" مـجـمـوعـة مـن مـحـاورات الـشـاعـر الـكـبـيـر" {> مـسـتـور الـعـصـيـمـي <}

[سعد الخماش]

أخواني أعضاء منتدى وشبكة هواجيس الأدبية مجموعة من محاورات ..

http://www.alyaum.com/images/11/11367/194217_2.jpg

الشاعرالعلم / مستور العصـيـمـي ..

أحببت أن أوردها لكم ..



تحياتي ..

[سعد الخماش]

:: الـمـحـاورات الـصـوتـيـة ::

مستور العصيمي / شايع العيافي

سلامي في الحفلة اللي نورها يسري مع الليل (http://www.alnadawi.com/index.php?a=sounds&action=view&id=174)

مستور العصيمي / محمد السناني


علامكم يا جهينة راحت الحفلة سوات الحراج (http://www.alnadawi.com/index.php?a=sounds&action=view&id=168)



مستور العصيمي / خلف هذال

سلامي مني وابا مستور ما ابغى غير مستور (http://www.alnadawi.com/index.php?a=sounds&action=view&id=167)


مستور العصيمي / فيصل الرياحي

الليل المحفل كاثر جمهوره /// والشاعر المغتاظ يطلع برا (http://www.alnadawi.com/index.php?a=sounds&action=view&id=152)


مستور العصيمي / فيصل الرياحي

مرحبا مليون في مليون قابل للزياده (http://www.alnadawi.com/index.php?a=sounds&action=view&id=143)


مستور العصيمي / صياف الحربي

بيني وبينك يالسحيمي بحث وحساب (http://www.alnadawi.com/index.php?a=sounds&action=view&id=129)


مستور العصيمي / صياف الحربي

سلام ردية تدخل بيوت المجد والطيب (http://www.alnadawi.com/index.php?a=sounds&action=view&id=126)


مستور العصيمي / ابن جرشان

سلام ردية يبرق لها فالمزن براق (http://www.alnadawi.com/index.php?a=sounds&action=view&id=114)



مستور العصيمي / احمد الناصر

سلام رديه صافيه سويتها وابديبها * تسمعو يامن حضر سلام رده صافيه (http://www.alnadawi.com/index.php?a=sounds&action=view&id=111)


مستور العصيمي / صياف الحربي

سلام في حفل حرب أهل البيوت الكبار (http://www.alnadawi.com/index.php?a=sounds&action=view&id=102)


مستور العصيمي / عبدالله المسعودي

مرحبا واعداد نوضة برقها (http://www.mergab.com/Sounds/details.php?linkid=164)


مستور العصيمي / شليويح المطيري

أنا وايا العصيمي كيف ضعنا داخل الطوشة (http://slysl.com/details.php?linkid=37)


مستور العصيمي / ابن جرشان

أشوف بن جرشان ضايق من دون ذنب ولا خطية (http://slysl.com/details.php?linkid=57)


مستور العصيمي / حبيب العازمي

نبا نعرض الدعوى على الشيخ ابن باز (http://slysl.com/details.php?linkid=58)


مستور العصيمي / جار الله السواط

سلام الله علاكم من هجوس علمها يزداد (http://slysl.com/details.php?linkid=185)



مستور العصيمي / حبيب العازمي


قلنا الجمل ويش يا مستور /// قال الجمل وامه الناقة (http://slysl.com/details.php?linkid=407)


مستور العصيمي / صياف الحربي

فوق راس العصيمي طيور ترفرف بجنحانها (http://slysl.com/details.php?linkid=425)


مستور العصيمي / صياف الحربي

أسوقها مثل ما اسوق الجمل مع خطها المستقيم (http://slysl.com/details.php?linkid=431)


مستور العصيمي / حبيب العازمي


العصيمي ليا شاف المعنى الكبير /// قال هذا المعنى أكيد قد كان لي (http://www.qassimy.com/sd/sounds.php?mqtaa=754)


مستور العصيمي / المعنى البقمي

ألا يا عتيبه وسعوا خاطر الزعلان (http://soty.t3as.com/m31.ram)


مستور العصيمي / رشيد الزلامي

فالحفل حشمة وقيمة واحترام (http://www.qassimy.com/sd/sounds.php?mqtaa=761)


مستور العصيمي / خلف هذال

سلام ردية مثل العسل صافي وأخص الملوك (http://soty.t3as.com/m10.ram)


مستور العصيمي / خلف هذال

ذا الليل ليلة عيد (http://soty.t3as.com/m11.ram)



مستور العصيمي / جارالله السواط

أهدي لفيصل سلام (http://soty.t3as.com/m28.ram)


مستور العصيمي / عبدالله المسعودي

سلامي على الضيفان ومكمل الماجوب (http://soty.t3as.com/m21.ram)

[سعد الخماش]

مــــحـــاورة مــــســـتــور الــعــصـــيـــمــــي مــــــــع جـــــارالــلــه الــســـواط







جـــــارالــلــه الــســـواط

سلام الله عليكم من هجوسن عرفهـا يـزداد=وانا الليله معي رمح ومعي حربه وجنبيـه
تهيض يالعصيمي واعرف المصدار والميراد=تبا علـم الهـوى لكـن غشتـك الهواويـه



مــســتــور الـعـصـيـمــي

الايامرحبا بك يالمسلم والسيوف حداد=عسى سيفك وجنبيتك في علباك مثنيه!!
احرفها واصرفها والبسها ثياب جـداد=لكن انته تسريها مع الـدار الخلاويـه



جـــــارالــلــه الــســـواط

تقول وتعتزي لكن لايجمد عـلاك اجمـاد=ورى ماتنتبه للداب الاسود واخته الحيه ؟؟
تريّح ياعميلي واشرب الدله مـع البـراد=ترى ماكل رجـالٍ يجـب النـا بماريـه



مــســتــور الـعـصـيـمــي

تحـرّص يالعتيبـي لايبـان النقـد للنقـاد=بعد جيت الطبيب اللي يبا ينجض لك الكيه
انا مزهب لك البندق وانا لازم لك المرصاد=يقولون العرب فالناجضه ماهي كما النيـه



جـــــارالــلــه الــســـواط

انا عمك وانا همك ولاترتاح فالمقعـاد=وانا رجال افندي ماخطبت الا الافنديه
تراني محترص لابد صياد الفهود يصاد=وتراكم كلكم في وسط جيبي يالحراميه



مــســتــور الـعـصـيـمــي

سمعت الاوله والعلم يبن العـم لاينعـاد=انا بنصحك وانت اختار في هذي وهذيه
ليا قلت لك عان الدرب تركبها بغير شداد=مرار اطيح في حفره ومر اطيح في ضيه



جـــــارالــلــه الــســـواط

سمعت الاوله والثانيه ماني غريب بلاد=وانا ماني حونشي لعنبوكم يالحونشيـه
اكبسها والمسها واملي بطنهـا بالـزاد=وافصل ثوبها ها ثم الحفها السداريـه



مــســتــور الـعـصـيـمــي

ترى هذي غريبه عندنا ماجالها نشـاد=على راسك توقع قنبلتك الهندروجيـه
بغيتك تعرف المعروف ياحامد وياحماد=يابوتكبير كيف اطير انا لازمك بيديـه




جـــــارالــلــه الــســـواط

انا مابدعي بالزور لكن سدد الاقصاد=علاك اديون واجد وانت قدامك فداويه
تعدل واعتدل قدام لانفرشك بالمجلاد=تبا تعطي كرى ولا تبا درب اليمانيـه




مــســتــور الـعـصـيـمــي

علومك يوم افكر في علومك مالها عداد=ولو حللتها ماهيب مبيوعـه ومشريـه
سقى الله ديرة المياسه اللي جابها المقداد=وانا مانيب راعي رعية ٍ ماهيب مرعيه



جـــــارالــلــه الــســـواط

علومي ثابته ماني بسواتك مخلف الميعاد=تعرف الزيدي اللي ظاهرٍ من بطن زيديه
ليا منك بنيت الجدر ماني للجدر هـداد=ماحدك للمشاكل ياعتيبـي مـن عتيبيـه



مــســتــور الـعـصـيـمــي

صحيح انك من زيود اليمن واعجل المعواد=يقولون العرب ماعصبت راسك عتيبيـه!!
انا عمك ليا طال النهار وصار قدح زنـاد=بعد ضيعتها مابين حـر الشمـس والفيـه



جـــــارالــلــه الــســـواط

انا جدي عتيبي تعرفه غصباً عن الحساد=عساك بقنبله تحرقك ياشاخ الحسوديـه
ليا شبيت نارك جالها الهمال والرعـاد=يطفي ضوء نارك ثم تسكب دمعك شويه

[سعد الخماش]

مــــحـــاورة مــــســـتــور الــعــصـــيـــمــــي مـــــــع زيــــــد الــمــــطــــيــري







زيـــــــــــــــد الــــمــــــــطــــــــيــري

ياسلامي على الحضار فـي حفـل روق=ردة ً مـا يجـوز العـذر مـن دونهـا
يالعصيمي علوما ً ترفع الـراس فـوق=مـا تغنـي بهـا ليـلـى ومجنونـهـا


مـــــســــتــــور الـــعــــصـــيـــمــــي

ياهلا مرحبـا عـداد نـوض البـروق=وعد مـن طـاف بالكعبـة وبركونهـا
دور الغاليـة يازيـد فـي كـل سـوق=غنّ لحنـك وخـل ّ النـاس ولحونهـا


زيـــــــــــــــد الــــمــــــــطــــــــيــري

لا تشين القلـوب ولا تضيـع الحقـوق=الامـانـه نرجـعـهـا لمامـونـهـا
يالسان الكذوب اسمع لسـان الصـدوق=تضحك النـاس لـو ّ الشـر ّ بعيونهـا


مـــــســــتــــور الـــعــــصـــيـــمــــي

مالكم حـق صايـب ياوسـاع الحلـوق=ياهل الشجرة اللـي مالـت اغصونهـا
من يصدق لسانـك ياوسيـع الشـدوق=انطفـت جمـرة ً فـي راس غليونهـا


زيـــــــــــــــد الــــمــــــــطــــــــيــري

الشهادة مـن اللـي ماعليهـم طقـوق=يستـعـد ّون للكلـمـة ويحمـونـهـا
شرعنا شرعنا يقطع يميـن السـروق=الــدروب الوسيـعـة ماتشوفونـهـا


مـــــســــتــــور الـــعــــصـــيـــمــــي

الجمل في قيـاده والبهـم فالـرّ بـوق=ويـن رعيانهـا مـاعـاد يرعونـهـا
خلّها لين بكـرة مـن منامـك تفـوق=الرحـى يالعضـالـة زان مطحونـهـا


زيـــــــــــــــد الــــمــــــــطــــــــيــري

كـل دقنـا ً تعـدّاه العلـوم امحـلـوق=ولا نصلـي الصـلاة اللـي يصلونهـا
شجرة ً تشرب الما من طوال العـروق=مـا يجيهـا اليبـاس ولا تقصونـهـا


مـــــســــتــــور الـــعــــصـــيـــمــــي

لا حصل لك صبوح ولا حصل لك غبوق=كان مجنـون غيـرك نـاس بجنونهـا
ياعضالة تـرى مانـي بحـلاب نـوق=اعـرف اللـي ليـا درّت يحلبونـهـا


زيـــــــــــــــد الــــمــــــــطــــــــيــري

انت شاعر ولك رغبـة وميـزة وذوق=مير خـل البضاعـة وصـط كرتونهـا
يالعصيمي ترى مايحلـب الا الفشـوق=دوروهـا علـى الفـاقـة وتلقونـهـا


مـــــســــتــــور الـــعــــصـــيـــمــــي

شيلها فوق راسك طوق من فوق طوق=وشنبى من قـدور النـاس وصحونهـا
العن ابليس ياراعي الحصان السبـوق=خلهـا خلهـا تمشـي علـى هونـهـا


زيـــــــــــــــد الــــمــــــــطــــــــيــري

حصلت غير راسي راس عشق امعشوق=وبركتهـا لذيـك الـروس وقرونـهـا
كان سلمت ولا جوها عيـال الشـروق=بشـرت بالعلـوم الـلـي تعزونـهـا


مـــــســــتــــور الـــعــــصـــيـــمــــي

انتهى التمر من روس النخل والعـذوق=مابقـى الا سبـاع تحـدد اسنونـهـا

[سعد الخماش]

مــــحـــاورة مــــســـتــور الــعــصـــيـــمــــي مـــــــع فــيــصــل الـريــاحــي






فــــــيــــــــصــــــل الــــريـــــــــــاحـــــي
سلام الله عليكم من ضميرٍ دق به هوجاس= يهندب والعصيمي عارفٍ قصـة هناديبـه
لقيت إبليس أخو مره يدبر في عقول الناس= وأنا عقلي سليم ولالعبـي فـي ملاعيبـه

مـــــســـــتــــــــور الـــعــــصــــيـــــمـــــي

هلا يامرحبا في حفل قومٍ يرفعون الرأس=رجالٍ يالرياحي تعطي اللافي مواجيبـه
تعوذ من بليس ليا لقيته وإترك الوسواس= وخل اللي يشيل الكيد يقبل به ويقفي بـه

فــــــيــــــــصــــــل الــــريـــــــــــاحـــــي
أنا مأبغاك يامستور تلبس للعلـوم لبـاس= يعذرب فيك بكره واحدٍ نـاسٍ عذاريبـه
وأنا مأبغى صديقٍ كل يوم يجرد الأمواس= يشذّب في عراقيبي وأشذّب في عراقيبـه


مـــــســـــتــــــــور الـــعــــصــــيـــــمـــــي

أنا ماقلت لك دخّل جحا في بيت أبو نوّاس= أبو نوّاس يعط العلم مايحسـب عواقيبـه
ألا ياصاحبي ماينبني بيـتٍ بليـا سـاس=ليا منا بنينا البيت نصبح به ونمسـي بـه



فــــــيــــــــصــــــل الــــريـــــــــــاحـــــي
ولا يامطوع الهادي لاجيت مطـوع العبـاس= حديثٍ مـارواه أبـو هريـره لايجينـي بـه
بنيت البيت مير أحرص وحط الباب والحراس= قرب منه الحرامي وإن دخل فتـش دواليبـه




مـــــســـــتــــــــور الـــعــــصــــيـــــمـــــي

ترا حنّا العرب والإسم واحد والطبوع أجناس= أحد يبدي عذاريبه وأحـد يخفـي عذاريبـه
وأنا ماودي إن السلك يجرح لين يضرب ماس= ليا راحت وجت ماللصحيب آكود أصاحيبـه


فــــــيــــــــصــــــل الــــريـــــــــــاحـــــي
لاشفت من العرب رجلٍ يرحب بك على الإفلاس=لاتضحك لو ضحك سنـه ولاتسمـع تراحيبـه
ليا دن الجرس للحرب دنـت باقـي الأجـراس=وبعض القوم مايلقى المكان اللـي يصلـي بـه



مـــــســـــتــــــــور الـــعــــصــــيـــــمـــــي

علامك قمت تنشرها مع العالم بدون قياس=ترى طرقٍ تغني به مع العالم نغنـي بـه
أنا قلت إلك لاتفهم غلط يالشاعر الحساس=أملنا فيك زين وكل علمٍ زين تحري بـه



فــــــيــــــــصــــــل الــــريـــــــــــاحـــــي
لاوالله مانشرت النار لو يقبس لهـا المقبـاس=جريده صادره من سوق عمك وأنت تدري به
لياراح الكلام العاطفي حبرٍ علـى قرطـاس=زهمتك لين أشوف العلم وش مخطيه وإمصيبه




مـــــســـــتــــــــور الـــعــــصــــيـــــمـــــي

علامك محترق ماكنك إلا بن في محماس=وأنا وأنته ماننزل فالشعيب اللي عوى ذيبه
ولاياصاحبي لايلتوي حبل الرجا واليـاس=ترى المجنون ولعهـا وطفينـا مشاهيبـه



فــــــيــــــــصــــــل الــــريـــــــــــاحـــــي
أنا مألعب يابو تركي مع اللي يلعب الدسـاس=أحد السيف وأضربه وأشد الخصم وألوي بـه
لكن إجلس معي ساعه وترضى باقي المجلاس=ترى ماهمنا ج7لمجنون لو كـان إنفـرا جيبـه

[سعد الخماش]

مــــحـــاورة مــــســـتــور الــعــصـــيـــمــــي مـــــــع عبدالله المطرفي






عبدالله المطرفي
يطول الليل والمطرود ملحوق=هلا يامرحبا والليل باقي
انا خابرك يامستور صندوق=ولك صدرآ من الارزاق ضاقي


مستور العصيمي

يطول الليل واله رعود وبروق=يدوم لك البقا واملاء السواقي
انا حاضر معك واطلع بها فوق=تبان الشمس ونسد الرواقي


عبدالله المطرفي
انا ماذم لا برقا ولا روق=جمالآ لا تقاد ولا تساقي
يجي فالمعركه سابق ومسبوق=نشوف اللي سبق بعد السباقي



مستور العصيمي

ولا ياشاعرآ غنيت بطروق=ابى الامان ودور فراقي
على هونك وسوق القافله سوق=وجنب عن منكسة الطواقي



عبدالله المطرفي
على وسق البعير اشداد مسروق=وراح امن الكويت اليا العراقي
انا اعرف للجمال ابطون وحلوق=تذوق العيشه اللي ماتذاقي



مستور العصيمي

تدور حق مير اصبحت محقوق=وطارتبك جناحين البراقي
لكن اهل الخطا والغدر والبوق=جماجمهم على روس السناقي



عبدالله المطرفي
ليا طار الصقر بجناح غرنوق=ترى كلآ يحذفه بالمداقي
صفقت الرزق يابو رزق مصفوق=ولا تشرب حليب اهل النياقي



مستور العصيمي

ولا ياصاحبآ فالدرب مرفوق=يطاق العلم والا مايطاقي
تبى وترجع ونص والراس محلوق=وانا واقف لها مالان ساقي

[سعد الخماش]

مــــحـــاورة مــــســـتــور الــعــصـــيـــمــــي
مـــــــع عــبــد الله الــمــســعــودي




عــبــد الله الــمــســعــودي

هاضني ليلة الجمعة سنة تسعين=غير تسعه على تاريخنا الهجري
المعلم تعب بين الحجر والطيـن=والأفندي عن الأحوال مايـدري




مــســتــور الــعــصــيــمــي

لو قرينا على صم الجبال تلين=سورة الراجفه والشفع والوتري
لو بدالي حقيقه قلتها ذا الحيـن=بدري الليل يا أهل الملعبه بدري




عــبــد الله الــمــســعــودي

صارت الحبحبه حمراء على السكين=مابقى غير طش القشـر والبـزري
المهندس يعرف الصـم يامسكيـن=حط لك في شعيب منى مية كبـري




مــســتــور الــعــصــيــمــي

أمتلا الخرج منها ومتـلا الجيبيـن=يوم حظك دعالـك ليلـة القـدري
وش جرالك وجالك وين ساري وين=مر سكر ومر العن من الصبـري




عــبــد الله الــمــســعــودي

كل شيٍ يبين وما أكلت أم قريـن=لازم أنه طلـع فجنوبهـا نبـري
أنت طالب رسبت العام في درسين=لو تعد الـك الأقـلام والحبـري




مــســتــور الــعــصــيــمــي

لقمة ابليس تعلجها على اللحيين=والحوادث تصوّب والدهر يبـري
هرجةٍ مادرى عنها حسن وحسين=عوّذ ابليس علمنـا بكـم تكـري




عــبــد الله الــمــســعــودي

ياذهب بعد ما اشتدت عليك يدين=أحد يبتاع واحدٍ ياذهـب يشـري
البلح والملح فالصاع أبو صاعين=وش تدور تمد يديك في شمـري




مــســتــور الــعــصــيــمــي

كل ديره لها نـاسٍ تسـد الديـن=من بعيد الرموس يجيبها فكـري
وش يحدك على القشرا حداك البين=ولا أنا بالرديـه ماطلـع ذكـري




عــبــد الله الــمــســعــودي

أنت ياخادم الدنيا نسيـت الديـن=لو نهز الجذع ضلا البلح يـذري
ذكرك أسود من الغدرا وحب التين=لو أوصفك في بيتين من شعـري




مــســتــور الــعــصــيــمــي

قاضي الحق واحد والشهود اثنين=ان نشدناك وش سوابك المصري
قلت ياذيب درب الغانمين يميـن=مير مهبول لا تتعب ولا تـزري




عــبــد الله الــمــســعــودي

طيب الشكل والمضمون ماهو زين=مثل ما فالبحر للمـد والجـزري
الحمامه تنادي راعـي المارتيـن=عند عش الطيور النبق والسدري

[سعد الخماش]

مــــحـــاورة مــــســـتــور الــعــصـــيـــمــــي
مـــــــع مـــحــمـــد الـــســــنـــانـــي






مــــحـــمــــد الــــســــنــــــانـــــي

سلامي بعد صفو عتابه فريقيـن=فريقين والميدان قصرالسلامـي
حبيب ومستورالعصيمي على وين=لو إستلحقوا معهم رشيد الزلامي


مــــســـتـــور الـــعــصــــيـــمــــي

هلا مرحبا ترحيبةٍ تقضي الدين=معي محتزيها ماسرقها الحرامي
حبيب وأنا جينا نكحل لك العين=ومن غاب غاب ولايجيه الملامي



مــــحـــمــــد الــــســــنــــــانـــــي

يدوم البقـا ياطيبيـن القوانيـن=وأنا لي نظر فأهل الثلاث الأسامي
مناوين ياعتيبه وش إللي مناوين=أنا يالعصيمي مافقدت إحترامـي


مــــســـتـــور الـــعــصــــيـــمــــي

ولا يالسناني صرت مثل أم ظرفين=عيونك على المشرق وقلبك تهامي
ليا جيتنا يا ضيف تلقى خبر زين=ولن رحت جعلك في بعيد المرامي



مــــحـــمــــد الــــســــنــــــانـــــي

أنا يالعصيمـي ماتقلـب بوجهيـن=لكن أنت ناسي فضل عشرين عامي
جوازك جديد وفيه نخلة وسيفيـن=وناوي تبرّى من شروط النظامـي



مــــســـتـــور الـــعــصــــيـــمــــي

تبان الرسالة من رموز العناويـن=علامك تجي ضامي وصدرت ضامي
ليا كان مال السيف مقضب وحدين=يبي ينكسر قـدام كسـر العظامـي


مــــحـــمــــد الــــســــنــــــانـــــي

أنا ما تياسر والجماعه مياميـن=تفقد حزامك ياجويد الحزامـي
يقولون مابشهار غير المجانين=وقلبك على شأن المجانين حامي



مــــســـتـــور الـــعــصــــيـــمــــي

صبرنا على الأيام صبرالبعاريـن=وهالحين إصحي بالقلوب النيامـي
أنا خابرك وأعرفك من عام الألفين=ولكن صبرك لين أتمـم صيامـي


مــــحـــمــــد الــــســــنــــــانـــــي

لياصار مافالرجـل ذمـه ولاديـن=يبشـر بسوءالعاقبـه والختامـي
أنا خابرك من عام خمسه وتسعين=معنيّك مشوار الفـروت القدامـي

[سعد الخماش]

مــــحـــاورة مــــســـتــور الــعــصـــيـــمــــي
مـــــــع عــبــد الله الــمــســعــودي







عــبــد الله الــمــســعــودي

واحدآ جابوه وودوه مدري كيف قال=من هو اللي دف مستور واندفه وراه
اخوياه ايدورونه وهو رايح لحال=ما خبرت اللي يبا يروح ويكب اخوياه


مــســتــور الــعــصــيــمــي

ما خبرنا اللي يضيق سريع الانفعال=من يقول العلم جاني منين جاه
واشكل الاقوال يا ذيب ما هي راس مال=من ظما لو يشرب البحر ما يروي ظماه

عــبــد الله الــمــســعــودي

الخبر والعلم تحت العمامه والعقال=والعقال مع العمامه فوق راسك هذاه
من زعل قلة سعه يشتري له وسع بال=قبل يقعد له زمانه على راس الحصاه


مــســتــور الــعــصــيــمــي

ما على راسي يقع ما على روس الرجال=والعميل الوافي الناس ما تنقص وفاه
الزعل طيب ومكروه في بعض الحوال=والامانه ما تضيع على طول الحياه



عــبــد الله الــمــســعــودي

انت عندك طبيعه من جدودك والخوال=لا غيبه تعجب الناس من قدر وغطاه
ان عطتك اكتوفها ما تربطك الحبال=وان توجه لك نحرها تلحفت العباه



مــســتــور الــعــصــيــمــي

وان بدالك عوجت العوج في رقاب الجمال=مير من عارض بما عونه السيل امتلاه
من تملت له غروبه ؟؟؟؟؟؟؟؟؟؟؟به محال=كل ما اوحى له منادي ينادي قال هاه



عــبــد الله الــمــســعــودي

ما معي ماعون والوادي الممطور سال=وانت كيف يسيل واديك وخيالك صحاه
والحبوب الصم لو قيمة الحبه ريال=ما بلعها غير من تطحن الحبه رحاه



مــســتــور الــعــصــيــمــي

لو زهمت ابكم يجاوب على هذا السوال=كيف عاقل يلتبس ثوب ما فصل علاه
لن وصلك العلم عندك محايل واحتيال=حيلة الحصني ليا شاف سبع الليل جاه

[سعد الخماش]

مــــحـــاورة مــــســـتــور الــعــصـــيـــمــــي
مـــــــع فــــيـــصــــل الـــريــاحـي




فــــــيــــــصـــــــل الــــــريــــاحـــي

سـلام فـي ليلـةٍ مـا مثلهـا فالليـال=يُقطف لها الورد ويخطط لها مـن سنـه
الشعر حكمة وينبع مـن عقـول الرجـال=قالوا هل الميسـرة قلنـا هـل الميمنـه



مــــــســــــتـــــور الــعـــصـــيـــمـــي

يا مرحبا يـا مسلّـم عـدّ وبـل الخيـال=من جاب له سيّـةٍ محـدٍ عطـاه احسنـه
يا فيصل الوقت يمشي مثل مشي الجمـال=واليا لقيت الجمل قـود الجمـل برسنـه


فــــــيــــــصـــــــل الــــــريــــاحـــي

اعيونهـا للجنـوب وقلبـهـا للشـمـال=واللي على بالهـا نعلـم ونـدري عنـه
الرجل ما يامن الدنيـا علـى كـل حـال=والمشكلة كـان جالـه باللسـان الْسنـه


مــــــســــــتـــــور الــعـــصـــيـــمـــي

أحسن لك الشمس والا احسن تجي فالظلال=ترى السبـب منـك يارجـال ماهومنـه
ما ينزل السوق غير اللي معه راس مـال=والبيع والمشترى والربـح مـا يضمنـه



فــــــيــــــصـــــــل الــــــريــــاحـــي

أنا ولد شمس مانـي ولْـد روح وتعـال=وانته رفيقـي لكـنّ السـرّ مـا تخزنـه
اليا نصبنا علمهـا فـوق روس الجبـال=المستحيلـة علينـا ممكـنـه ممكـنـه



مــــــســــــتـــــور الــعـــصـــيـــمـــي

أنته ولد شمس شمس اللي يعقْد الحبـال=لا عـاد فـي تالـي الأيـام تستامـنـه
احسب حسابك ترى ما يضحك الا الخبـال=تفقّد الهرج يـا فيصـل وهـات احسنـه



فــــــيــــــصـــــــل الــــــريــــاحـــي

بعض البنوك افلستْ ما عاد فيهـا ريـال=لا عاد تفرح على الشجعـان هـنّ وهنـه
ياللي تحوّل عروق الكبْد صـوب الطحـال=دكتـور لكـنّ بعـض الدكتـره ملعـنـه



مــــــســــــتـــــور الــعـــصـــيـــمـــي

نارد عدود الروى والحبل فـوق المحـال=واللي يقفّي مـن الأصحـاب مـا نطعنـه
تسأل وان اسأل وجاوبني بقيس السـؤال=واللي يغنـي نغنـي لـه بقيـس الحنـه



فــــــيــــــصـــــــل الــــــريــــاحـــي

ها شب نارك وحط الوسم فـوق الغفـال=والله يعيـن الكريـم بسفرتـه وصحنـه
بيني وبينك مجـادل فالحصـا والرمـال=ما باقيَ الا الهـدى يبغـى لهـا دركنـه



مــــــســــــتـــــور الــعـــصـــيـــمـــي

تبا تدخّل ولا شفـت الـك فيهـا مجـال=واليـا تدخّلـت حطيـنـاك فالمطحـنـه
الله يكـرم عليكـم يـا كـرام السـبـال=امرار تمشي معي وامـرار فيـك احرنـه

فــــــيــــــصـــــــل الــــــريــــاحـــي

أراقب اللي نـزل واللـي يشـد الرحـال=والمطحنه جالهـا بيـن الهنـود ادخنـه
مالـي بدالـك ولا تلقـى بدالـي بــدال=لكنـك اعقـل وخـل الجـنّ والجنجنـه



مــــــســــــتـــــور الــعـــصـــيـــمـــي

حنا نصلي جماعـه وانـت خلـك لحـال=مسلم واصلّـي ولا يوجـد علـيّ الْعنـه
سكّر سموعك ولا تسمـع لقيـل ٍ وقـال=وان صار منك الخطا تدفع عليـه اثمنـه



فــــــيــــــصـــــــل الــــــريــــاحـــي

با قوّم الثـورة الكبـرى علـى الاحتمـال=حتى قلـوب الهنـود يجـي لهـا دندنـه
اليـا مشيـت ابعـدال آبشّـرك بالعـدال=لابدنـا نعـرف الكحّـة مـن الحنحـنـه



مــــــســــــتـــــور الــعـــصـــيـــمـــي

يبـا يطيـر الهـوى بعمامتـك والعقـال=ياللي ثلاثيـن عـام تعيـش بالمسكنـه
ياليتها كـان ماتـت قبـل تذخّـر عيـال=وان عطـرت فالهـا بالعـود والمدخنـه

[راكان العتيبي]

بعد أذنك وافي


يثبت الموضوع حتى أعود


أخوك

راكان العتيبي

[سامي الريمان]

سبقتني ياراكان


تحيتي لك ياوافي


مار ابا اصل قريب واجي

[سعد الخماش]

بعد أذنك وافي


يثبت الموضوع حتى أعود


أخوك

راكان العتيبي


لا هنت يا راكان ..
ش1

[سعد الخماش]

سبقتني ياراكان


تحيتي لك ياوافي


مار ابا اصل قريب واجي

لا هنتم سباقين ع ـالطيب ..

[نايف القثامي]

بيض الله وجهك
كفيت ووفيت

كما عودتنا اختيار رائع
(((مستور العصيمي)))
علم
مدرسة
بحر
لاتوفيه الحروف والكلمات


تحياتي لك

عساف المهااااار