته


اخي راكان اعود مجددا لاشكرك


على مجهودك الاكثر من رائع


الذي ان دل يدل على اخلاص شبكة هواجيس للادب



اخي راكان سلمت

http://www.q8lots.net/up/q8lots/q8lots_TJ7St1EAto.jpg

[ملاك الطهر]

راكـــــــان الــعــتــيــبــي




يعطيك العااااافيه على هالمجهود والموضووع الراائع




تحياااااااتي..

[راكان العتيبي]

خالص الشكر لكم اخواني


على هذا المرور الجميل


دمتم بود

اخوكم

راكان العتيبي

[مناور بن هاجد]

بيض الله وجهك على النقل

نتمنى المزيد من قصائد الشاعر بديوي الوقداني رحمة الله عليه




لك تحياتي