سامي الريمان
11-22-2007, 07:59 PM
السلام عليكم ورحمة الله وبركاته
رحال
لاهانت العشره على بعض الاشكال=وهانت على بعض الوجيه ....الصداقه
وبانت نوايا السو.... بصدور الانذال=وبان المنافق وش يبى من نفاقه
وانقفلت ابواب الصداقه بالاقفال=وخان الرفيق ولا حسب للرفاقه
وراحوا هل الامجاد بيضان الافعال=اللي لنا معهم من اول علاقه
وصد الحبيب اللي له القلب ميال=وعشنا بعد وصله وشفنا فراقه
وخانت ظنوني فالردي يوم يحتال=نذلن خدعني بالحكي واللباقه
وكثرت علوم الناس والقيل والقال=علي .... لو مانيب راعي حماقه
صديت مثل اول وعودت رحال= ادور اللي يستحق الصداقه
نال الزمن فينا يابو زيد مانال= وحنا من اهل المجد واهل العراقه
وهرج العفوش اللي تجره بموال= ماهمني لو دوروا له لحاقه
ولانيب متكدر ومهموم ياخال=اليا طلع هرج الردي عن سياقه
قالوا يقول وقلت حتيش لوقال=كم واحدن جا في لسانه ذلاقه
خلوه ينقدني ليا صار رجال=واذا عرف حد الكلام ونطاقه
وحبي لمحبوبي لذا اليوم مازالولالي على صده وفرقاه طاقه
وغرو(ن) يبى الاخلاص في كل الاحوال= ماهوب غرو(ن) نشتريله بطاقه
لاحارت اقدامي ومريت الاطلال=شفته من اشواقي على كل طاقه
والهرج واجد والحكي نصه اخبال=وبعض الخلايق عاشقينه عشاقه
ودنيا الفنى يامتلف الروح مقيال=مغير فيها وقفت(ن) وانطلاقه
وسلامتكم
رحال
لاهانت العشره على بعض الاشكال=وهانت على بعض الوجيه ....الصداقه
وبانت نوايا السو.... بصدور الانذال=وبان المنافق وش يبى من نفاقه
وانقفلت ابواب الصداقه بالاقفال=وخان الرفيق ولا حسب للرفاقه
وراحوا هل الامجاد بيضان الافعال=اللي لنا معهم من اول علاقه
وصد الحبيب اللي له القلب ميال=وعشنا بعد وصله وشفنا فراقه
وخانت ظنوني فالردي يوم يحتال=نذلن خدعني بالحكي واللباقه
وكثرت علوم الناس والقيل والقال=علي .... لو مانيب راعي حماقه
صديت مثل اول وعودت رحال= ادور اللي يستحق الصداقه
نال الزمن فينا يابو زيد مانال= وحنا من اهل المجد واهل العراقه
وهرج العفوش اللي تجره بموال= ماهمني لو دوروا له لحاقه
ولانيب متكدر ومهموم ياخال=اليا طلع هرج الردي عن سياقه
قالوا يقول وقلت حتيش لوقال=كم واحدن جا في لسانه ذلاقه
خلوه ينقدني ليا صار رجال=واذا عرف حد الكلام ونطاقه
وحبي لمحبوبي لذا اليوم مازالولالي على صده وفرقاه طاقه
وغرو(ن) يبى الاخلاص في كل الاحوال= ماهوب غرو(ن) نشتريله بطاقه
لاحارت اقدامي ومريت الاطلال=شفته من اشواقي على كل طاقه
والهرج واجد والحكي نصه اخبال=وبعض الخلايق عاشقينه عشاقه
ودنيا الفنى يامتلف الروح مقيال=مغير فيها وقفت(ن) وانطلاقه
وسلامتكم