باشة الغيد

[سالم الروقي]

السلام عليكم ورحمة الله وبركاته
ابيات تحكي عن نفسها اهديها للهواويه


ليت الهوى ياباشة الغيد بالكيف =وليت الليالي للهواوي تزيني
ياحيف والله يا أريش العين ياحيف= يامهجتي ياسلوتي نور عيني
تهنا وحنا في المحبة مواليف =واليوم وينك ياحبيبي وويني
مرت علينا ايام غبر وعواصيف = واستفردت بقلوبنا والحنيني
واضحيت انا وياه نسهر على الطيف =وأشواق قلبي يمهم تحتديني
الجادل اللي طلته عندنا ريف = وفي حضرته كل الهنا يحتديني
ولأجله رقيت بعاليات المشاريف = وبيّحت من فرقاه خافي حنيني
أبيات شعري في حبيبي معاسيف = وتناشد المجمول ترف اليميني
ولا لي عليها في قصيدي معاريف = ألا انها لأبيات شعري معيني
ولالي جدا ياكود كثر التحاسيف = من يوم حال الوقت بينه وبيني
ولوني بأوصف يعجزن التواصيف = لكن ختام القول ربي يعيني

وسلامتكم : اخوكم معطاب ((سالم الروقي ))

[سعد العصيمي]

الاخ الشاعر سالم الروقي




والله وسبعة انعام



وصح لسانك

القصيده اخذتنا من المنتدى ورقتنا معك عالي المشاريف



لله درررك



كتبت مافي قلوبنا



بصراحه ادون اعجابي بهذا القلم



ولاتحرمنا من الابداع




تقبل تحيات اخوك



سعد العصيمي

[سالم الروقي]

حياك الله ياسعد

تواجدك واطرائك شرف بحد ذاته

سلمت ودمت على المرور والتواجد العطر

والغزل كثير لكن والله اني مستحي من شايبنا ابن عبود لايشره علينا يالشباب

لكن ان شاء الله نقدم مايحصد على اعجاب المتذوق ويلامس معاناة الشباب الهواويه ويقنع

الشياب اللي قفى شبابهم بمانطرح (( ههههههههه مجرد ممازحه لاابو سامي ))

[(حايره)]

الله الله عليك يا معطاب

أشتقنا لبوحك وهمساتك

لا تُطيل الغياب


ألف ألف صح لسانك

ولا هنت

[سالم الروقي]

حايره :

صح الله بدنك

وسلمتي على المرور العطر

[ملاك الطهر]

ولالي جدا ياكود كثـر التحاسيـف
من يوم حال الوقت بينـه وبينـي
ولوني بأوصف يعجزن التواصيـف
لكن ختـام القـول ربـي يعينـي




مـــــعــــــطـــــــــاب



صح لسااااااانكـ ولا هنت على هالقصيدة الراااااائعـهـ


وبإنتظاااااار جديدكـ الأروع




تحيااااااتي..

[سامي الريمان]

من طول الغيبات جاب الغنايم


صح السانك
ولاهنت بيض الله وجهك على هالقصيده الجزله

ولالي عليها في قصيدي معاريف

الشطر ذا عن قصيده



تحياتي

[راكان العتيبي]

اخوي سالم

انت قلت هذه اهداء الى كل الهواويه

ابشرك الشعب كله هواوي

لاتخاف فانت انت تغزلة ولا افتخرت او مدحت مبدع لله درك

غبت وعدت والعود احمد لله درك

صح لسانك لين ترضى


اخوك


راكان العتيبي

[محمد بن عبود]

لاتخاف يامعطاب


الا زود لنا من الغزل

والغزل من اهم اغراض الشعر وانا ارى في وقتنا الحاضر

انه من يثبت نفسه فالغزل هو شاعر متمكن

لانه قل من يكتب حكمه وقد تبرز من بينهم وقل من يكتب فخر وقد تبرز من بينهم

ولك كثير من يكتبون فالغزل وان تبرز من بينهم هي مهمه صعبه


بالتوفيق يامعطاب واعتقدسيكون لك بصمه قويه في هواجيس


محمد بن عبود بن ريمان

[خالد العازمي]

معطاب



ياهلا ومسهلا




صح لساانك يالغالي




افتقدناك هالفترة




سلمت يمينك على هذا الجمال



ولا تطيل علينا بمشاكراتك الرائعه



ألف تحيه لك


/



أخوك

[متيمــــــه]

ولوني بأوصف يعجزن التواصيـف..لكن ختـام القـول ربـي يعينـي


ونعمـ باللـه




معطـاب


روووعه .. رووووعه القصيدهـ



صح لسااانكـ يارب



ويعطيكـ ألف عافيهـ