يا محلا الفنجال مع سيحة البال

[ღ ليـالـي ღ]

السلام عليكم ورحمة الله وبركاته

شلونكم عساكم بخير

وشلون البرد معاكم

عاد تصدقون للحين والبرد ما جا :D

يعني يوم برد يوم دفا :p

<<< عسى ما شر :D

لا صدقا صدقا

صراحه انا زرت دكـــه ابو راكان وما حبيت ادخل ويديني فاضيه :cool:

عاد اخذت معي قهوه وتمر

(( ادري بتقولون وين الموضوع الحين ... لا تخافون الموضوع جاي بالطريق )) :D

المهم عاد وانا افرفر بها النت وادر صور للقهوه ومو اي قهوه طبعا القهوه العربيه الاصيله

:cool:

صراحه عاد ريحة البن والهيل عن ريحة عطووور فرنسا كله :D

وما اعتقد ان مافي احد ما يحبها

<< اقول اخلصي وهاتي موضوعك :o

<< للحين ما بتدا الموضوع :eek:


لا تخافون الحين اقولكم موضوعي :p
****
موضوعي اليوم اخواني واخواتي عن القهوه العربيه وما قيل عنها من اشعار وشلون يسونها وكيف طريقة عملها :D

***

تقهو واسمع وش يقول الشاعر ( راكــــان بن فلاح )

يامحلا الفنجال مع سيحة البال
في مجلساً مافيه نفساً ثقيلـه

هذا ولدعمً وهـذا ولـد خـال
وهذا رفيقـاً مالقينـا مثيلـه



ويقول الشاعر محمد بن عبدالعزيز القحطاني وهو يوصي ولده


يابو محمد شب واقضب مكاني
في غيبتي قهو الرجال المشاكيل

وفل الحجاج لكل من جاك عاني
وابدا التحيه قبل سوق الفناجيل


ويقول خلف بن هذال شاعر عتيبه


سوولي الكيف وارهو لي من الدله
البن الأشقر يداوي الراس فنجالـه

كيف لنا نحرقـه بالنـار وانزلـه
واليا انقطع لو ورى صنعاء عنيناله

****

القهوة العربية كانت علماً على الكرم والرجولة والطيب في تاريخ الآباء والأجداد ولها مكانه عاليه عند العرب وهي رمز للكرم والضيافه
ومدحوا كثيراً من الكرماء الذين عرفوا بالكرم (وقهاويهم ) نسبة إلى القهوة
وكانت النار لاتسمد بل كانت مشتعلة طوال الوقت (والدلال) على و جانب النار

<< متخيله الوضع :D

عاد تكون القهوه ع النار ولا الحطب لين ما يتسوي البن وبعدها ينطحن ويضاف للماء المغلي
ومعاها الهيل والزعفران

بس صدقوني الهيل لحاله احسن :D

http://www.q8lots.net/up/q8lots/q8lots_JjbEyU2x0A.jpg

وطبعا كلنا نعرف ان صب القهوه لها طريقه تعبر عن الاحترام وتوجيب الضيوف


واللي يصب القهوه يكون واقف ويمسك الدله بيده اليسار والفنجان بيده اليمين

ويعطيه القهوه ويقوله ســم .. وطبعا يبدا بصبها للأكبر سناً ولا يجلس الا اذا شربوا االضيوف وتقهووا

يعني يكون طول الوقت واقف ولا يجلس :(

http://www.q8lots.net/up/q8lots/q8lots_sfkq3PKfW.jpg

وطبعا يكون معاه تمر او رطب او حلا :D

http://www.q8lots.net/up/q8lots/q8lots_8OgDTAgWY.jpg

وطبعا في عاده انه الضيف اذا هز الفنجان بيده انه اكتفى من القهوه بس من كرم المضيف انه يصب القهوه لضيفووف حتى لو اكتفوا

وسلامتكم ادري اني طولت عليكم وانا اهذري بس صراحه حبيت يكون هالموضوع في هالمنتدى الرائــــع

ون شاءالله يعجبكم موضوعي :rolleyes:

تيحاتي لكم

http://www.q8lots.net/up/q8lots/q8lots_COSmgcGxu3.jpg

[فرح دنيتك]

ليـالي

<< تشم ريحة الهيل طالعة من الجهاز ههههههااي


وهـ بس يالبى القهوهـ

تسلمين ع الموضوع الحلوووووووووووووووووووووو

بس عندي تعقيب صغير :D


^^^
وطبعا في عاده انه الضيف اذا هز الفنجان بيده انه اكتفى من القهوه بس من كرم المضيف انه يصب القهوه لضيفووف حتى لو اكتفوا

^^^

طيب لو كان الضيف عصبي وقافله معه وانا لزمت عليه يشرب وهاوشني ورمى الفنجان

بوجهي خخخخخخ

شسوي وقتها :D

والله لأبكي خخخخخخخخخخخخخ


تحياتووو

[ღ ليـالـي ღ]

هلا فروحه

ترا ما جبت ها الموضوع الا ادري فيك تحبين القهوه :D

وبعدين اذا هز الرجال فنجاله خلاص مو بلازم تلزمين عليه علشان لا تبكين

<< تدري انها صارت فيك ههههههههههههههه

اسعدني مرورك يالغلا

[سعد العصيمي]

وعليكم السلام ورحمة الله وبركاته


الاخت ليالي


لاهنتي على هالقهوووووووووه الزينه والرطب


<<< شهيتيناااا الله يهديك



هههههههههه



تحياتي لك

اخوك//

[ღ ليـالـي ღ]

هلا والله سعد


اسعدني تواجدك يالغلا

[(حايره)]

وما اعتقد ان مافي احد ما يحبها

http://www.q8lots.net/up/q8lots/q8lots_COSmgcGxu3.jpg

<<<< أول وحده ماتحب القهوه :mad:

عن نفسي صراحة ولا حتى أفكّر أني أذوقها

حياتنا خلقه مرّه بعد نشرب قهوه مرّه هههههههههههه



ليالي

أسمحي ليّ راح أضيف بعض المعلومات اللي قرأتها عن القهوه :

القهوة العربية خفيفة عند بعض العرب و غامقة عند البعض الآخر
وهي مرّة ليس فيها سكر أبدا ويضاف لها الهيل

كلمة coffee بالانجليزية مشتقة من الكلمة العربية قهوة

وكانت كلمة قهوة قد حرفت باللغة التركية إلى كافيه kabveba

واشتق منها الاسم الفرنسي والايطالي cafea

والالماني kaffeea


وبما أن القهوة هي وسيلة التكريم الأولى في المجالس العربية فقد جرت العادة
عند قبائل العرب أن أول ما يقدم للضيف هي القهوة لما لهذا الضيف من احترام
وتقدير كبيرين ومن العادات الغالبة في هذا الشأن أن الضيف عادة ما يتناول ثلاثة
فناجيل كحد أدنى وهذه الفناجيل الثلاثة لها مسميات عند أهل البادية ولها مفاهيم
ودلالات معروفة حيث قسمت فناجيل القهوة إلى ثلاثة أنواع

فنجال الضيف - فنجال السيف - فنجال الكيف

فالأول : فنجال الضيف وهو تكريم للضيف كما أنه بمثابة العيش والملح

والثاني : فنجال السيف وهو يعتبر عهدا بالدفاع المشترك بين المعزب والضيف
أي أن الضيف الذي يشربه ملزم بالدفاع عن بيت مضيفه

والثالث : فنجال الكيف والتذوق أي أن القهوة قد طابت للضيف لأن البدو يتحاشون أي
انتقاد للقهوة ويحرصون على التفنن في طريقة اعدادها ومذاقها لتطيب لشاربها




يعطيك العافيه ليالي

لكِ أرق تحية

[ღ ليـالـي ღ]

حاايره


ما تحبين القهوه :eek:



تعالي عندي بس لا خليك تشربيها غصب :D


اسعدني مروورك


وشاكره لك على ها الاضافات عزيزتي

[خالد العازمي]

ليالي



موضوع راائع جداً :)



ولاهانت حايره على اضافاتها


:(

بعد الصورة ذي ماعندي رد

http://www.q8lots.net/up/q8lots/q8lots_sfkq3PKfW.jpg

خلوني هنا وأتركوني :confused:



لاهنتي خيتوو


/

أخوك

[ღ ليـالـي ღ]

هلا خلًوووود

اسعدني مروورك وتواجدك


وتقهويك من قهوتي :D

حياك يالغلا