سامي الريمان
12-21-2007, 10:04 PM
السلام عليكم ورحمة الله وبركاته
قصيده تتكلم عن نفسها:
بذاك الشارع المظلم سريت وخاطري مكسور=سريت اسأل عن الراحل بعد ماراح وش حاله
سألت الليل والدمعه وذاك المنزل المهجور=ولا جا من يجاوبني سوى ذكراه واطلاله
لياطرولي الراحل نزل دمعي بدون شعور=عشانه عن قدر غيره بصدري قدره لحاله
وكل انسان له حكمه وكل انسان له منظور=وكلن انسان له شي(ن) عليه يعلق اماله
وانا عندي امل اني ابى القى صاحبي مسرور=بــــــ(طوبى) ويتحراني واجيله واجلس اقباله
اجي واجلس مع الصاحب ونسهر مع بنات((ن))حور=واجي واشرح له احوالي وهو يشرحلي احواله
عسى ذنب الصديق اللي عشقت امواجهه مغفور=وعسى تشفع له ايام الكفاح المر واعماله
وانا من بادي الدنيا اخوه الوافي المذكور =اخوه وصاحب ايامه وابن عمه وابن خاله
عسى ربي يصبرني على فرقاه يامنصور=وعسى ربن خلق غازي ؛خلق ناس(ن) من امثاله
بنفس الشارع المظلم ونفس الخاطر المكسور=نزل طيفه يكلمني بقول(ن) صاحبي قاله
نزل طيفه يكلمني ومن وجهه يشع النور= يقول اصبر ولاتحزن رفيقك طيب(ن) فاله
يبى ربي يسهلها وتلقى صاحبك مسرور=تجيه وهو يصوت لك و((يبقالك وتبقاله))*
عقب ربي شرح بالي سريت وخاطري مجبور=واهل الدمع من فرحه؛ مهب من حزن(ن) اشتاله
*:البقا هنا بمعنى حياة الخلد بإذن الله تعالى اي حياه بلا فراق.
((لها بقيه احتفظت بها لنفسي))
وسلامتكم
قصيده تتكلم عن نفسها:
بذاك الشارع المظلم سريت وخاطري مكسور=سريت اسأل عن الراحل بعد ماراح وش حاله
سألت الليل والدمعه وذاك المنزل المهجور=ولا جا من يجاوبني سوى ذكراه واطلاله
لياطرولي الراحل نزل دمعي بدون شعور=عشانه عن قدر غيره بصدري قدره لحاله
وكل انسان له حكمه وكل انسان له منظور=وكلن انسان له شي(ن) عليه يعلق اماله
وانا عندي امل اني ابى القى صاحبي مسرور=بــــــ(طوبى) ويتحراني واجيله واجلس اقباله
اجي واجلس مع الصاحب ونسهر مع بنات((ن))حور=واجي واشرح له احوالي وهو يشرحلي احواله
عسى ذنب الصديق اللي عشقت امواجهه مغفور=وعسى تشفع له ايام الكفاح المر واعماله
وانا من بادي الدنيا اخوه الوافي المذكور =اخوه وصاحب ايامه وابن عمه وابن خاله
عسى ربي يصبرني على فرقاه يامنصور=وعسى ربن خلق غازي ؛خلق ناس(ن) من امثاله
بنفس الشارع المظلم ونفس الخاطر المكسور=نزل طيفه يكلمني بقول(ن) صاحبي قاله
نزل طيفه يكلمني ومن وجهه يشع النور= يقول اصبر ولاتحزن رفيقك طيب(ن) فاله
يبى ربي يسهلها وتلقى صاحبك مسرور=تجيه وهو يصوت لك و((يبقالك وتبقاله))*
عقب ربي شرح بالي سريت وخاطري مجبور=واهل الدمع من فرحه؛ مهب من حزن(ن) اشتاله
*:البقا هنا بمعنى حياة الخلد بإذن الله تعالى اي حياه بلا فراق.
((لها بقيه احتفظت بها لنفسي))
وسلامتكم