دعوه للنقاش ..

[محمدالعتيبي]

سلام الله على الشعّار والحضار والزوار = سلامن في هواجيس الفريده جيت اغني به .

الا ياسامي الريمان شد الحيل شب النار = بعد ماشفت بعض الناس فيه الشك والريبه .

[راكان العتيبي]

ياسلام عليك يامحمد


مبدع وننتضر سامي


ياخي أنا أستانس أذا شفتك في ملعبة


من تاقف على المقرفون وتقول خلوها

وأنا عاصب غترتي وماسك الصف

[محمدالعتيبي]

يالبى قلبك اي والله يابو راشد

عساك ذخر

ها والله اني استانس ليا شفتك فالملعبه :D

الليل الليل ههه

شد الحيل ..

[سلطان العطاوي]

يا شيخ


وسامي لحاله


جاااااااااااي


حاط رجله في الطبلون فازززززع




محمد صح لسانك


وسامي صح لسانك

[سامي الريمان]

الله يحيك يامحمد

ويامرحبا والله




هلا يامرحبابك وانت يامحمد من اهل الدار=لكن بعض المطفق ياولد عمي وش يجيبه
وانا اشوف البلد صارت ضحيه عقب ابو نشار = لو ان الشعب كله مايحب الغدر والغيبه

[سامي الريمان]

ههههههههههههههههه

الله يحيك ياسلطان وافيي والله وافي


تحيتي

[محمدالعتيبي]

عجايب شفت فالدنيا وياشيبي من اللي صار = ياكيف الرجل يتعرّا ويتخلاّ عن عتيبه .

الاياليت وقتن فات ياتي بك يابو عمّار = تشوف الوضع فالدنيا ومن ما صار تدريبه .

[راكان العتيبي]

يناظر في الشعار بنص عين


ومازال ماسك الصف

[سامي الريمان]

صح لسانك يامحمد

استلم



عجايب والعجيب ان الرسول اللي يبى الشعار = طلع ماهوب من ربع(ن) على الله ثم على الطيبه
طلع واحد من اصحاب الختوم ولابته تجار = ومن فضل العزيز انٌا درينا قبل نسريبه

[محمدالعتيبي]

ليا شفنا خفيف العقل نسري به لقصر شهار = ويلقى ناس من شكله ومن لونه تهلي به .

ترى الدين الحنيف يحارب الاصنام والكفار = وحنا من رجال الدين لا شكٍ ولا ريبه .

[سامي الريمان]

مرحبا يامحمد


استلم :



عسى الله لايسامح شلة الغاوين واهل البار =وجعل الله يسامح كل مسلم في مشاريبه
وانا والله ما اذمك يامحمد شاعر(ن) بيطار = ولكن الكلام اللي على وجهين ماليبه

[غازي بن ردن]

فاتتني لكن الجايات اكثر خيرها بغيرها

بيض الله وجهيكما