لو اخوي يشيش قدامي والله لا كسر رقبته واللي فيه خير يناقشني

[العنيده]

الســــلام عليكــــم


كيفكـــو ياحلوين ...؟؟؟,,,



السالفه ومافيها ياطويلين العمر اني ذاكـ اليوم


انا وصديقتي نسولف


وحنا في اوج اندماجنا في السالفه الا وتقولي وراكان كان عندي يشيش<<<<راكان اخوها


انا توقعت اني سمعت غلط احاول استوعب

قلت نعم وش كلن يسوي قالت كان يشيش


وهي عندها الوضع ايزي يوم قمت اناقشها قالت عادي يعني انتي اخوانك مايدخنون


قلت اعرف انهم يدخنون لكن من ورانا من بعيد


اما شيشه وفي البيت خــــــير


وربــــي انه .... والله لو انه اخوي لكسر رقبته

يجاهر بالمعصيه .........


بذمـــه قولولي وش رايكم فيه يشيش او يدخن عند اهله؟؟؟؟؟



اتمنــــى اجد من يناقشني وليسى من يشكــرني

[سلطان العتيبي]

عادي ما فيها شي

وش الخلل يعني يدخن فالبيت ولا يشيش

اشوف ان مافيها شي

[العنيده]

سلطان ..

عااااااااااااااااااااااادي ..

الظاهر ماجربت كسسسسر الرقبه ..غ1

على العموم مافيه شي اسمه عادي بعدين تعال على اي اساس تقول عادي هااااه ..

وش فايدته ..

1_يعصي الله ..( قال تعالى ) [ولا تلقوا باأيديكم الى التهلكه ]

2_يغضب والدينه ..لان الاب مايرضى والأم تشيل همك .. ليش ليش ليش ؟؟عشان شي مايسوى ..

3_ ريحتك مقرفه ومقززه وشفايفك سود .. ووجهك يحوم الكبد ..ااااف

4_الناس يتأذون منك ومن ريحتك ومن كحتك المزعجه في أخر الليل ..

5_ وبعض الناس مايوافقون يزوجون بنتهم مدخن ..صح ..

بعيدين ..

الــــــدخــــــــــــان مـا يزيد الرجال بالعكس ينقص منه ..
والـــــدخــــــــــان ..
مافيه رجــــــــــــــولـــــــــــــــــــــه ..:h69:

ياليت يعجبك الرد ..

لا خلاولاعدم

[بندر البرقاوي]

بذمـــه قولولي وش رايكم فيه يشيش او يدخن عند اهله؟؟؟؟؟



انا لا اوافق على الي يدخن فالبيت ولا حتى يشيش


اول شي ما يضر نفسه بالعكس يضر غيره لان الجاليس يتضرر اكثر من الي يدخن



وثاني شي البر الوالدين واحترام وتقدير لهم



وثالث شي اذا هو كان متزوج وله ابناء يتطبعون على تصرفات الاب او اخوانه الصغار



وسلامتك

[متيمــــــه]

وعليكم السلام والرحمه والبركة



العنيده .. روقي :)




سؤال وبرجعلك


هذا اللي تبين تكسرين رقبته


كم عمره ..؟!




أتمنى يوصلك المغزى


ثم برجعلك ان الله كتب

[راكان العتيبي]

الأخطاء في البيت لاتعد ولا تحصى


ولو ضرب الأخ لأنه دخن او شيش في اليت

النتيجة معروفة راح يلجأ لشارع

انا ارى ان الضرب ليس حل أبدا لأنه ماقتنع بذنبة

والذنب واحد سواء في اليت او خارج البيت الرب واحد

أرى ان النصح والدعاء له واقناعة بخطورة مايفعل اولا من الضرب

هذا ان كان أخ لان دائما مايكبر الاختلاف بين الاخوان

اما ان كان أبن فأرى ان الضرب قد يسمح به لكن بشرط استخدام اكثر من وسيلة عقاب لردعة

سواء كان التدخين في المنزل او خارج المنزل

[سلطان العتيبي]

يادافع البلا يا بنتي انتي وش تقولين




يابنتي هدي اعصابك وش فيك ناويه على الشر

اذا ما اعجبك ردي طنشيني ترى التطنيش اقوى من ردك ذا

المهم انا ماكنت اشيش فالبيت لكن ابي اشيش فالبيت وادخن بعد <<<<<هذه الجمله هي ردة فعل اي شخص اردتي نصحه ولكن حصلت النتايج عكسيه


امحق نصوحه بعدين تعالي فيه أباااء تابو من التدخين والشيشه وامور اكبر من كذا على يدين ابنائهم يعني ما اعدو ابنائهم يعني ايش يعني الهدايه من الله

يا بنتي يابنتي لو هي على التدخين وجاي كان الحمد لله المشكله اني اشوف اشياء خلتني استسهل التدخين والشيشه اللله يحفضك

(وبعدين رد محرج اذا تبين الصدق بس لو سلمتي من كسر الرقبه كان تركت التدخين على شان ردك )

[ملاك الطهر]

ألحين ليش كل هالعصبيه ؟
وكسر رقبه مره وحده :h9:
عمر الضرب وأستخدام القوة ماكانت رادع بالعكس تخلي المخطئ
يزيد عنااده ,, وبعدين لو فرضاً خاف منك وماسوى الغلط قدامكم
أكيد راح يسويه من وراكم ,,
يعني النصيحه ومحاولة الإقناع أفضل ,, وحاولي تكسبين ثقته فيك :)
وبالنسبه لسؤال تيومه ,, أنا أشوف أنه مهما كان عمره الضرب ماراح
يكون رادع له وسواء كان أبن أو أخ ...... وبس :)


تحياااتي ..

[العنيده]

طيب مافيه كسر رقبه .. ارتحتوااا:h17:
بس بعض الناس مايفهمون ان هذا الشي يضرهم وكنهم يبون يوصلون لك (جاملني أجاملك..صارحني أحتقرك)
واللي يسمع لنصيحتك يقول ادعلي بالهدايه ..وبعضهم يقول بعدين بعدين بتركه ..
ياأخواني وياخواتي والله لو ؟؟ ترك الدخان من اجل غرض!! دنيوي كان تركوه..
بس يتركونه لوجه الله لا المسأله صعبه صح ..

أشكر كل من رد على مشاركتي وكلكم على العين والراس ..
بس الوالد الله يطول بعمره يقول ( وانا ابوك اللي يسوى غلط ومايسمع كلامك أكسري أرقبته)
أبشرررررررررررر وأنا بنتك ..:h9:

تيومه اش ماكان يكون عمره أنتي ماتعرفيني اذا عصبت غ1غ1غ1ههههههه

أخ سلطان أسفه اذاكان ردي ضايقك وأنت محشوم ومالك الا المعزه والكرامه بس فيه دراسه طبيه أثبتت
أن التدخين في سن مبكر يسبب العقم بنسبة40%
يعني والله مايسوى عليك تنحرم من الاطفال بسبب شي تافه ..

لا خلا ولا عدم ..

[متيمــــــه]

[

وبالنسبه لسؤال تيومه ,, أنا أشوف أنه مهما كان عمره الضرب ماراح
يكون رادع له وسواء كان أبن أو أخ ...... وبس :)


تحياااتي ..

السؤال كان موجة لعنيده ض5


ههههه ق2


يالغلا ماكان هذا المغزى من السؤال : ) و3

[متيمــــــه]

العنيدة .. قبل ما ابدأ بس انبهك لـ شغلة واللي فهمتها من موضوعك وردك ع الأخ سلطان ’



الــــــدخــــــــــــان مـا يزيد الرجال بالعكس ينقص منه ..
والـــــدخــــــــــان ..
مافيه رجــــــــــــــولـــــــــــــــــــــه


v


لو اخوي يشيش قدامي والله لا كسر رقبته



وضح وش قصدي من مسألة العمر ..؟


طبعاً لو شخص كبير .. معناها مايشرب الدخان عشان يثبت رجولته ,

لكن غالباً شخص مراهق .. بيشرب لهالسبب اللي أنتي ذكريته .


يثبت رجولته >> أكسر رقبته ..؟ !


أتمنى وصل لك المغزى ,

\


نجي للموضوع الأساسي


إنتي كل إنفعالك إنه يدّخن بالبيت .؟ والدليل تقولين أخوانك يدخنون بس بعيد


شايفة وين وصلنا .. صار عادي يدّخن بس مو قدامنا

مثل أشياء كثيره بأصلها مُنكرة أو محرمة .. وصرنا ماننفعل إذا سمعنا عنها أهم شئ مو أمامنا ..!



عموماً .. من واقع إخوان مدخنين .. بـ مختلف الأعمار


المسألة ترجع بدايتها إلى ..

تجربة أو تقليد أو في حالات نادرة إثبات شخصية ( رجولة ولو أنني لا أحب أن أصفها كذلك : ( )



البعض يجرّب فقط مثل أشياء كثير بهالمرحلة يعملونها كـ تجربة لاغير مو حب للشئ أو رغبة فيه ,

البعض يكون تقليد للأخ الأكبر أو الوالد أو الأصدقاء ( تأثير )

والبعض يكون فرض شخصية " خصوصاً إذا كان بالبيت أحد يقولة لاسويت كذا أكسر رقبتك *_^ "



بالأخير

يُصبح الأمر عادة .. ممكن في بعض الحالات يتحوّل إلى إدمان



الحل


لا أملك سوى الدعاء ومحاولة التأثير عليهم بواسطة القصص والحوادث

صور نهايات مدخنين ... الخ




تسلمييين ع الموضوع



ومرة ثانية اشربي كأس ليمون قبل تنزلين موضوع : )



و3

[سلطان العتيبي]

الدخان على جنب والرجوله على جنب

مير فكونا من الجدال اللي لا يؤدي الى نتيجه

[سعد الخماش]

عسى ربي .. يعطيهم .. حريمته ..

لاكن ما اشوف احد تفاعل .. من المدخنين ..

[العنيده]

سعد الخماش الله يسمع منك ياخوي ..

شرفني مرورك الكريم وردك الطيب ..

لاخلا ولاعدم ..

[خالد العازمي]

أنا أشوف انكم تسببتوا بمشكله من لا مشكلة :)


غيّر طبيعة .. لا تغيّر لك عرب :)



وفيه مقوله تقول : كلٍ بعقله راضي .. ولا بماله لا


وعلى فكرة بعد أصابع اليد تختلف


العنيده رد فعل طبيعيه .. يعطيك العافيه

تحياتي لك

/
أخوك

[العنيده]

شاكره مرورك الطيب اخوي خالد العازمي ..

[متيمــــــه]

أنا أشوف انكم تسببتوا بمشكله من لا مشكلة :)



لا مشكلة .. ياخالد ..!!


المملكة تحتل المرتبة الرابعة عالمياً في إستهلاك التبغ .

13 مليون مدخن فى المملكه، يمثلون نسبة 21% من عدد السكان

من بينهم 439 ألف من الأطفال..!!


78 % من حالات اصابة جلطة القلب

70% من حالات اصابة الذبحة الصدرية

68% من حالات اصابة سرطان الرئة

60% من حالات اصابة سرطان الفم


ولازال الوضع في إزياداد ..!


والأسوأ أن الضرر طال حتى غير المدخنين


أظهرت الدراسات الميدانية التي أجرتها منظمات الصحة العامة في اوتاوا وكندا واونتاريو أن التدخين السلبي يزيد من خطر الإصابة بسرطان الثدي قبل سن اليأس ب 14- 119% معتمدا على كمية التعرض للدخان. لذلك فإن زوجات المدخنين هم أكثر عرضة للإصابة بسرطان الثدي نظرا لتعرضهم المتواصل لأبخرة الدخان الصاعدة من أفواه أزواجهم كما ان تعرضها للتدخين في بيئة العمل يعرضها إلى هذا الخطر أيضا.


\





وفيه مقوله تقول : كلٍ بعقله راضي .. ولا بماله لا






ويقول عز وجل : ( وَذَكِّرْ فَإِنَّ الذِّكْرَى تَنفَعُ الْمُؤْمِنِينَ )





\




الله يكرّهكم فيه اليوم قبل بكرة : (

[العنيده]

جعل يومي قبل يومك ياتيومه على هالمعلومات المهمه جداً

ولا خلا ولا عدم منك ياتاج الغلا ..

:h42:

[ديمه]

اذا وصلت للهواش لاوالله مو مهاوشتهم


الهواش مايجيب نتيجه بعدين مو اطفال عشان نهاوشهم

لاكن الله يهديهم ويخليهم لنا عز وذخر




ومانقولغير الله يطول بعمارهم



وافضل شي الدعاء اخر الليل لهم مو الهواش



هذي وجهة نظري وعسى ان تقبلوها