محمد بن عبود
09-30-2007, 05:42 AM
السلام عليكم ورحمة الله وبركاته
عرض تلفزيون جده احدى الحلقات الشعبيه وكان من ضمنها محاوره شعريه وظهر المقدم ابن شلاح وقال ((الان نحيكم في مدينة عروى بضيافة الشيخ السور))
فقلت:
عروى يابن شلاح مهيب للسور=عروى لربعن ماخذوها ختاله
عروى لأهلها بالمهند بلا شور=بالسيف ماجت بالحيل والحياله
فيما مضى يوم إنها غزو وسبور=دور من ثقات العرب من تساله
من قبل يغشى المملكه ساطع النور=نور السعود اللي علينا ظلاله
حكامنا اللي زلوا الظلم والجور=وخلوا ردي البتع يمشي لحاله
من عهد اخو نوره وهي خير وسرور=وعلى طريقه مقتفينه عياله
بامر الإله منزلن (سورةالطور)=قضوا على الفوضى وسوق البطاله
ومقدمة برنامجك كلها زور=من عنصريه فيك مدري جهاله
ولانت بعلى فعل المضاهاه مجبور=حتى تجي في درب غي وضلاله
من ساحل البحر الحمر جبت ناظور=متنحرن عروى عساها سهاله
تبي تصور رزفة الربع بالدور=وتبي تقدم عند شخصن جماله
ولمشاهد التلفاز وش جبت مشكور=قدمت شيين ماعرفنا مجاله
صورت لك خيمه وصورت طابور=وتدير ناظورك يمينه شماله
والناس تعرف من على الردف والكور=ولاهمها اللي في علومه خباله
وختامها ودك لمن كان مغرور=عن منصبه يعطى قرار الإحاله
وصلوا على اللي بين الاكوان مشهور=وماقل دل ولانريد الإطاله
(عروى ديرة (ابن حميد) علم لايحتاج الى تعريف)
عرض تلفزيون جده احدى الحلقات الشعبيه وكان من ضمنها محاوره شعريه وظهر المقدم ابن شلاح وقال ((الان نحيكم في مدينة عروى بضيافة الشيخ السور))
فقلت:
عروى يابن شلاح مهيب للسور=عروى لربعن ماخذوها ختاله
عروى لأهلها بالمهند بلا شور=بالسيف ماجت بالحيل والحياله
فيما مضى يوم إنها غزو وسبور=دور من ثقات العرب من تساله
من قبل يغشى المملكه ساطع النور=نور السعود اللي علينا ظلاله
حكامنا اللي زلوا الظلم والجور=وخلوا ردي البتع يمشي لحاله
من عهد اخو نوره وهي خير وسرور=وعلى طريقه مقتفينه عياله
بامر الإله منزلن (سورةالطور)=قضوا على الفوضى وسوق البطاله
ومقدمة برنامجك كلها زور=من عنصريه فيك مدري جهاله
ولانت بعلى فعل المضاهاه مجبور=حتى تجي في درب غي وضلاله
من ساحل البحر الحمر جبت ناظور=متنحرن عروى عساها سهاله
تبي تصور رزفة الربع بالدور=وتبي تقدم عند شخصن جماله
ولمشاهد التلفاز وش جبت مشكور=قدمت شيين ماعرفنا مجاله
صورت لك خيمه وصورت طابور=وتدير ناظورك يمينه شماله
والناس تعرف من على الردف والكور=ولاهمها اللي في علومه خباله
وختامها ودك لمن كان مغرور=عن منصبه يعطى قرار الإحاله
وصلوا على اللي بين الاكوان مشهور=وماقل دل ولانريد الإطاله
(عروى ديرة (ابن حميد) علم لايحتاج الى تعريف)