فيصل الرياحي _ رحمه الله ( مطلوب التفاعل )

[مشعل الريمان]

بسم الله الرحمن الرحيم




هذا المتصفّح سنحاول أن نجمع فيه اكبر عدد ممكن من محاورات


http://www.alnadawi.com/images/ryahi/DSCN3340.JPG

الشاعر الكبير فيصل الرياحي رحمه الله



وهذا أقل شي نستطيع أن نعبّر به عن حبنا لـ فيصل الرياحي رحمه الله




والمجال مفتوح للجميع بالمشاركه بأي محاوره أو محاورات لفيصل الرياحي رحمه الله مع شعراء المحاوره



ملاحضه : الردود بمحاورات لفيصل الرياحي رحمه الله فقط ( ومن لايوجد لديه محاوره لفيصل الرياحي

زيارته تكفي عن رده وتعليقه )

[مشعل الريمان]

اول مشاركه لي في هذا المتصفح محاوره


جمعت فيصل الرياحي رحمه الله مع مطلق الثبيتي رحمه الله




مطلق :


يامرحبا في حلتن في ذراها يامن الضيف=في دار ابو خالد عسى الله على عزه يديمه
الشاعر اللي ما يجينا مع المعنى على الكيف=نبا نسوي له قبر بين رابغ والقضيمه


فيصل :


دام البقى لك بالنيابه عن اهل الخيل والسيف=اهل الديار اللي بها الرجل له حشمه وقيمه
ياللي تقول السالفه مايعسرن التواصيف=وانا استعنت بمن يحبس الشياطين الرجيمه


مطلق :


سبحان من خلاك تنزل مع الحربي على السيف =والصحبه اللي بينكم طاريه ماهي قديمه
ان كان واليا انك ولد شيخ وتعرف المعاريف=احرص على صياف واعطه ولو ربع الغنيمه


فيصل :


انا وصياف استلمنا الحرم مع مسجد الخيف=وانته ورى معزاك صوب الشفا سكان خيمه
مادام فيصل حي مابه على فيصل تخااليف=ماعاد احسب حساب دمعتك يالبنت اليتيمه


مطلق :


بكره شجاري حضن تنصاك وتلج الغطاريف=تحسبك صرت اليوم ولد الملك والا رحيمه
لو استرحت مع المعنى وقصرت السواليف=يحماكم الله ما يجيكم خلاف ولا ظليمه


فيصل :


بكره نشب النار بين الحطب والعصف والليف =اما تطب النار والا تقفي بالهزيمه
لا تنكر اللي حرفك في زمان فات تحريف=خلاك تعذر في عتيبه يابو جبهه وسيمه


مطلق :


الله حسبي فوق مفلح واورى فيه واعيف=اخطيت يامفلح وحملتني ذنب البهيمه
كم واحدن فينا يورى وراح من امس ما شيف=كان ادعج العينين واليوم ابو عينن كريمه


فيصل :


الظاهر انك لاتصرف ولا تملك تصاريف=لو كان رمشك هايمن بالقلوب المستهيمه
جتك الجيوش اللي تنزلك من روس المشاريف=تاخذ هروج سمان وترد بهروجن عقيمه


مطلق :


لا واحسوفك يا قليل البصيره بالتحاسيف=يا شاعرن ترقف من الخصم وعظامك سليمه
العين عيت تبرح الدرب من كثر الخطاطيف=من ركب الجنحان والريش في طيورن غشيمه ؟


فيصل :


غدا بك المركب بوسط البحر ماله مجاديف=حتى ايش لو تزعل على الموت وتعزي حليمه
ما عاد تصلح غير في خدمتي شغال تنظيف=لو شرهوا ربعك عليه وصحت من الهضيمه


مطلق :


جاك المطر والريح تحداه ومزونه مراديف=منته بسالم لو خليت للذيب الخريمه
بعض السوالف خلها لا تكلفها تكاليف=البال طاب من التهامي وسمن في يديمه


فيصل :


لو نكسر ضلوع الثبيتي مثل كسر الصفاصيف=ظلى الثبيتي ناسي الله ولا ينسى خصيمه
والله مالك من ورانا يابو زهره معاريف=ماغير تحدانا نسوي على خدك وسيمه

[مشعل الريمان]

وهذه المحاوره جمعت فيصل الرياحي رحمه الله مع مستور العصيمي




فــــــيــــــصـــــــل


سـلام فـي ليلـةٍ مـا مثلهـا فالليـال=يُقطف لها الورد ويخطط لها مـن سنـه
الشعر حكمة وينبع مـن عقـول الرجـال=قالوا هل الميسـرة قلنـا هـل الميمنـه


مــــــســــــتــــــور


يا مرحبا يـا مسلّـم عـدّ وبـل الخيـال=من جاب له سيّـةٍ محـدٍ عطـاه احسنـه
يا فيصل الوقت يمشي مثل مشي الجمـال=واليا لقيت الجمل قـود الجمـل برسنـه


فــــــيــــــصـــــــل


اعيونهـا للجنـوب وقلبـهـا للشـمـال=واللي على بالهـا نعلـم ونـدري عنـه
الرجل ما يامن الدنيـا علـى كـل حـال=والمشكلة كـان جالـه باللسـان الْسنـه


مــــــســــــتــــــور


أحسن لك الشمس والا احسن تجي فالظلال=ترى السبـب منـك يارجـال ماهومنـه
ما ينزل السوق غير اللي معه راس مـال=والبيع والمشترى والربـح مـا يضمنـه


فــــــيــــــصـــــــل


أنا ولد شمس مانـي ولْـد روح وتعـال=وانته رفيقـي لكـنّ السـرّ مـا تخزنـه
اليا نصبنا علمهـا فـوق روس الجبـال=المستحيلـة علينـا ممكـنـه ممكـنـه


مــــــســــــتــــــور


أنته ولد شمس شمس اللي يعقْد الحبـال=لا عـاد فـي تالـي الأيـام تستامـنـه
احسب حسابك ترى ما يضحك الا الخبـال=تفقّد الهرج يـا فيصـل وهـات احسنـه


فــــــيــــــصـــــــل


بعض البنوك افلستْ ما عاد فيهـا ريـال=لا عاد تفرح على الشجعـان هـنّ وهنـه
ياللي تحوّل عروق الكبْد صـوب الطحـال=دكتـور لكـنّ بعـض الدكتـره ملعـنـه


مــــــســــــتــــــور


نارد عدود الروى والحبل فـوق المحـال=واللي يقفّي مـن الأصحـاب مـا نطعنـه
تسأل وان اسأل وجاوبني بقيس السـؤال=واللي يغنـي نغنـي لـه بقيـس الحنـه


فــــــيــــــصـــــــل


ها شب نارك وحط الوسم فـوق الغفـال=والله يعيـن الكريـم بسفرتـه وصحنـه
بيني وبينك مجـادل فالحصـا والرمـال=ما باقيَ الا الهـدى يبغـى لهـا دركنـه


مــــــســــــتــــــور


تبا تدخّل ولا شفـت الـك فيهـا مجـال=واليـا تدخّلـت حطيـنـاك فالمطحـنـه
الله يكـرم عليكـم يـا كـرام السـبـال=امرار تمشي معي وامـرار فيـك احرنـه


فــــــيــــــصـــــــل


أراقب اللي نـزل واللـي يشـد الرحـال=والمطحنه جالهـا بيـن الهنـود ادخنـه
مالـي بدالـك ولا تلقـى بدالـي بــدال=لكنـك اعقـل وخـل الجـنّ والجنجنـه


مــــــســــــتــــــور


حنا نصلي جماعـه وانـت خلـك لحـال=مسلم واصلّـي ولا يوجـد علـيّ الْعنـه
سكّر سموعك ولا تسمـع لقيـل ٍ وقـال=وان صار منك الخطا تدفع عليـه اثمنـه


فــــــيــــــصـــــــل


با قوّم الثـورة الكبـرى علـى الاحتمـال=حتى قلـوب الهنـود يجـي لهـا دندنـه
اليـا مشيـت ابعـدال آبشّـرك بالعـدال=لابدنـا نعـرف الكحّـة مـن الحنحـنـه


مــــــســــــتــــــور


يبـا يطيـر الهـوى بعمامتـك والعقـال=ياللي ثلاثيـن عـام تعيـش بالمسكنـه
ياليتها كـان ماتـت قبـل تخّـر عيـال=وان عطـرت فالهـا بالعـود والمدخنـه

[مشعل الريمان]

وهذه محاوره جمعت فيصل الرياحي رحمه الله مع حبيب العازمي




فيصل الرياحي



يالله طلبتك خير ياعالي الشان يالله طلبتك خير=والليل ياطيبه وياطيب مافيه الليل ياطيبه
ماخننا التعبير والأرض ميدان ماخننا التعبير=والليل يسري به نجوم تحليه والليل يسري به





حبيب العازمي



مع كثرة التكبير مافيه شيطان مع كثرة التكبير=قافٍ تغني به ترانا نغني به قاف تغنيه
هات الخير ياطير والصبح مابان هات الخير ياطير=واللي تجينيه لابدك توديه ولي تجينيه






فيصل الرياحي


من قال جده غير من بد الاوطان من قال جده غير=الطائف ادريبه سقى الله لياليه الطائف ادريبه
الحلم والتفسير ما سارو اخوان الحلم والتفسير=والسر في العيبه ولا نته بلاقيه السر فالعيبه






حبيب العازمي


امواصلين السير لبلاد زهران مواصلين السير=مع راعي الهيبه عسى الله يجيبه مع راعي الهيبه
نيا تدق الزير ونجر الالحان نيا ندق الزير=والسهر مالي به ولاني بمخفيه السر مالي به





فيصل الرياحي


من يملك التدبير لاهان لاهان من يملك التدبير=حرٍ مخاليبه لك الله تعشيه حرٍ مخاليبه
ياطالب التقدير من سيف راكان ياطالب التقدير=تسبق مضاريبه على كف راعيه تسبق مضاريبه




حبيب العازمي


مير انت منته وفسقان ميرعيه مير انت منته مير=مطرقك توحي به وراسك تدربيه مطرقك توحي به
ياللي وردت البير منته بضميان ياللي ورت البير=لاتزعل عتيبه بعلم تسويه ماتزعل عتيبه

[مشعل الريمان]

وهذه المحاوره جمعت فيصل الرياحي رحمه الله مع سلطان الهاجري



سلطان الهاجري


ألا يا سيدي يا جلوي مسّيت بالخير=عدد من حج مكه وصلّى بالمدينه
يقولون الرياحي خليفة سالم الزير=عصب راسه ولوّح على ظهر السفينه


فيصل الرياحي


وألا يا سيدي يا جلوي ما به معاذير=ابن وسام لاحدٍ يجي بيني وبينه
أنا ما ني دركتر كبير بغير جنزير=ثلاث الآف كيلو عدا وزن المكينه


سلطان الهاجري


أنا خابرك عاما تطير امع الطيايير=لكن اليوم دنياك تنعم بالسكينه
أنا ربي خلقني سواة طويق و النير=وعظمك لو أباطاه خليته عجينه


فيصل الرياحي


تجيب العلم بين الحقيقه و الأساطير=لكن الكذب ورعٍ حجاجه تحت عينه
ولا يا ويل سلطان لو يطيح في البير=ما تظهره الهواجر ولا دولة جهينه


سلطان الهاجري


عيونك تالي الليل مثل عيون شامير=بعد راحت على فيصل العيّه غبينه
لا ترطن يا الرياحي على مير وعلى مير=بني هاجر عرب ما يعرفون الرطينه



فيصل الرياحي


ولا يا ثقل رجلك ليا سقنا المظاهير=شوي و نلتفت وين ابن وسام وينه
ليا منك تدربيت في حفرة زمهرير=ومن يتعب على جثتك ربي يعينه

[مشعل الريمان]

وهذه المحاوره جمعت فيصل الرياحي رحمه الله مع حزام العصيمي



حزام


هلا مرحبا ترحيب حشمه وتقدير =على من حضر في الحفل قاصي وداني
وألا يالرياحي يابعيد المشاوير=تقدم على هيبه وشعر ومعاني


فيصل


يدوم البقى من قلب صاحي وتفكير=عن اللي ورا قلبي يترجم لساني
علشان ميراد الوفا والمصادير=ترا المعرفه ياحزام شانك وشاني


حزام


تبين الحقايق في السنين المناحير=ويدريبها الرجلي وراع الحصاني
على المعرفه لازم تسير البوابير =وتبقى على المعروف والعمر فاني


فيصل


عسى خير في الأولى والأخرى عسى خير=وعسى لك مع قضاة المحاكم مكاني
ولابد من كثر العنى والمشاوير=تزور الجدي ولا سهيل اليماني

حزام


لا لا كامل الجنحان ماطرت ياطير=أقوله وأنا شاعر وعارف مكاني
لكن الزمن ياصاحبي فيه تغيير=يحط النياري في محل الجناني


فيصل


كشفناك يانجم السما بالنواضير=وقلنا هذا وأسمه فلان الفلاني
وهالحين حد السيف ياسالم الزير=ولاتنقلب مع وقتك القلباني


حزام


يافيصل ترا معاد فيها معاذير=علي إني اخذ مسهمي مع خواني
الأغصان لو تقرب عليها المناشير=كساها اليباس ولا كساها اللياني


فيصل


يابالك تحدى ملفي الشرس والعير =وتقضي على مستور راع الوحاني
أنا ودي عتيبه يحطونك أمير=عتيبه يني عمك طوال الأيماني


حزام


الأوسط تبي تدرج عليه المقادير=والأثنين سيفي لا دحمني زماني
عتيبه هل الوقفات قوم(ن) مناعير=وانا أسد في نوبي وعندي ضماني



فيصل


تبى تعرف الأسرار لو كان في البير=وخلك بخشم شعيل مثل العناني
أعرفك تغني السامري والمجارير=وبعض العرب لو تزهمه مايداني

[ولد عمهوج]

السلام عليكم ورحمة الله وبركاته
هذه محاورة بين الشاعرين الكبيرين فيصل الرياحي رحمه الله وحبيب العازمي


فيصل الرياحي

ســلام يـاهـل الـديـار الـلـي عليـهـا ســـلام = حامينهـا أهــل السـيـوف الـحـدب حامينـهـا

الـلـيـلـه الـمـلـعـبـه مـاتـعـتــرف بـالـنـظــام = ولـيــا حـضـرنـا نـبــي تـرجــح موازيـنـهـا

حبيب العازمي

يامرحبـا يارجـال(ن) مــن ديــار(ن) كــلام = يازيـنـهـا فـــي لـيــال الـصـيــف يـازيـنـهـا

اللـيـلـه الملـعـبـه تـحـتـاج ربـــط الــحــزام = ولـيــا وقـفـنـا نــبــى نــخــزي شياطـيـنـهـا

فيصل الرياحي

اليـا خلطـت السوالـف مـن حـلال وحــرام = الـكـلـمــة الـثـانـيــه عــنـــدي بـراهـيـنـهــا

ياحبيـب اليـوم خلـك شعـرة(ن) فــي سـنـام = والــبـــدو تـلــقــاك لاشـــــدت بـعـاريـنـهـا

حبيب العازمي

أن جنبت في اللحم وإن وافقت في العضـام = والكـلـمـه الثـانـيـه تـاصـلـك فـــي حـيـنـهـا

مانـي بشـعـره أناخصـمـك قـطـوع الـعـرام = وان زاد جـــن الـبـقـوم أحـشــر مجانيـنـهـا

فيصل الرياحي

أن وقعت في الصخر وان وقعت في العدام = حـنـا سـيـوف الـمـعـارك وأنـــت سكيـنـهـا

الله ربــــي وربـــــك يـامــطــوع جــهـــام =(تسجـد عـلـى الأرض) لاثــارت براكينـهـا

حبيب العازمي

لـو مامـعـي غـيـر سكـيـن ومـطـرق بـشـام = أخــذ سـيـوف أكـثـر البـقـوم مـــن يديـنـهـا

الله رب الـجـمـيــع وصـاحــبــي مــايـــلام = هـجــت ذلـولــه تـلــوى فــــي كراعـيـنـهـا

فيصل الرياحي

كـم عـالـم(ن) يحلـمـون ويشمـتـون الـحـلام = مــــاردك عــــن الـبـقــوم ألا سـلاطـيـنـهـا

تــرا هـذيـك الهـنـوف أم الـذهـب والـزمـام = مـاعـدك ألا قــذاة(ن) فــي طــرف عيـنـهـا

حبيب العازمي

ويـن السلاطيـن يــوم(ن) الشـجـاري خـيـام = هــي بـيــض مـــن طبـعـهـا ولا مكسيـنـهـا

وأنتـه بعـد فـي حـدا الخـديـن دقــت وشــام = لله يـعـيـنــك عــلـــى الأيــــــام ويـعـيـنـهــا

فيصل الرياحي

شهد لنـا بخيـت يـوم الهـوش تحـت العسـام = مـاهــي بـكـذبـه مــــع الـعـبـلـه مسـويـنـهـا

عاملـتـهـا بـالـوفـا والـطـيــب والأحــتــرام = وأنـتـه تجـمـع عـلــى الـخـبـزه وراعيـنـهـا

حبيب العازمي

شـهــادة طـيـبـه لاهـــل الـهــوا والــغــرام = قـصـيـدتــن كـــــل خــلـــق الله مـغـنـيـنـهـا

ياصحابـنـا لايـزيـد الـطــق فـــوق الـلـحـام = أنـــتـــم مـغـديـنـهــا حـــنــــا مـعـشـيـنـهــا

فيصل الرياحي

أنتـم كمـا الـزرع ياعتيـبـه وحـنـا الـصـرام = لأرض مـــاعـــاد تـحـمــاكــم مـيـاديـنــهــا

ياشاعـرن فـي المـلاعـب لبـسـوك الـوسـام = ضيـعـت فــي اللـيـل عشرتـهـا وعشرينـهـا

حبيب العازمي

كلمـتـك هـــذي ماتـنـقـص للنـشـاما مـقــام = يـالـلــي تــهــدد عـتـيـبـه ويــنــك وويـنـهــا

يالشاعـر الـلـي نبتـلـك مـثـل ريــش النـعـام = مـاصــالــحــن لـلــبــقــوم ألا دكـاكـيـنــهــا

فيصل الرياحي

نـدخـل عـلـى الله تـرانـا مـانـسـب الـكــرام= أقـولــلــي ســالــفــه مـــاهـــم بـنـاسـيـنـهـا

مـن يـوم ركبـت طوقـن مثـل طـوق الحمـام = حـتـى أم ضرفـيـن جاديـنـك عـلــى ديـنـهـا

حبيب العازمي

الـســب مـالــه مـجــال ولايـفــك الـزحــام = وأن جـبـتـلـك سـالـفــه مـيـعــادك دويـنـهــا

مايختـلـف هالريـاحـي منـتـفـخ كـــل عـــام = كــــن أم ضـرفـيــن غـاذيـتــه بضرفـيـنـهـا

فيصل الرياحي

مـزكــوم ياصـاحـبـي واعديـتـنـي بـالـزكـام = ديـنــت بـنــت الـحــلال ولا قـضــا ديـنـهـا

سبحان مـن حـط جسمـك مثـل عـود الثمـام = كـنــك مـــن أفـريـقـيـا وأحــــد مساكـيـنـهـا

حبيب العازمي

خــلــه لـعـلــه عـسـاكــم كـلــكــم للهيـــــام = الـعـافـيــه صـــــح مــنــتــم مستـحـقـيـنـهـا

وزن الخشـب طـن ولا المـاس كيلـو جـرام= حــمــر الفلـسـطـيـن نكـبـتـهـا فلسـطـيـنـهـا

[مشعل الريمان]

وهذه محاوره جمعت فيصل الرياحي رحمه الله مع خلف بن هذال العتيبي




خلف


سلام رديةٍ تملى الصدور أفـراح وسـرور=والورد يقطف وينثر بيـن مبسمهـا ويدهـا
وأخص خالد ولد من علق القربه على الكور=تشربها الوارده والصـادره تسقـي ولدهـا




فيصل


يامرحبا بالنيابه والعلـم منشـور منشـور=بيرق طوال العمار اللي مشى معهم سعدها
هاذي شهاده لبو خالد وفاء ماطبهـا زور=شهادةٍ كل من فوق الثرى قـام وشهدهـا




خلف


وسع بطانك ترى المسرى طويل أظلم بلا نور=وأن كان عارضت لك عقده ترى خصمك عقدها
الليلـه الملعبـه غبـه ولـي مينـاء وبابـور=أرسي بها مثل ماترسـي طميـه فـي بلدهـا




فيصل


على كفوف القدر نجري ونبني للفخر صور=والعقده اللي تقول أحذر من الطيحه بعدها
الليله الملعبه تفـداك والمكبـور مكبـور=كم واحدٍ دور الحاجـه وعـود ماوجدهـا




خلف


الحمل خلا الجمال الصهب تستسلم من الجور=لاتقعد النايمه خـل الرضيعـه فـي مهدهـا
قلبي على شطة الأيام مستعصي ومعصـور=والقوم ماتترك الفزعه ليـا ذعـذع سعدهـا




فيصل


كلمتك هاذي تعدلها على برطم وحنجـور=ياراعي السبحه أم الخيط قلي كم عددهـا
كم واحدٍ فرق العالم بدون إحساس وشعور=روحه من النقد وأهل النقد أشوفه ماحسدها




خلف


السبحه أم الخرز فيها عذاب وخير وشرور=ما لامست خدة العذراء ولاناشـت نهدهـا
أرفق شويه ترى النيه مطيه مأنت معـذور=وش لون تلقي معي حجة غلط وتجي بعدها




فيصل


تقولها ياخلف وأقول لك خذ رأي مستـور=يادوب عينك تحرك نونها داخـل بردهـا
الموت محدٍ حفر قبره ونصف الناس مقبور=وش خانة الخيمه اللي حرك الغربي وتدها




خلف


دنياك هاذي مركبةٍ على قـرنٍ مـن الثـور=لو ماج عنها رمت بعض الخيام أطول عمدها
عيني تشوف البعيد ولا تطالع داخل الـدور=تغضي عن الثعلب المكار وتطالـع بأسدهـا



فيصل


هذا ماهو حلم، شيئاً قبلنا معـروف مخبـور=ياعاوياً للسباع الشهـب ثـم جتلـه جهدهـا
إرفع لسانك عن أسنانك ترى الشيطان معرور=والحجـه الفاشلـه ماينفـع الفاشـل سندهـا




خلف


إن كان مخطي نقول أخطيت وندقك على الزور=هاذي وعايد رجـالٍ ماتوختـر عـن وعدهـا
لاوالله إلا غديت وضعت بين معـان وجفـور=فزعتك ماتاصـل الحـروه ولا يلحـق مددهـا




فيصل


تبا الحقيقه ماعاد إلنا عليكم كبر الأظفـور=لكن روحك خلقها الله وزود فـي نكدهـا
حنا ندل البشر خذها من علوم إبن منصور=ياراعي الجبهه اللي طبنا الشعبي فصدها




خلف


إجنازتك ماتبا إلا متر خام وكـاس كافـور=وأن كان جهزتها عندي وأنا هندي لحدهـا
ماتنزف البير لو حطيت لك عشرين ماطور=لكـن ريـح ركابـك لاتسيرهـا وحدهـا




فيصل


أنته بعيرٍ نهـار العيـد للأيتـام مجـزور=مثل الجمال السمان اللي تبرّك من وهدها
البير طقت صفا ماعاد تروي فرخ عصفور=وأنا شربت البحر من حر كبدي مابردهـا

[مشعل الريمان]

فيصل الرياحي رحمه الله وحبيب العازمي



* فيصل الرياحي:


مرحبا يا هلا والبرق توّه يلوح=ودنا الخيل تركض جوف ميدانها
ابتسم فجرها والفجر دايم فضوح=يا حبيب تراها قرّ ميدانها

* حبيب العازمي:


البقا لين يطلع طب فوق الجروح=ثم من ديّن الأيام يدّانها
انت فسّرتها بالجد ولاّ المزوح=ما يجيب الرسالة غير عنوانها

* فيصل الرياحي:


واضحة يا طويل العمر كل الوضوح=عانها كنّها شمس الضحى عانها
عمّروها مطير مطلقين الطموح=والرسالة سبحنا البحر من شأنها

* حبيب العازمي:


صانع الفلك نوح وراكب الفلك نوح=قبل حية تهامة يطلع لسانها
ولّعوها مطير وخل قدرك يفوح=لا تعذّر بشعلتها ودخانها

* فيصل الرياحي:


كانت الأرض كوكبها ومن دون روح=لين ربي بعث في الأرض سلطانها
راقبتك النجوم ومسكنك في السطوح=رافعتك البيوت بقو عمدانها

* حبيب العازمي:


ما فقع ثوب عنتر غير ثور نطوح=كيف نامن بقر خيبر وزيرانها
ما جرحت الكريم ولا طلبت الشحوح=أركب الطائرة وأهز جنحانها

* فيصل الرياحي:


ما يهم النطوح ولا يهم الرموح=البلاء كان بقعاء طاح شيطانها
خل بقعاء تلغم فمك ديس المسوح=زيرمانٍ غزلها جنب كرعانها

* حبيب العازمي:


الشهود أربعة واللي عليهم قدوح=من عيال أم عامر مدري اخوانها
لو بنت في شمال المملكة سرح دوح=كل سرحة لقيتك تكسي أغصانها

[مشعل الريمان]

فيصل الرياحي رحمه الله مع راشد السحيمي




راشد السحــــــــــــــــــــــــــــــــــــيمي


يامرحبا ترحيبة منها على صدري وســــــــــــام=فحلال حرب أهل الفعول الأولة و التالية
قالوا معك فيصل و قلت النور أخير من الضلام=قـدوة لشعار البقوم أهل القصور العالية



فيصل الريــــــــــــــــــــــــــــــــــــــاحي


دام البقاءو الله يوفقنا على درب النظــــــــــام=أنتم و حنا مانبأ غير العلوم الغــــالية
أنا معك حاضر و لاني بألحــــــق الطيب ملام=لكن خل القلب سالي مع قلوبٍ سالـية



راشد السحــــــــــــــــــــــــــــــــــيمي


مانتهمك بنقص ما أنته في محل الاتهـــــــام=رجال ماتغلط و غلطات الدهر متوالية
قلتم شعيل يشيلها قلنا شعيل أعـوج سنـــــام=لكن ياويل الجمل لو يزعـــــل الجمالية



فيصل الريـــــــــــــــــــــــــــــــاحي


ياصاحبي ياصاحبي بين الرياجيل أحتـــرام=و أن راحت أسلوم العرب ماتنفع الاموالية
أنته دخلت الحرب ياراشد و شديت الحزام=لكن خف ربك ترى الجـــــــنات بالاعمالية



راشد السحـــــــــــــــــــــــــــيمي


ان حاش أبن منصور خمس أصوات مافيها كلام=فايز بكأس العــــالم اللي نظمته إيطاليه
لعلها لوقعت فالجلد ماتصل العظـــــــــــــــــــام=قدرتك يامنش اللحم فوق العظام البالية



فيصل الريــــــــــــــــــــــــــــاحي


أن راحت الافعال يارجال مافاد الكـــــــــــلام=بجلس مع الخمسة و أخير من الديار الخالية
بعض العرب لانام ياراشد يضيعه المنـــــام=يقــــدر يعمر له قصور فالحــــــــــلام الحالية



راشد السحــــــــــــــــــــــــــيمي


لاصرت شيخ أنشدك وش فرق الحلال من الحرام=هناك زعلت جاليةو اهناك زعلت جالية
يمكن نواصـل شـغـلـنا و أنـخـلـي الجـمــعة دوام=لــــولا جوازات المدينة كثرت العمالية



فيصل الريـــــــــــــــــــــــــــاحي


ماني بمفتي مير أعرف الاجر و أعرف الآثام=و الفرق واضح مثل فرق الخيل و الخيالية
خلك مع العام نصيح القلب و علومك تمام=و الغرب فيه إجبالية و الشرق فيه إجبالية

[مشعل الريمان]

فيصل الرياحي رحمه الله وصياف السحيمي رحمه الله




فيصل الرياحي



على شان نمشي بالمعاني لهـا طعـم ثمـره=نبي نغصب الصايم على الزاد رفـرف ياعلـم
خذينا العصى من واد الاشجار من غصن شجره=وبهل البليهي خـرج وشـداد رفـرف ياعلـم


صياف الحربي


تعين في نفسك واعرف الميمنه والميسره=ضنك شويه تاصل الماد رفـرف ياعلـم
فدتك العصاياالميت اللي بوسط المقبـره=ولالك مع العربان نشاد رفـرف ياعلـم


فيصل الرياحي



أسلمك بوك اوراق والحبر جوف المحبره=وتجلس على دله وبراد رفـرف ياعلـم
اشوفك تثنى في يديـه سواةالمسطـره=تثاوب وتشرب سم الاكباد رفرف ياعلـم


صياف الحربي



ليا كبرت اللقمه ونشبت في وسط الحنجره=يبى يشهدون كبار الاشهاد رفـرف ياعلـم
تثنى عليك السيف وتروح مالك مالك خنفره=يصيدك صلاة العصر صياد رفـرف ياعلـم


فيصل الرياحي



ليا شفت مالك نقض بالحكم وقع بعشره=تريح على مركى وسجاد رفرف ياعلـم
انا خابرك صايغ وخربت نقش البنجره=يجيك الخبر مني ومن غاد رفرف ياعلم


صياف الحربي



انا اعرف صقور الجو واعرف طوير الحمره=وخالي سعد وابوي عـواد رفـرف ياعلـم
لاتومي برجلك يالرياحـي تطيـح الكنـدره=وتصبح فضيحه بين الاجواد رفرف ياعلـم




فيصل الرياحي



مادام البلد محكوم محكوم مالك سيطـره=ولو جيت في ثوب بن شداد رفرف ياعلم
تراني بطلع من جنوبك مبـاره ونبـره=ويمشي الجمل ماهمه قراد رفرف ياعلم


صياف الحربي


ترى غلطة النجار تزعل عميل المنجره=ويصبح قليل الفود مافاد رفرف ياعلم
انا رجل ماتزعلني المهزله والمكسره=وعند الحقايق نار وزناد رفرف ياعلم

[مشعل الريمان]

فيصل الرياحي رحمه الله مع ملفي المورقي




ملفي المورقي


زل السلام وحزة الترحيب= لكن نبغى الملعبه حيّه
جنبتها ماجاء لها تجنيب= عن جبهتك يافيصل العيّه

فيصل الرياحي


لا والله الا مايزل الطيب= مغروس فرجال السعوديه
متى ياملفي لرميت تصيب= حذفتها ماوقّعت فيّه

ملفي


هذا الخبر مافيه شـــك وريب= مصححن ميّه على مــــــيّــه
دائم تلوى كنك ام جنيب=متى على الله تصــلح النيّه

فيصل


الكذب مايحتاج له تكذيب=لا تسرع السرعه جـــــنونيّه
ليا لقيت العقرب ام ذنيب=اطى على العقرب برجــــلــيّه

ملفي


ترى البنادم مايعلم الغيب=لويكثر الروحات والجيّه
تراك ماانته بالرسول شـــعيب=الليل ياولد الرياحيّه

فيصل


ياملفي انته فيك شــــك وريب=ناطحتك الريح الجنوبيه
المعرفه معنا على تركيب=ماهيب ياها ها يا ها هيّه

ملفي


الوضع يافيصل ماهوب صعيب= اخذ الخبر من روس طــــــرقيّه
علمي بــصـــدري مادخل بالجيب=والا انت علــمك نـص ربـــيّـــه

فيصل


الشاوي اللي سمع صوت الذيب= وســــلاحه عــمامه وطاقيه
هيّا اعترف والحق ماهو عــــيب=لا تقرن الحــسنه مع الــســيّه

ملفي


البدو حـــــمّـــــاية طــــوال النيب=ماهمهم سرحان ووخـــــويّه
بعـــدين لا تــقرب طـــــريق البيب =دونه قنابل هــــــندروجيّه

فيصل


حنا نودي والزمان يجيب= بين النشامى والحــــراميه
مــا يــطــرح الإ نســان غير الــشيب=والموت والدنيا الدناويّه

[مشعل الريمان]

فيصل الرياحي رحمه الله مع مستور العصيمي



فيصل:


سلام الله عليكم من ضميرٍ دق به هوجاس=يهندب والعصيمي عارفٍ قصـة هناديبـه
لقيت إبليس أخو مره يدبر في عقول الناس=وأنا عقلي سليم ولالعبـي فـي ملاعيبـه


مستور:


هلا يامرحبا في حفل قومٍ يرفعون الرأس=رجالٍ يالرياحي تعطي اللافي مواجيبـه
تعوذ من بليس ليا لقيته وإترك الوسواس=وخل اللي يشيل الكيد يقبل به ويقفي بـه



فيصل:


أنا مأبغاك يامستور تلبس للعلـوم لبـاس=يعذرب فيك بكره واحدٍ نـاسٍ عذاريبـه
وأنا مأبغى صديقٍ كل يوم يجرد الأمواس=يشذّب في عراقيبي وأشذّب في عراقيبـه



مستور:


أنا ماقلت لك دخّل جحا في بيت أبو نوّاس=أبو نوّاس يعط العلم مايحسـب عواقيبـه
ألا ياصاحبي ماينبني بيـتٍ بليـا سـاس=ليا منا بنينا البيت نصبح به ونمسـي بـه



فيصل:


ولا يامطوع الهادي لاجيت مطـوع العبـاس=حديثٍ مـارواه أبـو هريـره لايجينـي بـه
بنيت البيت مير أحرص وحط الباب والحراس=قرب منه الحرامي وإن دخل فتـش دواليبـه




مستور:


ترا حنّا العرب والإسم واحد والطبوع أجناس=أحد يبدي عذاريبه وأحـد يخفـي عذاريبـه
وأنا ماودي إن السلك يجرح لين يضرب ماس=ليا راحت وجت ماللصحيب آكود أصاحيبـه



فيصل:



لاشفت من العرب رجلٍ يرحب بك على الإفلاس=لاتضحك لو ضحك سنـه ولاتسمـع تراحيبـه
ليا دن الجرس للحرب دنـت باقـي الأجـراس=وبعض القوم مايلقى المكان اللـي يصلـي بـه





مستور:


علامك قمت تنشرها مع العالم بدون قياس = ترى طرقٍ تغني به مع العالم نغنـي بـه
أنا قلت إلك لاتفهم غلط يالشاعر الحساس =أملنا فيك زين وكل علمٍ زين تحري بـه





فيصل:


لاوالله مانشرت النار لو يقبس لهـا المقبـاس=جريده صادره من سوق عمك وأنت تدري به
لياراح الكلام العاطفي حبرٍ علـى قرطـاس=زهمتك لين أشوف العلم وش مخطيه وإمصيبه





مستور:


علامك محترق ماكنك إلا بن في محماس=وأنا وأنته ماننزل فالشعيب اللي عوى ذيبه
ولاياصاحبي لايلتوي حبل الرجا واليـاس =ترى المجنون ولعهـا وطفينـا مشاهيبـه




فيصل:


أنا مألعب يابو تركي مع اللي يلعب الدسـاس= أحد السيف وأضربه وأشد الخصم وألوي بـه
لكن إجلس معي ساعه وترضى باقي المجلاس =ترى ماهمنا المجنون لو كـان إنفـرا جيبـه

[مشعل الريمان]

فيصل الرياحي رحمه الله ومحمد السناني




فيصل الرياحي:


تعـال ياسنانـي نوينـاك بالـذات تعـال ياسنانـي=فنجال من دله وكلمه من الـراس فنجـال مـن دلـه
تجر الآلحاني علـى اربـع قنـوات تجـر الآلحانـي=ياحي ذا الطلـه يقولونـه النـاس ياحـي ذا الطلـه



الــســـنـــانـــي


وقف على شاني ودق التحيات وقـف علـى شانـي=وابعد عن الزله وموقفك حساس وابعـد عـن الزلـه
ربي ليا اعطاني جزيل العطيات ربـي ليـا اعطانـي=حزت الفخر كله وحصلت نوماس حزت الفخـر كلـه



الــــــــريــــــــاحــــــــي


ترى الخبر جاني من أقصى المسافات ترى الخبر جاني=جا عندكم خله وفالقلب وسـواس جـا عندكـم خلـه
افـلان والثانـي عليهـم علامـات افـلان والثانـي=ياريـس الشلـه منافـق وهـلاّس ياريـس الشلـه



الــــــســــــنــــــانــــــي


الهرج مجانـي ورسـم العلاقـات الهـرج مجانـي=لا تخلف الملـه وتنـدق الآجـراس لاتخلـف الملـه
مايغلط لساني فالآحياء والآمـوات مايغلـط لسانـي=وانت اعرف العله قبل قطع الآنفاس وانت اعرف العله


الــــــــريــــــــاحــــــــي


ماني بغلطاني على كـل الآوقـات مانـي بغلطانـي=قولي على حله مثل صافي الماس قولي علـى حلـه
ياالهادم الباني يابو عشـر نيـات ياالهـادم البانـي=جاك الخبر كله وخلاك منحـاس جـاك الخبـر كلـه




الــــــســــــنــــــانــــــي


احقوق الإنساني عطتك الحصانات احقوق الإنسانـي=واللي تعين له مثل طابخ الفـاس واللـي تعيـن لـه
فرقت الإخواني بعشـر ابتسامـات فرقـت الإخوانـي=والخوف والذله تلبسـك بلبـاس والخـوف والذلـه


الــــــــريــــــــاحــــــــي


يهدى كحيلاني من الـورد باقـات يهـدى كحيلانـي=اغناكم بظله يااهـل بنـك الإفـلاس اغناكـم بظلـه

[مشعل الريمان]

وهذه محاوره جمعت فيصل الرياحي رحمه الله مع حمدان العصيمي





حـــــــمـــــــدان الــعـــصـــيـــمـــي


هــلا يامرحـبـا بـأسـمـي وبـأســم مـجــري الـهـيـاب =رفيق(ن)يحتفي بالضيـف ويكمـل مواجيبـه
عـلـى حـلـو النـبـا والـعـود الأزرق نـثـنـي الـتـرحـاب =وهذا سلـم اهلنـا والكـرم حنـا معازيبـه


فــــيـــــصـــــل الـــــريـــــاحـــــي


يـدوم الـك البقـا مـن هاجـس(ن)لا طــاب خصـمـه طــاب =اقوله فـي محل(ن)ياكبـر حظـه وياطيبـه
تــرى ســم المعـانـي يالعصيـمـي مـثـل ســم الـــداب =توقع بيت تدريبه لكـن غيـرك مـا يدريبـه


حـــــــمـــــــدان الــعـــصـــيـــمـــي


لـيـا قـلـت الحـيـاه اظــروف قلـنـا للـحـيـاه اسـبــاب =لكن العلم عند اللـي يـودي العلـم ويجيبـه
ولا يالـلـي تـسـوق الـبـاص كــم يـأخـذ مــن الـركـاب=ما دام انك مـع الديـره تسندبـه وتنحيبـه

فــــيـــــصـــــل الـــــريـــــاحـــــي


ابـا أخـذ مــن علـومـك واعتـقـد قلـبـك مـاهـو بكـتـاب =واغني لك بقـاف كـل مـا تذكـر تغنيبـه
تـبـى تـركـب مــع الـركـاب لامـنـا فتـحـنـا الـبــاب =ليا ناديتك ادخل واخذ لك خمسة مـن عتيبـه


حـــــــمـــــــدان الــعـــصـــيـــمـــي


تــرى بـعـض الأمــور الـكـايـدة محـتـاجـه استـيـعـاب =ليـا منـا وردنـا العـد صفينـا مشاريبـه
انــا مـانـي مجـنـب عـنـك لا جــاء المـاقـف الغـصـاب =ولكن الرخاء تعرف يابن منصور اصاحيبـه

فــــيـــــصـــــل الـــــريـــــاحـــــي


دوالـيــب الـذهــب فـــي الـبـنــك دوالاب ورى دولاب =واحد يعطى واحد محروم دايم فاضي(ن)جيبه
اعــرفــك فارس(ن)مـاتـنـهـزم لافـتـلــت الاشــنــاب =لاكن اليوم فالدنيـا علـوم اكبـار وصعيبـه

حـــــــمـــــــدان الــعـــصـــيـــمـــي


انــا اظــن الـذهـب يصـبـح ضـحـيـة واحـد(ن)نـصـاب =لكـن اليـا بـلاك الحـظ لاتفتـح دواليبـه
ابـوزيـد الـهـلالـي مايـنـقـص مـــن مـقــام اذيـــاب =على وضح النقا ينصـاه مايشـدب عراقيبـه

فــــيـــــصـــــل الـــــريـــــاحـــــي


مـا قـول الراجحـي وش جـاب ولا الأهلـي وش هــو جــاب =ولا اطيع الذي يلعب ولو كثـرت ملاعيبـه
تــرى العـلـم الصحـيـح يـشـرف الأصـحـاب والاجـنـاب =اجيك بعلم واضح يلزم الصاحب مع صحيبه

[وليف المراجل]

السلام عليكم

فكره رائعه ورحم الله الشاعر /فيصل الرياحي

اليكم هذه المحاوره الاكثر من الرائعه بين الشاعرين فيصل الرياحي ( رحمه الله ) & ثنيان الرشيدي

الذي شارك في شاعر المليون 2

فيصل الرياحي


سلام الله عليكم عد براقن سحابه هل
على المدينة واهلها وعلى من فيها والقلب اشكل
يقولون الجواب اسهل وانا اقول الجواب اجهل

على وضح النقا نمشى ولا ندري عن المكتوب


يا رجال المدينة يا كرام الرجال = جيت اشارك واقول اعلوم بخاطري


نويت اللعب مع ثنيان يا ثنيان يا ثنيان
بعد الله جمعنا خلها كالبر والاحسان
عسى الله ما يهينك واحتزم في ساحه الميدان

على وضح النقا نمشى ولا ندري عن المكتوب


يا وسيع العرب جاء لسوالف مجال =وسع السوق للبياع والمشتري


ثنيان الرشيدي


هلا يا مرحبابك مثلها مني وانا ثنيان
مواطن بالكويت وبالمدينة من حدى السكان
وصلى الله على الهادي وعسى الله يلعن الشيطان

على وضح النقا نمشى ولا ندري عن المكتوب


يالرياحي تهرج والسوالف طوال =علم الي على اخبار العرب مادري

تبا تبلعب وبلعب والعرب قامت تزيد الكيل
ولمن قلت راح الليل ابا قوللك تو الليل
يلوح البرق والاخبار كلها بكره بالسيل

على وضح النقا نمشى ولا ندري عن المكتوب


فيه علمن حرام وفيه علمن حلال *** مير سولف معي هالحين وش تحتري


فيصل الرياحي



سوالفنا على وضح النقا ماهي بمضبوطه
وللمعنى وجيهن بينه وشروط مشروطه
لعل العنكبوت يموت متعلق على خيوطه

على وضح النقا نمشى ولا ندري عن المكتوب


ما يشيل الحموله الا ظهور الجمال = والحموله ثقيله والجمل ماضري


انا ماني بشاعر كلمتن تضحك بها الجهال
انا شاعر عقولن تدرك الكلمة بكل اجلال
ولابه عنك زودن دارت الدله مع الفنجال

على وضح النقا نمشى ولا ندري عن المكتوب


انت وين انت غايب يا كريم السبال =يوم نرقص على المريخ والمشتري


ثنيان الرشيدي


سوالفنا على وضح النقا والنار مشتبه
وخشمن مرتفع للحب ماهو محصلن حبه
عسى بابور هاك القلب من غبه على غبه

على وضح النقا نمشى ولا ندري عن المكتوب


يالرياحي ترى الليله حمولك ثقال = داخلن لك بحر تسعين ماهو صري



اعرفك شاعرن مشهور والعلوم دايم اكبار
تشب النار والبردان يقرب عند جنب النار
ولكن حدك الله يم قافن وادين بالغار

على وضح النقا نمشي ولاندري عن المكتوب


تو زان الطريق وتو زان المجال = بشر الي يدور كل تاجر ثري


فيصل الرياحي


انا محتار ذى الليله وش اقولك ذى الليله
ولاهي قلت افكاري ولا هي قله الحيله
ابا اقدم لك الموجز وانت بحث في تفاصيله

على وضح النقا نمشى ولا ندري عن المكتوب


واحدن قاليلي وصدقه يوم قال = وانا غلطان يوم اصدق المفتري

[صاحب السمو]

أنقل لكم هذه المحاوره التي جمعت كلاً من :



فيصل الرياحي رحمه الله وملفي المورقي ( وهي قبل عيد الأضحي لعام 1429هـ)






الرياحي


سلمولي على ملفي سلاماً كثيـر=من ضميراً مايلحق له خصيمه مدا
قادها قادها ذا الليل سلك الحريـر=يوم ناداني الطيّب سمعـت النـدا



المورقي


بلّغوا له تحياتـي بحلّـة مطيـر=من ضميراً سليمً مايعرف الـردا
بالكرم ضنّي ابن مهيد ماله خشير=لوسمعت المصوّت بالعشا والغدا



الرياحي


انت مشغول ماتسمع هدير البعير=هرشك اللي هدر له هدرتين وغدا
شبت النار فالخيمه وشقّ الحصير=مالك الا ترش النار ليـن تهـدا



المورقي


هرشنـا تعرفونـه فالنهـار الكبيـر=كم قتل من بشر جعل اقتلاه اشهدا
يالرياحي عساها تشتعل وش يصيـر=ودي احدا مدام ان الرجـال اتحـدا



الرياحي


ماذبح له كبير ولا ذبح له صغير=اجرباً لا مشى فالدرب ماله جدى
ياعتيبه تراكم قبل فعلـه بخيـر=يزعلون القرابه يفرحون العـدا



المورقي


لا تحارش جملنّا ثم يجيلك مغيـر=خل غيرك يابن منصور كبش الفدا

[صاحب السمو]

فيصل الرياحي رحمه الله وعبدالله بن شايق





بن شايق

مراحب وارحبو يا مرحبا ترحيب شوق حار=أحط ايدي على العله وآداويهـا وآعالجهـا
انا والله ما آبسط لين آثور عجة الشعـار=وآشوف الملعبة يختظ داخلهـا وخارجهـا



الرياحي

يدوم لك البقاء دام البقا عند اللقاء ما بار=لنا منهج ونعرف عادة الناس ومناهجهـا
ليا حصلت لك بستان حول وأقطف الازهار=ترى العربان تقدر تحرجك قدام تحرجهـا



بن شايق

صدق من قال يا زين العلوم ان سلمت التكرار=وكذب من قال ترديـد السوالـف مايسمجهـا
أنا عنـدي سفينـة طايـرة ربانهـا طيـار=بحرهـا للجنايـز والمقابـر فـي مدرجهـا


الرياحي

أنا خابرك تاجر تعرف الاسواق والتجـار=لكن أذاعتك منذو سنه خربـت برامجهـا
تحولت السفينه طايرة يـا لله يـا ستـار=سفينة طايرة صوب السماء وانت امتولجها



بن شايق

انا بالشعر متنبي شهاده من طـوال اعمـار=وانا ما آهرج الكرعان بل الروس آهرجهـا
يقولون الرخوم تشك لكن الحـرار احـرار=آسمع ناس واسمعها ما تزعجني ولا أزعجها



الرياحي

وانا للشعر مثل الجامعة يا الطالب المكـار=أدرسك أنت مع طلابها واحضر تخرجهـا
ابن شايق خطب ليلى وأظنه حلم ليل وطار=خطبها له ثلاث سنين وازرى ما تزوجها



بن شايق

يا زين العفو والغفران يا معبود يا غفـار=عرب متشنجه واليا متى يكبـر تشنجهـا
بغيت أنسى هوى ليلى وآطلق حبها السحار=لكن ليلى حلالة قـوم ساحرنـي تغنجهـا



الرياحي

أنا بآخيرك يا خوي في المعذار والمقـدار=ترى ظيفك ما حقه بالعلوم اللي تمروجهـا
زمانٍ فات تغنج لك وتهرج لك بعض لسرار=وهالحينه ما تقبل لو على ظهرك تحججهـا


بن شايق

مسا خير وصباح الخير ودك خير ولا خار=كلامي جرهدي ماهو باشاعـاتٍ تروجهـا
لنا وجه ولنا جاه ولنا مثل القبايـل كـار=وبعض الناس لا كار ٍ ولاجاهٍ ولا وجهـا


الرياحي

علومك لا تطولها يا بن شايق وهي قصار=ترى الافعال والاقوال تحسب من نتايجها

[صاحب السمو]

محاوره جمعت فيصل الرياحي رحمه الله مع محمد السناني


الرياحي

ياسلامي على وجهٍ يشرف وجاه = من جهينه ومن كل القـــــــبايل هنا
يالسناني ويش إللي ناقصك في الحياه =كل ماتطلب الراحه يجيك العنا


السناني

في محلٍ يشرف من دخل في حماه=مرحبا مرحبا وإللي مقابــــلك أنا
مانقص غيرأشوفك في صفوف الصلاه= فيه علمٍ يهم الضيف ويهمنا


الرياحي

أنت عديت في ضلعٍ تدربي حصاه = بامدرب الحصى لاجاءعضامك ونا
مسجد(الكاثوليك)إللي تهاوى بناه = مايصــــــــلون فيه إلاصلاة الخنا


السناني

أنت مشغلك وجه الضلع ولاقفاه = مايجي الموت غيرإللي نهاره دنا
الرياحي منول مايسب إخوياه = ميرهالحين جاله من حلــــيمه ضنا


الرياحي

خل كلاً على كيفه يسوي سواه = ويش علينا ليامن الفقيرإغتنى
أنت خاويت ذيبٍ لابسٍ جلدشاه = وبش تسوي بجلدالشاه ياعمنا


السناني

القيامه علامتها الحفاه الرعاه = يعمرون الديارويرفعون البنا
أنت لسّاع ماحصلت صك البراه = كل ماعاتبوك تــردها يمنا


الرياحي

السناني يحدث يوم ربي هداه = شرب زمزم وقلنا بالشفاءوالهناء
مالكم غير ذنبٍ واحدٍ وإشتراه = واحدٍ كان عضمه معتدل وإنحنا


السناني

في دروب المراجل مايبيلي وصاه = وأنت فاللي نويته ماجحد لك ثنا
لوسترت الجريمه تحت كم العباه = كــــان ماغرد البـلـبـل ولادندنا


الرياحي

علمو ثغلبه لاعاد ينسى الزكاه = وإن قرى في الدفاترلايجيب إسمنا
من تعرّض علينا ماله إلاجزاه = وأنت وإياه في ضرب السهوم إقرنا


السناني

ويش يبريك وأنته كنت تطرد وراه = والجنايه نصيب الجاني إللي جنا