راكان العتيبي
11-09-2007, 11:16 PM
بسم الله الرحمن الرحيم
السلام عليكم ورحمة الله وبركاته
اخواني هذه من اروع القصص التي سمعتها في حياتي ولكن اسمحو لي ابي اكتب لكم القصه بالهجه (العاميه)
القصه ياخوان عن الصداقه:
كان فيه شايب يبلغ من العمر مايقارب الستين وعنده ولد بمعنى الكلمه سربوت (داشر)كان الولد دايم مايرجع للبيت الا الفجر واذا قاله ابوه من وينك جاي قال من عند اصحابي استمر الولد على نفس الوضع وبدا يتضايق الشايب وغير طريقة المعامله مع الولد صار اذا جا الولد الفجر قال ابوه من وينك جاي قال الولد من عند اصحابي قام الشايب يسب ذولي ماهوب اصحاب ذولي دشير والله ماعندكم الا الضاعه فكر الولد كيف يقنع ابوه ان اصحابه من خيرت الناس ومافيهم اي عيب قال افضل حل اني اعارض الصياح بصياح ومن ذاك اليوم والشايب يسب اصحاب الولد والولد يسب اصحاب الشايب الشايب يقول اصحابك دشير والولد يقول اصحابك مخرفين ماعندكم غار فلان فيه وفلان باع الغنم وفلان شرا فكر الشايب في طريقه ثانيه ولقا الحل
وفي يوم من الايام جا الشايب للولد وقال رح وانا ابوك شل افراشي وفراشك عندنا مشوار نفذ الطلب الولد بدون تردد وركبو السياره قال الشايب لولده ودني الى اعز اصحابك الصاحب الي ما توقع منه الا كل خير قال الولد اعز واغلى صحابي نايف راحو لبيت نايف وقال الشايب للولد انزل وطق الباب وقل لنايف انك ذبحة لك رجال واخوانه يدورونك والحكومه تدورك
نزل الولد بفراشه ودق الباب وفتح له نايف
الولد:سلام عليكم يانايف
نايف:عليكم السلام يالله حيه اقلط شرفتنا
الولد:نايف تكفى انا في ورطه وابي فزعتك تكفى ياخويي تكفى يالي اكثر من اخ
نايف:ابشر بعزك لاتقول تكفى انت اغلا من اخوي امر وش بغية بس قلي
الولد:نايف انا ذبحت لي رجال واهله يدوروني والحكومه تدورني وانا في وجهك
نايف :هاه انت مجنون ابك ذولي حكومه مباحث وشرطه والله ليجيبونك ويعتبروني متستر على مجرم ياولد رح سلم نفسك اهل الميت لايذبحونك روح بسرعه
وسكر الباب واندهش الولد
ورجع لابوه وهو في خيبة امل والشايب كان متوقع هذا الشي ركب الولد وقال ابوه يمكن نايف ماهو ذاك الصاحب وين بيت صاحبك الثاني
قال الولد مالها الا خالد خالد رجال من ضهر رجال واتجهو الى منزل خالد وكان نفس نايف وصاب الولد خيبة امل قال له الشايب الان جا دوري وابي اروح لبيت مزيد واهو اعز واشهم اصحابي
نزل الشايب الى بيت مزيد وطرق الباب وفتح الباب مزيد
الشايب:السلام عليكم ورحمة الله وبركاته
مزيد:وعليكم السلام يالله حيه هلا والله ومرحبا
الشايب يرمي شماغه على مزيد:تكفى يامزيد انا زابنك
مزيد يندهش:امر وصلت وطلبك جاك وانا ماعرفته والله لتبشر
الشايب:انا ذبحة لي رجال واهله والحكومه تدورني وابيك تزبني عنهم
مزيد:اقلط حياك الله والله محد ياصلك الا بعد موتي مادمة حي تراك حي ولاتخاف اقلط بس وقلي قصتك كامله وماعليك منهم الي يبيك لازم يذبحني قبلك
وذهب الى الاخر وجد نفس الرد وافضل ثم سال الشايب ابنه هاه وش رايك
قال الولد فعلا كنت غلطان واعزم بكره اخوياك كلهم احب روسهم ومن اليوم اعتبرني واحد من اخوياك
هنا انتهت القصه
قصه رويتها لكم وكان يرويها لي والدي في الماضي وحفضتها كامله لجمالها
اتمنى انها امتعتكم
اخوكم
راكان العتيبي
السلام عليكم ورحمة الله وبركاته
اخواني هذه من اروع القصص التي سمعتها في حياتي ولكن اسمحو لي ابي اكتب لكم القصه بالهجه (العاميه)
القصه ياخوان عن الصداقه:
كان فيه شايب يبلغ من العمر مايقارب الستين وعنده ولد بمعنى الكلمه سربوت (داشر)كان الولد دايم مايرجع للبيت الا الفجر واذا قاله ابوه من وينك جاي قال من عند اصحابي استمر الولد على نفس الوضع وبدا يتضايق الشايب وغير طريقة المعامله مع الولد صار اذا جا الولد الفجر قال ابوه من وينك جاي قال الولد من عند اصحابي قام الشايب يسب ذولي ماهوب اصحاب ذولي دشير والله ماعندكم الا الضاعه فكر الولد كيف يقنع ابوه ان اصحابه من خيرت الناس ومافيهم اي عيب قال افضل حل اني اعارض الصياح بصياح ومن ذاك اليوم والشايب يسب اصحاب الولد والولد يسب اصحاب الشايب الشايب يقول اصحابك دشير والولد يقول اصحابك مخرفين ماعندكم غار فلان فيه وفلان باع الغنم وفلان شرا فكر الشايب في طريقه ثانيه ولقا الحل
وفي يوم من الايام جا الشايب للولد وقال رح وانا ابوك شل افراشي وفراشك عندنا مشوار نفذ الطلب الولد بدون تردد وركبو السياره قال الشايب لولده ودني الى اعز اصحابك الصاحب الي ما توقع منه الا كل خير قال الولد اعز واغلى صحابي نايف راحو لبيت نايف وقال الشايب للولد انزل وطق الباب وقل لنايف انك ذبحة لك رجال واخوانه يدورونك والحكومه تدورك
نزل الولد بفراشه ودق الباب وفتح له نايف
الولد:سلام عليكم يانايف
نايف:عليكم السلام يالله حيه اقلط شرفتنا
الولد:نايف تكفى انا في ورطه وابي فزعتك تكفى ياخويي تكفى يالي اكثر من اخ
نايف:ابشر بعزك لاتقول تكفى انت اغلا من اخوي امر وش بغية بس قلي
الولد:نايف انا ذبحت لي رجال واهله يدوروني والحكومه تدورني وانا في وجهك
نايف :هاه انت مجنون ابك ذولي حكومه مباحث وشرطه والله ليجيبونك ويعتبروني متستر على مجرم ياولد رح سلم نفسك اهل الميت لايذبحونك روح بسرعه
وسكر الباب واندهش الولد
ورجع لابوه وهو في خيبة امل والشايب كان متوقع هذا الشي ركب الولد وقال ابوه يمكن نايف ماهو ذاك الصاحب وين بيت صاحبك الثاني
قال الولد مالها الا خالد خالد رجال من ضهر رجال واتجهو الى منزل خالد وكان نفس نايف وصاب الولد خيبة امل قال له الشايب الان جا دوري وابي اروح لبيت مزيد واهو اعز واشهم اصحابي
نزل الشايب الى بيت مزيد وطرق الباب وفتح الباب مزيد
الشايب:السلام عليكم ورحمة الله وبركاته
مزيد:وعليكم السلام يالله حيه هلا والله ومرحبا
الشايب يرمي شماغه على مزيد:تكفى يامزيد انا زابنك
مزيد يندهش:امر وصلت وطلبك جاك وانا ماعرفته والله لتبشر
الشايب:انا ذبحة لي رجال واهله والحكومه تدورني وابيك تزبني عنهم
مزيد:اقلط حياك الله والله محد ياصلك الا بعد موتي مادمة حي تراك حي ولاتخاف اقلط بس وقلي قصتك كامله وماعليك منهم الي يبيك لازم يذبحني قبلك
وذهب الى الاخر وجد نفس الرد وافضل ثم سال الشايب ابنه هاه وش رايك
قال الولد فعلا كنت غلطان واعزم بكره اخوياك كلهم احب روسهم ومن اليوم اعتبرني واحد من اخوياك
هنا انتهت القصه
قصه رويتها لكم وكان يرويها لي والدي في الماضي وحفضتها كامله لجمالها
اتمنى انها امتعتكم
اخوكم
راكان العتيبي